المساعد الشخصي الرقمي

مشاهدة النسخة كاملة : افضل شوزن


ابوعاشة
15/04/2012, 03:59 PM
السلام عليكم كيف الحال

المهم انا ابي اشتري شوزن وراس المال 12 ياليت تنصحوني وش الافضل بسعر الي معي
الشقردي 205
15/04/2012, 04:11 PM
خذ لك بيكال ام خمس طيبه بالحيل ومعروفه ما يحتاج نتكلم عنها ..


وسعرها تقريبا حول الـ9 وفر لك كم الف ..
ابوعاشة
15/04/2012, 04:17 PM
يعطيك العافية اخوي البيكال ما اقتنعت فيها ياكثر الي يمدحون والي يسبون انا ابي الطيب الي اثبت نفسه مو البيكال تشوكات وسالفتها سالفة
ماقصرت
برق 11
15/04/2012, 04:20 PM
تجيب لك بلجيك كروم 32 انش نظيفة
الشقردي 205
15/04/2012, 04:25 PM
إخوي بالقيمه هذي يمكن ماتجيب لك براوننق بنلي برتا فابارم رمنقتون والنوعيات هذي ..


اللي معك قيمة بيكال وتركيات ..


طيب زودها واشتر لك بندق طيبه ..
راعي الطافحة
15/04/2012, 04:26 PM
خذ نصيحت اخو أنحش عن البيكال
خذ لك قلود هنتر الصناعة بلجيكا الطول ٣٢ انش
ابرك من البيكال الف مره
هذي وجهت نضري. ( كل نفس بما اشتهت )



وذا بغيت الشوزل ارسلي رساله على الخاص
هيه معروضة علي وانا لو ما عندي اكستريما ٢ كان شريتها
معروضة على في المنتدى
ابوعاشة
15/04/2012, 04:29 PM
خشمك راعي الطافحة

بس كم سعر القولد هنتر لان راس المال 12
ابوعاشة
15/04/2012, 04:30 PM
إخوي بالقيمه هذي يمكن ماتجيب لك براوننق بنلي برتا فابارم رمنقتون والنوعيات هذي ..




اللي معك قيمة بيكال وتركيات ..




طيب زودها واشتر لك بندق طيبه ..

هل انت تعرف اسعار السوق لاني صراحة ماعرف اسعارها ولا تنصحن اصبر الي ينتهي الموسم ثم اشتريها لعل ةعسا تنزل قيمتها
الشقردي 205
15/04/2012, 04:38 PM
هل انت تعرف اسعار السوق لاني صراحة ماعرف اسعارها ولا تنصحن اصبر الي ينتهي الموسم ثم اشتريها لعل ةعسا تنزل قيمتها



إخوي اللحين السلاح مرتفع بشكل عام ..


وتنزل قيمتها ما اتوقع لانه السلاح قليل واللي عنده سلاح مايفرط به والكل يبيله سلاح ..


اللحين السلاح مرتفع وممكن بالايام والشهور الجايه يرتفع دبل ..


والاسعار اللحين البراوننق قولد هنتر والماكسس ينباعن على 17 و18 ..


وام شجره قديمه لكنها غاليه بعد ..


والبرتا والبنلي كذلك غاليات كلهن من الـ15 وانت طالع ..


اذا انت تبي بندق لك وللوقت جمع واشتر لك بنلي ولا برتا ولا براوننق جديده ..


واذا ما معك ومجبور خذ لك بيكال افضل الموجود بالنسبه للقيمة اللي معك ..


والبيكال معروفه وما بها قصور عالاقل تقضي لزومك ..


والتركيات فيه نوعيات زينه منهن مثل الاوسكار وام ذيب والستوقر مجربات ..


والله يرزقك ويرزقني ..
راعي الطافحة
15/04/2012, 04:40 PM
خشمك راعي الطافحة

بس كم سعر القولد هنتر لان راس المال 12

الرجال عرضها علي يقول البندق جديده بشنطتها معها التشكات حقت الوكاله كلها ومفاتيح التشكات سعرها حد 13000 الف
وتراني ماكلمته ولا اعرفه بس عرضها علي لا نئ منزل اعلان كاتب فيه مطلوب شوزل ماكسس
ودخل على عرضي وعرض القولد هنتر والرجال في الرياض
ابوعاشة
15/04/2012, 04:56 PM
بيض الله وجيهكم يعني الي فهمته ان اسعار الاسلح تختلف من منطقة لخرا
ابوعاشة
15/04/2012, 04:58 PM
والله اني محتار انا من سكان محافظة الخرمة على وادي سبيع الطايف قريبة منا والي يعرف اسعار الطايف لايبخل لاني يمكن تزرق لها قريب واشتري والله يكتب الي فيه الخير
شاهين12
15/04/2012, 05:44 PM
ماقصروا الاخوان افادوك...

بالقيمه هذي خذ براوننق ولازدها الف ولاالفين وخذ بنلي ولابرتا ولابريدا أي نوع يجي بالاقيام هذي موشرط انه يكون جديد اهم شي نظيف ....

البيكال والله عشره الاف حرام عليها .......

ولاحد يقولك السوق مافيه شوأزن..بالعكس ياكثر اللي ينزل ....


تحياتي لك....
الششو
15/04/2012, 06:17 PM
فعلا مثل ماقال اخوي
شاهين12
السوق مليان سلاح بس ربعنا
تخبر طماعين شوي خصوص انهم
يعرفون ان فيه ناس خبرتهم قليله ورغبانين
يشترون
نصيحة لك تركد شوي يمكن تنزل الاسعار
في الاشهر القليله الجايه
وجهة نظر
ابوعاشة
15/04/2012, 07:09 PM
اخوي شاهين12 و الششو وافيييييييييييييييييييييييين والله انا راكد ابي السوق ينزل شوي
اعصار نجد
15/04/2012, 08:44 PM
فيه شوزل اسمها (الكاناس)وسيمونها القناص خشاب ماتجي فيبر وهي تركيه بس الصراحه جوده عاليه
وهي مانتشرت لانها جيت بكميات قليله وفعلها فعل البنلي الا نفسها نفس البريدا والريفاليو
نصيحة اخو لاخوه لاتفوتك وانا بنفسي مجربها والله دوا وسعرها في العشره والتسعه هذا قبل مده الحين مدري ارتفعت او نزلت

اسال عنها وابحث واحكم بنفسك
الفار المجنون
15/04/2012, 08:56 PM
خذلكـ البيكال 30 انش واشتر تشوكـ 690 ورآح تدعيلي رمي صرآحة يفوق الخيآل ومن تجربتي

وسعرها ما يتدعدى الـ 12 الف
وليد الذيب
15/04/2012, 08:56 PM
اخوي خذلك بيكال طولها 30 وتشوك 690 وشف الرمي الحار ترها تبيض الوجه
nawaf alh
15/04/2012, 10:52 PM
خذ بيكال سعرها من 6000 الى 7000 فى الغربيه
ابو فالح برتا
15/04/2012, 11:06 PM
السلام عليكم ورحمةالله وبركاته
على ماقالو خذ لك بيكال لانها عمليه وصبوره وقطعها متوفره وجودتها طيبه جدا قبل سنتين كانت تباع البيكال ام خمس الفيبر في حدود 4500 جديده والحين وصلت الى تسعة الاف وعشره مدري ليش ها الغلا اعتقد السبب من ها التركيات الي انتشرت في السوق وهي من اردى البنادق با التوفيق للجميع والله يرزقك البندق الطيبه
ابوعاشة
15/04/2012, 11:54 PM
طيب يا اخوان والله محتار هل رميها حار وتسوق سوق طيب وتقارن بالسوازن الطيبة ريمقتون وطقتها
أبوصالح9
16/04/2012, 03:03 AM
فيه شوزل اسمها (الكاناس)وسيمونها القناص خشاب ماتجي فيبر وهي تركيه بس الصراحه جوده عاليه
وهي مانتشرت لانها جيت بكميات قليله وفعلها فعل البنلي الا نفسها نفس البريدا والريفاليو
نصيحة اخو لاخوه لاتفوتك وانا بنفسي مجربها والله دوا وسعرها في العشره والتسعه هذا قبل مده الحين مدري ارتفعت او نزلت

اسال عنها وابحث واحكم بنفسك
ما اظن بيلقى الكاناس لاني مدور لين مليت بكل ديرة شمال وجنوب وشرق وغرب ووسط -وانا اشهد انها شوزن وزينته ان قلبه وقلب البانيلي واحد يعني قطع غيار متوفر-وحرارة بالرمي ماشاء الله- ان لقيت فالله يبارك لك فيها
AL_ZAEEEM
16/04/2012, 01:50 PM
ابو عائشه

وانا اخوك الناس اذواق وكلن يبي يمدح لك سلاح

واذا خذيت لك بارود لاتاخذ الا اللي تطربك وسعرها فيها والحين لاتشتري شي اصبر لك شهرين بتنزل الاسعار شوي

واشتر بلجيكيه 32 انش ام ولد اللي عليها رسمه شجره

هذي الرقم واحد بالشوازر ام خمس

افضل سلاح من واقع تجربه

واحرص كل الحرص على فحصها عن طريق واحد خبير بالسلاح يفكها لك ويفحص السبطانه والقصبه وخشابها

وبالتوفيق لك يالغالي
الشرطه
16/04/2012, 02:01 PM
من وجهة نظري تاخذ ستوقر ٢٠٠٠ ((تويوتا الشوازل التركيه))

تحصلها من ٧٥٠٠ الى ٨٠٠٠ جديده

والباقي صندوقين فشق تستانس موسمين فيها .. الله يوفقنا وايآكم لكل خير