شوركم اخواني في مكينة برادو مخبطه :

[كاشت وحداني]

االسلام عليكم ورحمة الله وبركاته
صديق عزيز علي جدا جدا
لديه برادو 2006 سته سلندر
خبطت مكينته والاسباب مجهوله
الوكاله قالوا له توظيب ب 25 الف
شوركم يا اهل الخبره فيما يلي :
1- هل مكينة البرادو تتوضب ؟ ولا هي المنيوم زي الكامري والاوريون وطقتها .

2- اذا انها تتوظب هل هناك من يوظبها شغل مضبوط .

3- اذا كانت لاتتوظب تشورون بمكاين التشليح ولا لا .

السياره موجوده بالرياض واذا فيه من يصلحها تمام لو بالقصيم عادي.

لا استغني عن مشورتكم اخواني والرجال ضايق خلقه لانه انصدم بالمبلغ اللي قالوه الوكاله .

[ابوحميد122]

الله يكون في عونه
ما عندي اي معلومات خاصه بالبرادو
لأكن اذا تبي رقم ميكانيكي شاطر موجود عطني رساله ع الخاص
قال عليه الصلاة والسلام
" والله في عون العبد ما كان العبد في عون أخيه "

[هواوي الشمال]

اخي خلي الكريم خله يتاكد قبل مشكله الورش والوكاله كل ماطلع طقطقه بالمكينه والا صوت قالوا توضيب ع طول ..يمكن تكون طرمبه الزيت عطلانه ويبي لها تغيير فقط والموتر جديد ماتوقع بيخبط بهالسرعه..اعانكم الله

[patrol-fa]

أنا مع هواوي الشمال ومؤيد وبقوة

تأكد ثم تأكد

إذا عرفت السبب وايقنت إن المكينة يبي لها توضيب رح التشليح وخذ مكينه ارخص لك . .

[كاشت وحداني]

اخواني ابو حيمد وهواوي الشمال وباترول f
الف شكر لمروركم
والمكينه خلطت الزيت والماء
واذا شغل تشتغل وتطلع صوت طقطقه قويه
نقلا عن راعيها طبعا لاني اتصل به واكتب لكم
وبانتظار مشورتكم طالت اعماركم


Sent from my iPhone using Tapatalk

[كاشت وحداني]

لازلت بانتظار افادات الاخوان جزاهم الله خير
واكيد اليوم جمعه الاغلبيه كشاته وتوهم راجعين
لكن نشوف بكره وبتكثر المواضيع وتكثر صور الامطار والسيول
وان شاءالله تتيسر الامور


Sent from my iPhone using Tapatalk

[mgs71]

اخوي روح محل المكاين المستعمله اللي تجي من دبي انا من جده وعندنا مكان تنباع فيه اسمه شبك المطار وخذ لك مكينه نظيفه وحافظ عليها ونصيحه خلي المكينه القديمه معاك

[عاشق ام حبه]

الله يعينه شكل الدعوه الراس منشعر بسبب ارتفاع حراره

نصيحه لوجه الله لا توضبون المكينه ماراح تضبط كم شهر وتخبط

رح للتشليح تحصل مكينه نظيفه من جيب جديد مقلوب او مصدوم لا تاخذ موضبه يفكون المكينه من السياره قدام عيونك اضمنلك


تحياتي للجميع

[كاشت وحداني]

mgs71
عاشق ام حبه

بيض الله وجيهكم على المشوره
وبانتظار بقية الاعضاء ونشوف مالديهم.

[كاشت وحداني]

سبحان الله العظيم



Sent from my iPhone using Tapatalk