المساعد الشخصي الرقمي

مشاهدة النسخة كاملة : مساعدة في الباثفيندر لو تكرمتو


أبوعبدالله31
16/04/2012, 03:08 AM
تحية طيبة اخواني
اخواني استفسار بسيط لدي عارض بالباث سواها مرتين اليوم وقبل اسبوع
وهي وانا سايق اتفاجئ بعدم استجابت السيارة وتولع لمبة المكينة لمبة صفراء يمين الطبلون واوقف على جنب والاحظ ضغط وصوت المكينة نازل ودعست البنزين لا تستجيب كل الدعسة يدوب يوصل الضغط لرقم 1 اطفي السيارة واشغل من جديد ويرجع الوضع طبيعي ...ياريت الي عندة علم يقول لنا وش السالفة انا خايف تطور المشكلة ويوقف علينا الموتر بالبر الله يستر الموتر باث 2005 انا في القصيم ومن الي شاطر فيهن

وجزاكم الله عنا كل خير
خالد العمراني
16/04/2012, 02:15 PM
والله ياخوك. انا صار معي نفس سالفتك هذا
ورحت سويت فحص كمبيوتر وقال المهندس عندك واحد من الكامات
المهم ويوم جينا لقينا فيش الكامل مرتخي اللي يجي فوق المكينه من جهت السواق يوم حركة طفى الموتر ثم فصله ورجع شبكه وقال شغل واشتغل ااموتر من اول دقه وهو كان غير من الدقه الثالثه يشتغل

واللهم لك الحمد له اكثر من 6 اشهر ما شكيت من شي

ادا تبي اصور لك الفيش وارسله لك انا حاضر
وعلى فكرة موتري 2005
أبوعبدالله31
16/04/2012, 03:04 PM
حياك اخوي خالد
ياريت تصور الفيش وتحطة في هذا الموضوع عشان اعرف وش تقصد
مالي بالمكانيكة والافياش كثير

تسوي فينا خير ونستفيد انا وغيري

ولك مني جزيل الشكر
خالد العمراني
16/04/2012, 10:10 PM
المعذره يأخوك
تأخرت عليك

المهم شف هذي هي صورة الأفياش اللي وسط الدائره جنب المكينه من جهت السواق

http://farm8.staticflickr.com/7193/6938725492_f42c901325_b.jpg


هو واحد من هالأفياش أظنه اللي الأخظر شيك عليهم الثنين افصلهم واشبكهم ثاني ويارب يكون هو علة موترك

http://farm6.staticflickr.com/5031/6938725494_2ee9c2712f_b.jpg
أبوعبدالله31
17/04/2012, 01:42 AM
بيض الله وجهك ياخوي خالد
جعل ماقمت بة في ميزان حسناتك

لك مني ارق تحية
اخوك ابوعبدالله
ولد طويرق
17/04/2012, 11:54 PM
شيك على حساس الهوا اللي يجي بعد فلتر الهوا وشيك على الثروتل لو متوسخ امسحه بقطعة قماش فيها بنزين ولا تنظفه الا بالطريقه هذي وبس نصيحه لانه لو خرب بتدق ال4000 عشان تجيب واحد بداله من الوكاله ولو تغير القلتر حق الهوا يكون افضل روح للوكاله وخذه من عندهم تلقاه تقريبا ب90 ريال ولا تاخذ الفلتر اللي عند البناشر لانه مضروووب واسألني غيرت من عند بنشري وبعد فتره خرب علي الحساس ودقيت 400 ريال وكله بسبب الفلتر التجاري اللي اخذته من عند البنشري وللأسف انه قال لي انه اصلي ولكننا شعب طيب بزياده
أبوعبدالله31
18/04/2012, 03:40 AM
بارك الله فيك ياولد طويرق
وجزاك الله كل خير
salih100
18/04/2012, 12:01 PM
احتمالين ياحساس الدعسه او حساس عمود الكرنك وسلامتك
عبدالرحمن السالم
18/04/2012, 12:04 PM
ماقصرو الاخوان ، واذا فلتر الهواء مبطي ماغيرته غيره اخاف انه مليان غبار ومكتوب الموتر