عاشق البحرE
15/04/2012, 01:54 PM
السلام عليكم و رحمة الله و بركاتة ..
صباح \ مساء الخير للجميع ..
# قبل 3 شهر اخذت 4 كفرات قودير حجم 245×45 مقاس 18 لسيارتي لكزس 430 LS مديل 2004 و كان سعر الكفر الواحد 840 ريال و الضمان مفتوح، أول ما ركبتهم كانت تجيني رجه بالسياره في سرعه فوق 130 رصصتهم 3 مرات و أخر ترصيص كان بوكاله الراشد ((قودير))، و مع هذا ما تغير شيئ ،، قلت يا ولد شكلي موسوس فيهم، بعد شهرين من تركيبهم لاحظت ان أحد الكفرات بدأ يطلع فيه تحبيل ( بروز في منطقه صغيره) و زادت الرجه، شيكت الكفرات و أكتشفت ان في كفر غير، يعني كفرين بنفس المشكله، رحت للوكاله الراشد في الخبر قسم الضمانات،كشف على الكفرات و فكها و شيك و عطاني عذر اقبح من ذنب. قال : << وكاله قدير ماتضمن كفراتي لاني دايس علي مطبات بطرف الكفر و تكسرت الألياف الداخليه و اطلعت التحبيلات >>> طيب قلت لا اله الا الله، و كيف مع كفرين و غير انها توها 3 شهور، رد و قال ما بيدنا شيئ نسويه لك بدلها على حسابك .. حاولت مع المدير و نفس الكلام قاله بكل بروده من المطبات .. يعني يتوقع اني بتمشى بالسياره و هي فوق سطحه ..
اسوق من 20 سنه و أول مره اشوف كفرات في هذا المستوى .. مع العلم اني من الناس المحافظين على السياره .. كان على السياره كفرات برجوستن و كانت مستهلكه و تعبانه شوي .. و استخدمت على السياره اكثر من سنه و ست شهور .. ومع هذا كانت السياره راسيه و ما فيها رجه حتى على سرعه 250 عدا انها كانت كفرات مو ناعمه حيل بالمطبات و سعرها 680 ريال .. فرق كبير و الله ..
و ربي اني انقهرت بالحيل و ما اقول الا حسبي الله و نعم الوكيل فيهم و أجري على الله .. يعني لو الكفر معدي سنه كان اقول يمكن يبرد القلب .. بس ما كمل 3 شهور و هذي النتيجه .. و وكاله الراشد ما عندهم اي تساعد مع الزبون و لو انهم قالوا لي خذ كفرات و نسوي خصم 50% على الأقل ،،، عطوني من الاخر : ان الوكاله ما تضمن كفراتي لانها من سوء استخدامي.
أنا كتبت موضوعي هذا بقصد أخذ الحيطه و الانتباه من هذي الكفرات و خصوصا المقاس نفس اللي عندي .. و راح اوصي ولد ولدي انه ما يركب كفرات قودير ..
ارجو من اصحاب الخبرة ما يقصرون و يعطوني نصايحهم بخصوص مشكلتي و كيف أتصرف مع وكاله الراشد و كيف اطلع حقي منهم .. و شاكر و مقدر لكل من يساعدني ..
صباح \ مساء الخير للجميع ..
# قبل 3 شهر اخذت 4 كفرات قودير حجم 245×45 مقاس 18 لسيارتي لكزس 430 LS مديل 2004 و كان سعر الكفر الواحد 840 ريال و الضمان مفتوح، أول ما ركبتهم كانت تجيني رجه بالسياره في سرعه فوق 130 رصصتهم 3 مرات و أخر ترصيص كان بوكاله الراشد ((قودير))، و مع هذا ما تغير شيئ ،، قلت يا ولد شكلي موسوس فيهم، بعد شهرين من تركيبهم لاحظت ان أحد الكفرات بدأ يطلع فيه تحبيل ( بروز في منطقه صغيره) و زادت الرجه، شيكت الكفرات و أكتشفت ان في كفر غير، يعني كفرين بنفس المشكله، رحت للوكاله الراشد في الخبر قسم الضمانات،كشف على الكفرات و فكها و شيك و عطاني عذر اقبح من ذنب. قال : << وكاله قدير ماتضمن كفراتي لاني دايس علي مطبات بطرف الكفر و تكسرت الألياف الداخليه و اطلعت التحبيلات >>> طيب قلت لا اله الا الله، و كيف مع كفرين و غير انها توها 3 شهور، رد و قال ما بيدنا شيئ نسويه لك بدلها على حسابك .. حاولت مع المدير و نفس الكلام قاله بكل بروده من المطبات .. يعني يتوقع اني بتمشى بالسياره و هي فوق سطحه ..
اسوق من 20 سنه و أول مره اشوف كفرات في هذا المستوى .. مع العلم اني من الناس المحافظين على السياره .. كان على السياره كفرات برجوستن و كانت مستهلكه و تعبانه شوي .. و استخدمت على السياره اكثر من سنه و ست شهور .. ومع هذا كانت السياره راسيه و ما فيها رجه حتى على سرعه 250 عدا انها كانت كفرات مو ناعمه حيل بالمطبات و سعرها 680 ريال .. فرق كبير و الله ..
و ربي اني انقهرت بالحيل و ما اقول الا حسبي الله و نعم الوكيل فيهم و أجري على الله .. يعني لو الكفر معدي سنه كان اقول يمكن يبرد القلب .. بس ما كمل 3 شهور و هذي النتيجه .. و وكاله الراشد ما عندهم اي تساعد مع الزبون و لو انهم قالوا لي خذ كفرات و نسوي خصم 50% على الأقل ،،، عطوني من الاخر : ان الوكاله ما تضمن كفراتي لانها من سوء استخدامي.
أنا كتبت موضوعي هذا بقصد أخذ الحيطه و الانتباه من هذي الكفرات و خصوصا المقاس نفس اللي عندي .. و راح اوصي ولد ولدي انه ما يركب كفرات قودير ..
ارجو من اصحاب الخبرة ما يقصرون و يعطوني نصايحهم بخصوص مشكلتي و كيف أتصرف مع وكاله الراشد و كيف اطلع حقي منهم .. و شاكر و مقدر لكل من يساعدني ..