عزم الباترول 98 وتغير الطرمبه اللي عنده علم لايبخل

[NissaN 1990]

السلام عليكم
أخواني أعضاء مكشات
عندي باترول 1998 قير تماتيك الموتر يبهذلني إذا بغيت أسوقه
بسبب الثقل في القومة والممشاء يعني مع الخط يالله يجيب 140 والخط متساوي و إذا جات طلعه خفيفه يرجع لل 80
المهم رحت لمهندس أخصائي ترهيم سعودي
وقلت له وش رايك أبي أغير طرمبة VTC أو BMW وقالي ماتصلح جبلي طرمبة لكزس 400 ls
وراح يتغير عليك الموتر كثير
بغيت آخذ رأيكم هل الموتر راح يتغير فعلاً
وهل لها تأثير على الموتر من ناحية العواكيس
لأني طفشت وفكرت أبيعه
لا أحد يقولي السرعه مافيها خير وفيها خير أنا أعرف ولا ني راعي سرعة بس أبي موتر خفيف في الممشاء والقومة ،،،،

[Magellan]

والله مو شرط انها تكون الطرمبة
لكن طرمبة الاندفاع القوي تؤثر في اداء المكينة
غالبية الطرمبات ماتجيب 60psi لكن فيه بعضهن قويات مثل الوالبرو walbro تجيب 80psi
ولكن فيه اشياء اخرى تحكم العزم مثل كلتشات القير بالتوماتيك
ترى يضعف العزم وبقوة

[NissaN 1990]

والله مو شرط انها تكون الطرمبة
لكن طرمبة الاندفاع القوي تؤثر في اداء المكينة
غالبية الطرمبات ماتجيب 60psi لكن فيه بعضهن قويات مثل الوالبرو walbro تجيب 80psi
ولكن فيه اشياء اخرى تحكم العزم مثل كلتشات القير بالتوماتيك
ترى يضعف العزم وبقوة

جزاك الله خير وماقصرت على التوضيح بس يقولون الموديل هذا مشكلته من الطرمبه لانها ما تدفع البنزين اللي يكفي المكينه

[MaaJnOoN]

طرمبه بي ام انا مجربها على باترول 95 كان مايتعدى 140

وصار خفيف بالقومه وبالخط يطبق طبلونه
سعرها جديده ب 550 اصليه

[يزيد 999]

معروف الباترول من 98 الى 2001 خاصه الصالون عزمه بااااارد شف اخوي غير الصفايه والبواجي وان ماظبط شيك على دفع طرمبه البنزين عن طريق الكمبيوتر وترا فلتر القير مع الزيت سبب اساسي في ضعف العزم لكن اذا كنت ماغيرت زيت القير من زمان فانت اشفط نصفه وعبه وبعد 5 شهور اشفط نصه وعبه وبعد 5 شهور غيره مع الفلتر

[كرم القلوب]

انا مركب بي ام والموتر يمشي 200 ومديله 99


صراحه خيال

ومع الفرارات اف بس


كن معك هايلكس غماره

[K.S.A.A]

طيب ياخوي كرم القلوبطرمبة ال bmw موديل كم ؟؟؟
وحجم كم ؟؟؟

[سوبر152]

اطرنبة جي اكس آر زيييييييييينة

[Magellan]

يا اخوان طرمبة مرسيدس وبي ام وفورد والجموس الحديثة والرنج روفر كلها يتم تصنيعها من قبل شركة بوش الألمانية
هذي طرمبات قوية لكن لها زنه شوي
عشان البعض يسأل ويتحير يقول وش نوع البي ام والا المرسيدس اللي تركب للباترول
انت خذ قلب الطرمبة اللي هو كهربائي واترك الجرم ورح لمحلات مرسيدس وقل ابي طرمبة بوش بنفس هالمقاس
وكذا ترتاحون
وللمعلومية ترى في بعضهن صارن يصنعن بالصين انت حاول تاخذ اما المانية او تشيكية المهم انها اوروبية
ولكن الدرجة الاولى الالماني

[NissaN 1990]

جزاكم الله خير على المشاركه والمرور
وابشركم غيرت الطرمبه وتحسن الموتر بنسبة ٢٠ ٪ تقريباً في القومه و الممشاء يعني كان اول يجيب ١٢٠ بالخط المستوي أما الآن صار يجيب ١٦٠ بس المشكله اللي مالها حل الطلعات يهدي ×

[NissaN 1990]

جزاكم الله خير على المشاركه والمرور
وابشركم غيرت الطرمبه وتحسن الموتر بنسبة 20 ٪ تقريباً في القومه و الممشاء يعني كان اول يجيب 120 بالخط المستوي أما الآن صار يجيب 160 بس المشكله اللي مالها حل الطلعات يهدي ×

[نايف 10]

السلام عليكم ياخوي انا عندي نفس الموديل ونفس المشكله

التماتيك دايم عزمه ثقيل وبارد ومع الطلعات والى عارضك هوا يفتر حيله ويبدل

لاكن
غير طرنبه مكسيما او طرنبه فتك 2005وطالع وقدم الديلكو الى اخر شي
وذمني ومدحني

سويتها ويسلام

[قرناس الشرقيه]

ياخوي خذ مني قبل كل شي وقبل الخساير اللي مالها داعي افحص خرطوش الهواء حق البخاخ اهم شي انه ماينسم هواء ,, اذا ينسم والله لو تركب طرمبه طياره ماينفع ودليل التنسيم مع الطلعات يردي عزمه ولا يسحب ,,والخرطوش هذا سعره بالوكاله من 450 الى 550 ريال الاصلي وهذا عن تجربه مريره مريت فيها مع السفاري 2001 افحص وجرب ماراح تخسر شي وادعلي

[K.S.A.A]

والله كلامكم بالغالين كله مقنع ويسبب الحيره في نفس الوقت !!!!!طيب ياأخوي نيسان انت ركبت أي طرمبة؟؟؟


وبالنسبه لكلام أخوي نايف فهل أنت متأكد وزنية الديلكو ؟؟؟
لأن تقديم الديلكو يسبب لقلقه .


لكن ياأخوي قرناس أي خرطوش تقصد ؟؟
أتمنى التوضيح لتعم الفائده ..
جزاكم الله خير

[نايف 10]

والله كلامكم بالغالين كله مقنع ويسبب الحيره في نفس الوقت !!!!!طيب ياأخوي نيسان انت ركبت أي طرمبة؟؟؟


وبالنسبه لكلام أخوي نايف فهل أنت متأكد وزنية الديلكو ؟؟؟
لأن تقديم الديلكو يسبب لقلقه .


لكن ياأخوي قرناس أي خرطوش تقصد ؟؟
أتمنى التوضيح لتعم الفائده ..
جزاكم الله خير




الخرطوش الي يركب من القربه الي بالرفرف ويركب بالبخاخ فيه ليين صغيره يركبن بالمكينه نيابه عن اخوي قرناس


نعم انا مقدم الديلكو ولايلقلق

[NissaN 1990]

الخرطوش حق فلتر الهواء اللي على رفرف السواق عندي فيه فتحه من مربط القفيز والموتر تحسن من بعد الطرمبه تحسن ملحوظ ولله الحمد
وبالنسبه لتقديم الديلكو جربت قبل كذا وطلع صوت لقلقه مع الممشاء
والميكانيكي اللي رحت له وهو معروف بالترهيم قالي طرمبة الفتك وال BMW كثير خرابها ماتعيش

[الدوادمي506]

تصفيه وتاكد ان الكلتش سليم

[هبوب الحجاز0]

السلام عليكم ورحمة الله وبركاته

وكل عام وأنتم بخير وصحة وسلامة

أخوي نيسان تراك توصف موتري بالظبط 98 تماتيك بخاخات وللعلم فعلا" أول بالعافيه 120 130 وعقب غيرت صفاية وبواجي وطرمبة نيسان أصلي صار لاستواء الخط ولافيه هواءيجيب 160 ومافيه مثله بس لاوصل الطلعات الله لايوريك ينقص عزمه مره ومشكلة موترك بالظبط نفس مشكلتي ياليت تبلغني وش سويت ووش صار معك ووش لقيت المشكلة والحل
حاولت ارسلك علي الخاص ماقدرت أنتظر ردك

والله يعطيك العافية

[هبوب الحجاز0]

السلام وعليكم ورحمة الله وبركاته
مساكم الله بالخير جميع وكل عام وأنتم بخير
أخوي نيسان أنتظر ردك وياليت أحد ألاخوان يفيدني لان ألان أنتهت زحمة العيد وناوي أصلح سيارتي
والله يعطيكم العافية

[NissaN 1990]

السلام عليكم ورحمة الله وبركاته

وكل عام وأنتم بخير وصحة وسلامة

أخوي نيسان تراك توصف موتري بالظبط 98 تماتيك بخاخات وللعلم فعلا" أول بالعافيه 120 130 وعقب غيرت صفاية وبواجي وطرمبة نيسان أصلي صار لاستواء الخط ولافيه هواءيجيب 160 ومافيه مثله بس لاوصل الطلعات الله لايوريك ينقص عزمه مره ومشكلة موترك بالظبط نفس مشكلتي ياليت تبلغني وش سويت ووش صار معك ووش لقيت المشكلة والحل
حاولت ارسلك علي الخاص ماقدرت أنتظر ردك

والله يعطيك العافية


السلام وعليكم ورحمة الله وبركاته
مساكم الله بالخير جميع وكل عام وأنتم بخير
أخوي نيسان أنتظر ردك وياليت أحد ألاخوان يفيدني لان ألان أنتهت زحمة العيد وناوي أصلح سيارتي
والله يعطيكم العافية


هلا أخوي هبو الحجاز
وكل عام وأنتم بخير
بالنسبنه لموتري غيرت طرمبة بنزين لكزس 400 موديل من 2000 ونازل
من التشليح قيمتها 200 ريال وتركيب 100 ريال
الموتر تحسن مثل ماوضحت مع الخط إذا الخط مستوي يجيب ال 160 بس مع الطلعات يهدي ولا صلحت فيه شي غير الطرمبة وأفكر أبيعه لهذا السبب و أفكر أحوله قير عايدي لأن العايدي أفضل مع الخط ،،،،

[هبوب الحجاز0]

أخوي نيسان الله يعطيك العافية موتري يمشي 150 160 أذا الخظ مستوي بس لاقابل طلوع والا هواء برد عزمه مات يعني لو أمشي 120 مع الطلعه ينزل الي 90 80 وشفني منزل الموضوع علي هالرابط http://www.mekshat.com/vb/showthread.php?t=519571

وأنتظر ردو ألاخوان


وصراحة مثلك أفكر أبيعه

[المستقبل111]

انا عندي نفس الموديل بس قير عادي
طفشني بالعزم..بس اتوقع انه منظم هواء