تكفون الفزعه ولد عمي له اسبوع مفقود في سيول ....

[crash4]

السلام عليكم

ولد عمي سعد القرني مفقود بسيول بيشة من يوم الاثنين وللحين مالقيناه

ونظرا لصعوبة البحث واستمرار السيول والوادي كله حفر وابيار مردومه من اثر السيل عمي اقام العزا يوم الخميس

جابو كلاب بس للاسف مانفعت ولاهيب مدربه كلمنا الدفاع المدني الي بالقصيم عشان الخبير اليوناني الي عنده جهاز البحث عن العظام قالو نصاب وماعنده سالفه وجهازه خرطي

سويت بحث بقوقل بس للاسف مالقيت اجهزه مشابهه او طريقة تقدر تخدمنا

الي عنده اي شيء يقدر يفيدنا الله يجزاكم خير في انتظاركم

الله لا يوريكم مكروه

[ناصح]

وعليكم السلام ورحمه الله وبركاته

نسأل الله أن يرده لأهله سالما معافى

لكن ياليت تفاصيل أكثر

وماهي الجهات التي بلغتوها..؟؟

وإين مكان فقده وهل كان على سيارته..؟؟

وهل يوجد صور عبر قوقل ارث عن الموقع الذي فقد فيه ..؟؟

[كاميرأ]

نسأل الله الطف وان يعودي سالماً غانم

[نصير الحق]

طلب الفزعة من الله وحدة ثم من مساعدة عبيدة

الله يجعلة سالم ويحفظة لكم وانا الله وانا الية راجعون

[crash4]

يوم الاثنين كانو طالعين هو وخويه لرحلة صيد وراحو للوادي وعلقت سيارتهم وبدا السيل يكبر وجا الدفاع المدني بعد 3 ساعات ونصف رمو الحبل وسحبو خويه وجت سيارة الدفاع المدني الي فيها السلم وقربت شوي من طرف السيل وطلعت السلم والي كانو موجودين يقولون لو قدم شوي كان وصل السلم بس المسؤل بالدفاع المدني قال للسواق ارجع لان السيل بدا يزيد وخايف على سيارة الحكومه حتى كان يقولها بالمكرفون وبعدها انقلبت السياره واختفى وكان معه سترة النجاه وجا يلبسها وصاحو عليه لاتلبسها مدري وش الحكمه وبعدها بفترة الشباب الي كانو عند الكوبري شافو سترة النجاه ولاشافو الرجال بعد ماخف السيل طلعو الشباب ولقو السيارة على بعد 300 متر تقريبا ودور حول السياره مالقوه شيء حتى حفرو بالشيول ومالقو شيء والحين قاعدين يمشطون الوادي طيارة الدفاع المدني مشاركة بالبحث وولد عمتي جاب خوياه طيران الجيش وكلهم قاعدين يدورون بس ماضنتي بينفع الطيران الحين

وهذي بعض المقاطع الي انتشرت

http://bishanet.net/news-action-show-id-2859.htm

[العتيبي 88]

الله يحفظه ويرجعه بالسلامه

[فاقدخوي]

رحمة الله عليه

[بدر الظفيري]

الله يرحمه ويغفرله

[سفير نجران]

الله يرحمه

ولو يتم وضع خطة من اهالي الشاب والمتطوعين لعملية مسح يومي حتى على مسافات طويلة
فقوة السيل قد تسحب الجثة لمسافة بعيدة كذلك سوف تمسك الأشجار الجثة وقد تطمر
الله يكون في عون والديه ويرحمه

[ابومحمد عنيزة]

أنا من القريبين لحادثة غريق عنيزة لا اليوناني ولا الدفاع المدني لقوه حتى جابو طيارة ومسحت المنطقة كله ما لقو شي مع انه يقولون فيها ردار لكن خل أيمنك بالله قوي وأطلبه سبحانه العالم

[الغزال الشارد]

نسأل الله الطف وان يعودي سالماً غانم

[خالداللهيبي (ابو احمد)]

الله يطمنكم عليه يارب
واذا توفي الله يرحمه
واارداة الله فوق كل شي

[منسدح واقف]

الله يطمنكم عليه

لاحول ولاقــوة إلا بالله

[س.س.التميمي]

لا حول ولا قوة الا بالله

[llonely]

الله يرحمه ويعين اهله نسال الله السلامه لنا ولك وللجميع وياعسى ما حد يشوف شر باهله ابد

[ابوسرور الرشيدي]

الله يرحمه ويرحم جميع مسلم برحمته

[القناص1100]

الله يطمن قلوبكم بالخبر اليقين

[ابوماجد-1]

لاحول ولاقوة الا بالله العلي العظيم

انا لله وانا اليه راجعون

نسأل الله العلي القدير ان يتولاهـ برحمته وعطفه