قصيدة المشعلي في الاخ خالد الشريده ابو فريد

[صيت النشاما]

كلمات الشاعرمساعدبديرالرشيدي المشعلي رساله موجهه الى الاخ خالد الشريد ابو فريد
يابوفريدان جاك قافي ومافيه الياسمعت القاف رد اعتباره
قافي من الهاجوس قافي مسويه يبحثلك الخافي وياخذمداره
وينخاك بالمعروف جملة معانيه والحرمثلك يكتفي بالاشاره
الحرمثلك مايخيب الرجاء فيه ياشبل يابن اشبال ساسك نماره
يشهدلهم تاريخهم عبر ماضيه وباقي على طول الزمن وبكاره
وانت الذي سيرة هل المجدماشيه ترقى العلا بالمعرفه والجداره
ويرقى العلا غصب على اللي معاديه من ساعده حضه ونال السطاره
والطيب لو هو بالملايين يشريه راع الوفاء واللي براسه نعاره
ولا الردي خسران حي يراجيه حتى المعرفه عند مثله خساره
ماينفع اللي بالمواجيب ناصيه وقدمه زناده ماتساوي شراره
هذا وانا ماني ورى القاف قاصيه ولاني ورى العربان جلاب غاره
لاكان هاض البال من حر مافيه واخذة من زين المثايل خياره
يابو فريد مبيح الصدر خافيه والصبرغلق مابقابه اقطاره
على المعاش وجاير الوقت ناويه ومن المسافه ولع الوقت ناره
وصلاة ربي عد حيا يراعيه واعداد من طاف المشاعر زياره
على النبي واعداد حيا مصافيه صلو على المختار ليل ونهاره