جرو طفشني ... ارجوا المساعدة !!!

[تركي444]

السلام عليكم ورحمة الله وبركاته .

مساكم .....بالخير وبعد .

أخواني الأعزاء/أنا مستأجر في شقة وأمام الشقة يوجد سيارة تالفة وكنب قديم وبعض الخردة ...في يوم من الأيام جاء ذاك الجرو ودخل في هذا المكان (الخردة )...وكان الأمر عادي ...وبعد فترة اكتشفت إن الجرو ساكن ومبسوط وما عنده نية يغادر .

تطور الأمر بدأ يسبب لنا أذية :

1/صوت نباح .
2/كثرة الحفر اللي يحفرها أمام العمارة .
3/وساخة أمام باب المنزل وأقصد بالوساخة (البراز)...وأنتم كرامة . الامر الذي جعلني أحاول بكل الطرق طرد هذا الجرو . من هذا المكان.


محاولاتي كلها باءت بالفشل :

1/رشيت عليه موية . يشرد بعد فترة يرجع .
2/رميته بالنبيلة .برضه ما نفع .
3/جبت مسدس صوتي حق الأطفال . برضه .
4/طردته بالحجارأنا وولدي ونركض وراه حتى مسافة بعيد ة...لم ينفع ..بل كان الموقف محرج جدا.


بصراحة عجزت وتعبت ...خصوصا إني ما ودي أقتله .والا ما تأخذ معي بعون الله ....

أبغى حل الله يجزاكم خير ...غير القتل .

أبو تركي .

[دنيا بلا معنى]

حاول احبله وبعدين امسكه واجدعه باخر الديره
او طلقه من وراه وويودع

[عواد الشمري2]

حاول احبله وبعدين امسكه واجدعه باخر الديره
او طلقه من وراه وويودع
:good2::good2:

[عواد الشمري2]

ذكرتني اسمع اسمع السواليف اللي تضحك فيه طريقه كنا نسويها يوم حنا اصغار تراها هي الطريقه اللي بتفكك منه مرة وحده. اول يومنا صغيرين كنا أشقيا مره واذا زهقنا وما لقينا شي نلعب فيه رحنا ندور قطو واذا لقيناه ياوياه ويسواد ليله تحاشرناه الين مانمسكه ثم واحد يجوده مع أذانه والثاني يربط بذيل القطو حبل طوله مترين أوأكثر والطرف الثاني نربط فيه جالون جديد علشان يصرقع ويهبل بالقطو ونطلقه ويفضل على اسفلت ونطرد وراه ثم تعال شف عينك ماتشوف الا النور والله الا انا ندوره ماعاد نلقاه .. اسف اخوي على الأطاله ولاكن مأنت لاقي أحسن من هاالطريقه بتفكك من اللي عند باب بيتك .... ... ورد لي خبر أذا رجع ..,,,,,,,,,




خخخخخخخخخخخخخ
ياووك رجعتنا سنين
:p

[رفيق الأمل]

السلام عليكم :

اخي الكريم ماذكرته امر عادي بخصوص هذا الجرو ولكن عليك الصبر الجميل وحاول تمسكه وتحطه في مكان بعيد عن الحارة كمزرعه او محطة بنزين او اي مكان غير الحارة الي انت فيها لكي تكون براحه وتذكر لا يجوز قتله بدون ذنب ولتكسب الاجر والثواب من رب العباد حاول تعمل الخير 000

[مدور مهره]

ممكن سوال محيرني انت ساكن وين بشقه وقدامك سياره خرده وحفر وتاخذ النبيله وذرب الكلب

وش موضوعك اخي الكريم ...؟

[هاوي بندق]

اخوي اربطه وشله لمكان بعيد مثل ماقالو الاخوان وماراح يرجع
هذا احسن حل من انك تقتله

[تركي444]

السلام عليكم ورحمة الله ...

_: يعطيكم العافية على المشورة والله يجعلها في موازين حسناتكم .

_:فعلا وجدت أنه أفضل حل هو الإمساك به والذهاب به بعيد.لأن محاولاتي جميعها فشلت .....ولكن (كيف أمسكه؟) ... هل يعض؟..

_:الأخ شداد ...أضحك الله سنك ..هذه الطريقة ما تنفع لأني أشوف فيها تعذيب للحيوان ..(قصة المرأة اللي حبست الهرة ودخلت النار)...عسى الله يغفرلكم إن شاء الله .

لازال الوضع كما هو ...أطرده وأنا رايح الدوام ...وكذلك وانا جاي من الدوام حتى صار الجرو عارف الموعد من يوم يشوفني أوقف عند البيت يطالع فيني ينتظر الطرده .هههه.

[تركي444]

ممكن سوال محيرني انت ساكن وين بشقه وقدامك سياره خرده وحفر وتاخذ النبيله وذرب الكلب

وش موضوعك اخي الكريم ...؟

حياك الله أخوي ...

لا تحتار وانا أخوك ...انا توني متوظف وجا تعييني في قرية صغيرة ساحلية تابعة لمنطقة تبوك ...أهلها طيبين بسيطين شرواكم ...قرية ما فيها انارة في الشوارع ما بها أرصفة .حياة بسيطة جدا .. قطعان الحمير _أجلكم الله_منظر عاد جدا فما بلك بالكلاب ....

وإذا عندك إجازة قريبة تجي عندنا الله يحييك ... وتشوف البحر والطبيعة ...

[أبا نبيل]

السلام عليكم حبيت اقولك من كلامك شكل الكلب يحسبها لعبه ونت تطرده ( :

[طير شلووى]

اقولك رصهه بفشقه فالك البيرق

[محمد الضيوفي]

الله يعينك

[مفتون السلق]

مالك الا تمسكه وتحطه عند محطة لاتغديت جب رز له وخله ياكل دقيقة والمس رااسه عشان مايخاف منك وممايعضك ثم امسكه واربطه اذا معك ددسن بالحوض عشان مايطبح وابعده عنك وتنتهي مشكلتك معه

[ولد ميمون 2]

يا حبيبي ما يبي له كل العنا اذا عندك فلوس وانت رايح لسوق الاعلاف او روح للحيونات الاليفه واخذ لك قفص لئسطياده

تحط به لحم كبسه دجاج خليه يدخل القفص يبي اكل من يدخل يقفل عليه شيله وحطه بالسياره وعلى ابعد ( لاحض ) ابعد مسافه لو تطلعه برى المنقطه كلها وتتوجه لمنطقه ثانيه يكون احسن ارميه والي يرزقه ربك

وخليه بحال سبيله بس لا تنسااء تطرده بعد ما تنزله تفحموه شوي خليه معاد يدري وين السما من الارض علشان ما يشوفك وانت ماشي يرجع لنفس المكان

ترى الكلاب والبسس بالعاده نفس الطريقه ترميه من بعد يومين الي وهو راجع لنفس المكان الي طلعته منه


تعووود وحصل اكل وشارب وطعام

> وفيه طريقه ثانيه تخلص من مكانه الي يئويه واغسل مكانه بالجره وادفن كل جحاره وخلي العيال يطردوه يومين كل ما يرجع يرجموه خليه يفقد الامن الي هو ملقيه يخاف معاد يرجع ثاني

[ولد ميمون 2]

وفيه فكره ان شاء الله تنفع تروح للبيطري وتطلب حبوب منومه وتطحنها وتحطهى في اكله وبعد ما ينام بالحبل تشيله وبابعد مكان ترميه فيه

[هاوي الصيد 0]

افادوك الاخوان