سالفة الاصدقاء ( النبهاني )

[النبهاني]

بسم الله الرحمن الرحيم


اخواني وأخواتي المكشاتيه


السلام عليكم ورحمة الله وبركاته


هذي سالفة قديمه ويمكن مشهوره حبيت اسوقه لكم لان فيها حكمه وهي واضحه من سياق السالفه


وكلي أمل ان السالفه تنال لو بعض استحسانكم


هذولا اثنين اصدقاء بينهم معزه ورفقه اكثر من الاشقاء واعمارهم ما بين الستين والسبعين


طبعا صداقتهم قديمه من يومنهم صغار وفيه واحد منهم حاط على عينه شي من وبر البعير ورابط عينه طبعا هالربطه مستديمه ولا احد يدري وش علة عينه


وهكا اليوم متخاوين لهم بدرب وعند وقفه من الوقفات اللي يريحون فيها ويتقهوون ويتجاذبون اطراف السوالف


جاء على بال اللي سليم انه ينشد خويه عن سالفة عينه وهو قد سبق وان سأله عنها وهم صغار لكن رد عليه بنفسٍ شينه وقال ما به شي


واللي شجعه انه يسأله عنها انهم كبروا وكل هالعمر وهو رفيقه ولا يدري عن عين خويه وش فيها


عزم الرجال على النشده وقال يافلان عينك هذي ما أدري وش سالفته على الرغم انك رفيقي وخويي كل هالسنين


خويه يوم سمع السؤال طرق راسه شوي همن رفعه وجر هكا الونّه اللي تزلزل جبل


وعقب التنهت والونّه قال 00وانا صغير جاء بعيني عود وفضخها


وقام وفك الربطه عن عينه وقال لخويه هذا جواب سؤالك وشف عيني بعينك


وشاف والا والله وش يشوف 000 شوفة الشر


رجع وربط صاحبنا عينه وقال لو تسألن ليش رابطه


كان اقولك هذي عيني العطيبه اذا شافه العدو تشمّت واذا شافه الصديق تألم


على شان كذا انا احط عليه وبر واربطه لأجل ما يشوفه العدو ولا الصديق


وسلامتكم


محبكم


النبهاني

[ذيب الفقارة]

هذولا رجال أيام زمان ياعزيزي ماهم رجال اليوم ( نفسي وبس )

قصة ذات مغزى

تحياتي وتقديري

[قوافي ( أم نهار )]

حياك ربي اخوي ابو سالم
سالفه مميزه معطره بالصداقه الحميمه الحقيقيه
ربطه لعينه حرص على مشاعر صديقه يتألم لو شافها
والثاني حرصه على صديقه خلاه يسأل مره ثانيه
هذي الصداقه اللي ينقال فيها ابيات ولا يكفي وصفها لو كبروها مثل جبال تهامه..
للأسف شيئ مفقود!! وموجود بقله !!
الله يرحم احوال المسلمين
تسلم اخوي سالفه متميزه ورائعه سلم الله فكرك وبنانك
تحياتي وتقديري واحترامي
اختك
..قوافي..

[عواد الشمري2]

الله يعطيك العافيه على هالسالفه
اذا شفها العدو تشمت وذا شفها الصديق تالم
لا اله الا الله

[راعي العجراء]

الله يعطيك العافيه يالنبهاني على هذه السالفه
بالصراحه ضاق صدري
تخيلت عين هالضعيف ليتي ماقريته
ودي ادور على العود وعضه عضيتين ثم اكسره خمسي كسره
وجمعهن واخليه مقباس للضو وكل ماقبست نثرت عليها بيالة شاهي
وولعه من جديد ابي احسر به
وفي النهايه
ماشاءالله كان ومقدر فعل
دمت بخير

[خوي مخباته]

والله ... جواب.... شافى....وافي...وكافي.. وبيض الله وجهك " النبهاني " يابوســــــــــالم
ومشكوووووووووووووووووووووووووور على الســـــــــــــالفه الممتعه الهادفــــــــــــه والى كله معاني وتحث على
الصداقه والتمسك بالصديق الرفيق ولى بهزمان قليل تلقاه {ومااكثر الاصحاب حين تعدهم ولاكنهم بالنائبات قليلو}
........................................ تحياتى لك ...........................................

[محمد الظاهري]

بارك الله فيك يا غالي
وين كل هالمده السؤلف ألزينه
تشتقنالك واستثنى لسؤليفك الحلوه
اشكرك جزيل الشكر ياغالي على السرد الجميل
تحياتي وودي
محبك

[تلميذ]

عجبا لمثل هذه الصداقه النبيله وسحقا لصداقه تقاس بالمصلحه !
ينكشف زيفها وتبعثرهامع انتها المصلحه أو المعادله
وشوهت معنى الصداقه...
قصصت فأجدت الوصف والحال ...
في زمن كان أجمل و أكثر صدقا و دفئا ...
وفقك الله و رعاك و افاض عليك السعادة

[عاصفة عروى]

وعليكم السلام ورحمة الله وبركاته
ما شاء الله عليك ياأبو سالم
قصصك راااااااااااااااائعة
يعطيك 1000 عافية

[النبهاني]

هذولا رجال أيام زمان ياعزيزي ماهم رجال اليوم ( نفسي وبس )



قصة ذات مغزى



تحياتي وتقديري




هلا وغلا بذيب الفقاره
ياخوك اعتقد ان رجال اليوم بقشّوا العلوم اللي انت خابر وحاطينه بالدولاب
في هذا الوقت كل شي تغير
شاكر ومقدر حضورك الكريم

[النبهاني]

حياك ربي اخوي ابو سالم

سالفه مميزه معطره بالصداقه الحميمه الحقيقيه
ربطه لعينه حرص على مشاعر صديقه يتألم لو شافها
والثاني حرصه على صديقه خلاه يسأل مره ثانيه
هذي الصداقه اللي ينقال فيها ابيات ولا يكفي وصفها لو كبروها مثل جبال تهامه..
للأسف شيئ مفقود!! وموجود بقله !!
الله يرحم احوال المسلمين
تسلم اخوي سالفه متميزه ورائعه سلم الله فكرك وبنانك
تحياتي وتقديري واحترامي
اختك

..قوافي..




هلا وغلا بخيتي قوافي
السالفه تميزت وتعطرت بحضور صاحبة القلم الرائع نجمة الخيمه
صدقتي الصداقه قيم في القمه
ومثل ما تفضلتي مفقوده ونادرة الوجود الا بين العباد الذين شملتهم رحمة الله
الف شكر ومقدر هذا الحضور الذي اعتبره اكبر حافز من رائده الكلمه في هذه الخيمه
دمتي بحفظ المولى

[نجم000الشمال]

حياك الله اخوي /النبهاني
قصة صداقة جميلة في زمن وصبر جميل
الله يعطيك العافية على السالفة الهادفة وما يجي من الطيب الا الطيب.
دمت بالف خير.

[Al3rands]

الله الله سالفه فيها من الحكمه شي كثير

[ناصر العلي]

حياك ربي يالغالي
وربي يسلمك من الشر
حسيت بونّة الرجال من دقة وصفك
وفعلاً حكمة عن مية بيت
اذا شافه العدو تشمّت واذا شافه الصديق تألم
سالفك هذى ياأبوسالم الله يسلمك ذكرتني بسالفة قد أحصلت لي
وهي
أذكر يوم أنا صغير وقف رجال يشحذ بالمسجد مغطي وجهه مابانت إلا عيونه ماتدري وش يقول...وهو يكشف وجهه يبي يستعطف الحاضرين.. إلاه...أجدع...مقطوع الأنف...إلى يومك يزولّي:(:(:(
لك مني خالص الود

[النبهاني]

الله يعطيك العافيه على هالسالفه
اذا شفها العدو تشمت وذا شفها الصديق تالم
لا اله الا الله




هلا وغلا بخوي عواد
الله يعافيك ويسلمك من كل شر
الله يجزاك خير وأشكرك على حضورك الجميل
دمت بحفظ الله

[النبهاني]

الله يعطيك العافيه يالنبهاني على هذه السالفه

بالصراحه ضاق صدري
تخيلت عين هالضعيف ليتي ماقريته
ودي ادور على العود وعضه عضيتين ثم اكسره خمسي كسره
وجمعهن واخليه مقباس للضو وكل ماقبست نثرت عليها بيالة شاهي
وولعه من جديد ابي احسر به
وفي النهايه
ماشاءالله كان ومقدر فعل

دمت بخير




ابو جلنبو يا أهلين وسهلين
ما عاش اللي يضيق صدرك وتهبا الضيقه
ياخي نسيت انك حنين كان ما جبنا هالسالفه
وبعدين تدري اني قعدت اتخيل ابو جلنبو وهو يكسر العود خمسين كسره
ويعذبه بهالاسلوب اللي ما يخطر على بال
عاش المحسّر ابو جلنبو عاش ( محسر وحنين وش لون تجي ) مدري
اشكرك اخوي راعي العجراء على حضورك الكريم والمحفز
دمت برضا من المولى

[النبهاني]

والله ... جواب.... شافى....وافي...وكافي.. وبيض الله وجهك " النبهاني " يابوســــــــــالم

ومشكوووووووووووووووووووووووووور على الســـــــــــــالفه الممتعه الهادفــــــــــــه والى كله معاني وتحث على
الصداقه والتمسك بالصديق الرفيق ولى بهزمان قليل تلقاه {ومااكثر الاصحاب حين تعدهم ولاكنهم بالنائبات قليلو}

........................................ تحياتى لك ...........................................




هلا وغلا بالحبيب " خوي مخباته "
وجهك ابيض وكلام كريم العين وتصرفه وصبره معجبن والله بلحيل
أشكرك اخوي على حضورك المنور بموضوعي البسيط
دمت بحفظ الله ورعايته

[النبهاني]

بارك الله فيك يا غالي


وين كل هالمده السؤلف ألزينه
تشتقنالك واستثنى لسؤليفك الحلوه
اشكرك جزيل الشكر ياغالي على السرد الجميل
تحياتي وودي

محبك




ارحب مشرفنا الغالي محمد الظاهري
ياحبي لك ولحضورك وردك اللي يكفيني منه نقطه ما هو حرف
سلمت والله ياخوي ولا خلا ولاعدم
بالعكس انا اللي شاكر لك على تشجيعك اللي اعتبره وسام يزدان به صدري من مشرفنا العزيز
دمت بسعاده وهنا ورضا من المولى

[binamerah]

وعليكم السلام ورحمة الله وبركاته
اكيد نالت استحساننا
الله يعطيك العافيه على هالسالفه

[النبهاني]

عجبا لمثل هذه الصداقه النبيله وسحقا لصداقه تقاس بالمصلحه !

ينكشف زيفها وتبعثرهامع انتها المصلحه أو المعادله
وشوهت معنى الصداقه...
قصصت فأجدت الوصف والحال ...
في زمن كان أجمل و أكثر صدقا و دفئا ...

وفقك الله و رعاك و افاض عليك السعادة



ياهلا ويامرحبا باستاذي الغالي تلميذ
العجب تميزك وتميز حرفك الأصيل
كأني أرى توجيه فكرك لتسطير الحرف وصب قالبه الأصيل
اخي آه على الصداقه الحقيقيه التي لايشوبها أي شائب
لقد اصبحت نادرت الوجود مع معمعة الحياة في هذا الزمن
الف شكر لك اخي على حضورك المشع الكريم
دمت بحفظ المولى

[النبهاني]

وعليكم السلام ورحمة الله وبركاته

ما شاء الله عليك ياأبو سالم
قصصك راااااااااااااااائعة

يعطيك 1000 عافية




هلا وغلا براعي عروى وعاصفتها
سلمت ياخوي ولا هنت
الروعه في حضورك الجميل
الله يعافيك ويجزاك الف خير واشكرك جزيل الشكر
دمت بحفظ المولى

[النبهاني]

حياك الله اخوي /النبهاني

قصة صداقة جميلة في زمن وصبر جميل
الله يعطيك العافية على السالفة الهادفة وما يجي من الطيب الا الطيب.

دمت بالف خير.




هلا وترليون مرحبا ببو اسامه
زمن تولى بجميله وبشقاءه
اني اتساءل ما الذي غير الناس في هذا الزمن
هل هو كثرة المشاغل او الماده والرفاهيه وقلة حاجة الناس لبعضها
اعتقد ان الصداقه الحقيقه ما زالت موجوده حتى يرث الله الأرض ومن عليها
حتى لوكانت قليله ونادره
أشكرك اخوي على حضورك المشرف والجميل
دمت برعاية الرحمن

[النبهاني]

الله الله سالفه فيها من الحكمه شي كثير



اهلا وسهلا باخي ال Al3rands
والله الله على حضورك الجميل
واشكرك جزيل الشكر
حفظك الله

[النبهاني]

حياك ربي يالغالي

وربي يسلمك من الشر
حسيت بونّة الرجال من دقة وصفك
وفعلاً حكمة عن مية بيت
اذا شافه العدو تشمّت واذا شافه الصديق تألم
سالفك هذى ياأبوسالم الله يسلمك ذكرتني بسالفة قد أحصلت لي
وهي
أذكر يوم أنا صغير وقف رجال يشحذ بالمسجد مغطي وجهه مابانت إلا عيونه ماتدري وش يقول...وهو يكشف وجهه يبي يستعطف الحاضرين.. إلاه...أجدع...مقطوع الأنف...إلى يومك يزولّي:(:(:(

لك مني خالص الود




ياهلا وترليون مرحبا بالعميد
والله يحييك ويسلمك من عذاب النار
احساسك يابو علي الجميل هذا اعرف انه من طيبك والله وتواضعك الرائع
بعذرك ياخوي لو يزولك تلقاه بتل ما رجع يتلطم
الف شكرك لك يابو على على تفضلك بتشرفك لموضوعي البسيط
حفظك العزيز القدير

[النبهاني]

وعليكم السلام ورحمة الله وبركاته

اكيد نالت استحساننا
الله يعطيك العافيه على هالسالفه




اهلا وسهلا باأخي binamerah
هذا والله غايتي ومنيتي ان تنال استحسانكم
وهو هدفي الرئيسي فموضوعي بدونكم نكره ولا قيمة له
اخي لك مني الشكر الجزيل ويعطيك الف عافيه على حضورك الكريم
دمت برضا من الرحمن