سالفة:خرفان العيد..قوافي

[قوافي ( أم نهار )]

http://t1.gstatic.com/images?q=tbn:ANd9GcQL6gtWBLHvJxFu9Er12RILNddthiYYA sP6TJg-mE7yAdHAHP80nA



السلام عليكم ورحمة الله وبركاته



حياكم الله اخواني وأخواتي



بسنه من السنين الماظيات كنا قرب عيد الأضحى وهذا الله والعالم من 40سنه مضت كان الجو بارد جداً وأمطار :l



وكعادة والدي الحبيب يشتري الاضاحي قبل العيد بيوم او يومين وهاك السنه شرا أبوي أثنين نعيميات مازلت اتذكر جمالهم ونظافتهم وكبر حجمهم ليس كعادة الخرفان ..



وبما أن البيت شعبي فطبيعي ان الخرفان موقعهم لين يجي وقت الذبح هو



السطح و فيه غرفه وهي شبه مستودع لأغراض البيت الزايده ومن ضمنها كيس فحم كبير استعداد للعيد ووجار كبير:D



ليلة العيد كانت امطار قويه مع هوا ورقيت أنا واخوي الكبير وعمر أخوي تقريباً 7 سنين موب أكثر نبي نشوف الخرفان وش يسوون ولقيناهم واقفين جنب بعظهم الله العالم يدفون بعظهم مـــــادري يمكن..



المهم قال اخوي ورى ماندخلهم للمستودع ادفى لهم عن البرد والمطر:)



فكيناهم وأدخلناهم المستودع ثم كملنا الناقص وحطينا يمكن ثلثين كيس الفحم بالوجارالكبير مع شوية قاز من الجركل اللي على جنب وولعنا الفحم ويوم شفنا الضوشبت وانتلت الغرفه دخاخين وعجزنا ننفس من الكتمه وتطمنا على الخرفان انهم بيدفون صكينا الباب عليهم من الحرص وطلعنا والوالده كانت تصك حدر باب الغرفه بخيشه تحشره من برا عشان ما يمر ولا شعره من حدر الباب وحنا بعد سوينا نفس الشي:f



المستودع صغير مايسوى كل هالضو عليه ومليان قش مابه إلا مساحه صغيره اللي حطينا به ضحايانا والوجار والباقي ممر صغير يالله يطلعك ورحنا نمنا عشان نشوفهم الصبح قبل الذبح!!



قمنا الصبح ولين امي وأبوي قاعدين بالحوش ومافي اي علامه ان اليوم عيد والعلامات الوضحه ان اليوم



يوم ؟؟؟؟؟



حنا موب مستوعبين اللي صار وان الخرفان ماتو اثنينهم اختنقو ولا أستوو صارو مشوي قبل أوانهم مدري:good:



الوالد سئل :



من ...اللي ... شب... بالخرفان



وانا واخوي نناضر بعضنا كننا نسمع الكلام هذا لأول مره :eek:



وش ولع ووش طفى !!



حنا حطيناهم بالمستودع عن المطر وشبينا فحم عن البرد



بـــــس !! والله بس



ما شبينابهم ولا شي يمكن هم راحو للضو واحترقو



وش نسويلهم طيب موب حنا



وبدت حالت الدفاع عن النفس



و كان عقابنا ان ابوي راح بيوم العيد العصر وشرا غيرهم ومنعنا نشوفهم ولا نعيد معهم وننظف المستودع



وفيما بعد سئل الوالد الشيخ عشان الذمه ولا أدري وش قال له..



تحياتي



اختكم



..قوافي..




http://t1.gstatic.com/images?q=tbn:ANd9GcQJMwJYbrBhp4EvOb_A-4dfudnU7nEfINyRvsZC7neYh0ceGXzK

[أبوتركي ومحمد]

وعليكم السلام ورحمة الله وبركاته
ماأجمل أيام زمان وماأحلى قلوب ألأطفال
ومن الحب ماقتل ههههههههههههههه
كعادتكي أخت قوافي متألقة ماشاءالله تبارك الله
http://www.mekshat.com/pix/upload05/images245/mk213047_cabe6lswca7phqdcca16t0qdcas97zghcakxcyf5c aftc460caucapnncako0z9ica11zdbrcame1xquca7ewu7eca0 v93wycaix0yawcavxrhufcaja8s3tcauuwtbkcamjxgfjca4pb c99caitly5h.jpg

[عابر سبيل 1]

وعليكم السلام ورحمة الله وبركاته ...
يازين براءة الأطفال وشقاوتهم ...
دائما متألقه ورائعه ...
حفظك الله أختي من كل شروحفظ والديك ...

[محمد الظاهري]

بارك الله فيك
متئلقه دوماً ياقوافي
وروائع القصص للذكرى تبدعين به
اشكرك على السرد الرائع الرائع
تحياااااتي لك
اخوك

[تبرق وترعد]

ابو كم راحمكم لوابوي لعن والديني

[بنت الأحساء]

السلام عليكم

هلا وغلا قوافي اخبارك ؟

ههههههه اجل تشبون النار وتتركون الخرفان محبوسين وتالي تقولون هم اللي راحوا جنب النار ههههههه حلوه شقاوه الاطفال وذكرياتهم ذكرتيني بنفسي يوم اني صغيره كنت مشاغبه كثير

يعطيكِ العافيه ع السالفه الروووعه كنت متضايقه ومهمومه ومن قريت موضوعك رسمتي البسمه على وجهي وافرحتي قلبي

حفظك الله ورعاكِ

[النبهاني]

وعليكم السلام ورحمة الله وبركاته
حياك الله وأبقاك ياقوافي
حنا حطيناهم بالمستودع عن المطر وشبينا فحم عن البرد



بـــــس !! والله بس
ما سويتوا شي بس جبتوا العيد قبل العيد
وضحيتوا وشلوطتوا حسب ما أملته عليكم براءة الأطفال
طبعا هذي السالفه قبل ما يجي ابو دله الملوحي
الف شكر ياقوافي والله يحفظ لك والدينك واخوانك
دمتي بحفظ المولى

[منيور]

دايما سوالفك زينه اختي

[قوافي ( أم نهار )]

وعليكم السلام ورحمة الله وبركاته

ماأجمل أيام زمان وماأحلى قلوب ألأطفال
ومن الحب ماقتل ههههههههههههههه
كعادتكي أخت قوافي متألقة ماشاءالله تبارك الله
http://www.mekshat.com/pix/upload05/images245/mk213047_cabe6lswca7phqdcca16t0qdcas97zghcakxcyf5c aftc460caucapnncako0z9ica11zdbrcame1xquca7ewu7eca0 v93wycaix0yawcavxrhufcaja8s3tcauuwtbkcamjxgfjca4pb c99caitly5h.jpg



حياك ربي اخوي
جبتها ياأبو تركي ومحمد:Dومن الحب ماقتل:s
هذا الله يسلمك من زود الحرص عيدناهم قبل العيد ايه عاد حنا بعالم السرعه حتى العيد يجي اسرع من أول يجي قبل موعده بليله من السرعه:p
اشكرك اخوي لمرورك وحضورك وردك الجميل
تحياتي وتقديري واحترامي
اختك
..قوافي..

[ذيب الفقارة]

سالفة ممتعة أختي قوافي

قصة جميلة تعبر عن براءة الأطفال التي قد يسميها البعض شقاوة .

تحياتي وتقديري

دائما وحليفك الإبداع بإذن الله

[قوافي ( أم نهار )]

وعليكم السلام ورحمة الله وبركاته ...


يازين براءة الأطفال وشقاوتهم ...
دائما متألقه ورائعه ...

حفظك الله أختي من كل شروحفظ والديك ...



حياك ربي اخوي
شقاوة الاطفال جميله لكن بحدود واحمد ربي اللي ما شب المستودع كله وكمل على باقي البيت او الجيران..
الله يرفع قدرك اخوي على التقدير وكلماتك الجميله..
اللهم آمين الله يحفظ كل غالي والمسلمين أجمعين..
اسعدني حضورك ومرورك
تحياتي وتقديري واحترامي
اختك
..قوافي..

[خوي مخباته]

والله ........ خوش .......عيد ..... اجل راح الوالد وجاب بدالهن ياصبر اهلنا علينا ياما وياما اتعبناهم ولاكن جعل جزاهم الجنًه....... اجل بدفووونهم بالفحم وانار مااقول شيء الاطفال وبراءتهم ! انا كتبت الرد على اساس انتس ياخت " قوافي " تقولين كنا صغار وكان عمر اخوي 7 سنين ليه ماذكرتي عمرتس علشان نكتب الرد صح ونشوف{ وش} مصدر الخطاء هو انتي والااخوتس الى عمره 7 والا اخته " قوافي " الى عمرها !!!!!
مشكووووووووووووووووووة اختنا الغاليــه " قوافي " وبارك الله فيتس والمعذره على الاطاله .
........................................ تحياتي وتقديري ..............................................

[قوافي ( أم نهار )]

بارك الله فيك


متئلقه دوماً ياقوافي
وروائع القصص للذكرى تبدعين به
اشكرك على السرد الرائع الرائع
تحياااااتي لك

اخوك



حياك ربي اخوي ومشرفنا الفاضل محمد
بارك الله بك وبحضورك العاطر
الذكرى حياتي الجميله الماضيه احبها و احتفظ بها واعتز بوجودها معي وادعو الله ان تظل الذاكره محتفظه بها وأن لاتفارقني بيوم من الايام ..
انا من يشكر ك لمرورك الكريم وياهلابك
تحياتي وتقديري واحترامي
اختك
..قوافي..

[قوافي ( أم نهار )]

ابو كم راحمكم لوابوي لعن والديني


حياك ربي اخوي تبرق وترعد
صراحه انا من قريت الرد وانا اعيده كل شوي واتخيل الموقف وشلون يلعن والديني ؟؟
الله يوسع صدرك بالعافيه:D
على العموم لين جا الصدق يمكن ياخذ الوحد كم صفقه او كم ضربه لكن يظل الوالد والد مايبي الشوكه تبطك والا الرمش يجرحك مهما كان والله يخليهم لنا ويطول بعمارهم..
ولا يضيق صدرك وانا أختك تقول طقك كلنا اخذنا لنا علك لما قلنا امين..
اسعدني حضورك وردك
تحياتي وتقديري واحترامي
اختك
..قوافي..

[قوافي ( أم نهار )]

والله ........ خوش .......عيد ..... اجل راح الوالد وجاب بدالهن ياصبر اهلنا علينا ياما وياما اتعبناهم ولاكن جعل جزاهم الجنًه....... اجل بدفووونهم بالفحم وانار مااقول شيء الاطفال وبراءتهم ! انا كتبت الرد على اساس انتس ياخت " قوافي " تقولين كنا صغار وكان عمر اخوي 7 سنين ليه ماذكرتي عمرتس علشان نكتب الرد صح ونشوف{ وش} مصدر الخطاء هو انتي والااخوتس الى عمره 7 والا اخته " قوافي " الى عمرها !!!!!



مشكووووووووووووووووووة اختنا الغاليــه " قوافي " وبارك الله فيتس والمعذره على الاطاله .


........................................ تحياتي وتقديري ..............................................



حياك ربي اخوي
اللهم آمين الله يجزاهم خير اللي تحملونا لين قالو بس ..
جاب ضحايا غيرهم العصر وكان مطبق علينا الحرمان من العيد ما شفنا إلا لحمهم وهذا اقل من جزانا نستاهل اكثر وخل الحرص ينفعنا:D
:p:p من يسئل عن عمر حرمه وتعطيه الجاده مستحيل:p:p
على العموم أخوي فعلاً كان عمره7 سنين وأنا أصغر بس انت تشوف ابو سبع سنين من 40 سنه مثل ابو 7 سنين الحين اتحدى وبرضه انا اصغر:D بس عاد انت تخير العمر وحط :f وان كان علشان من الغلطان ابو سنتين يعرف ان النار نار مافيها مزح بس نيتنا كانت زينه وشكلنا توقعنا ان الخرفان أكبر من أنه تروح للنار اوتنكتم من الدخان والله يعفو عنا..
انا من يشكرك على حضورك وردك الجميل
لاإطاله ولا شي والمكان مكانك وحياك ربي
تحياتي وتقديري واحترامي
اختك
..قوافي..

[قوافي ( أم نهار )]

السلام عليكم

هلا وغلا قوافي اخبارك ؟

ههههههه اجل تشبون النار وتتركون الخرفان محبوسين وتالي تقولون هم اللي راحوا جنب النار ههههههه حلوه شقاوه الاطفال وذكرياتهم ذكرتيني بنفسي يوم اني صغيره كنت مشاغبه كثير

يعطيكِ العافيه ع السالفه الروووعه كنت متضايقه ومهمومه ومن قريت موضوعك رسمتي البسمه على وجهي وافرحتي قلبي

حفظك الله ورعاكِ

ياهلا وياترياليون مسهلا بالغاليه
بنت الاحساء
اخباري الحمد والشكر لرب العالمين بخير ياوجه الخير..
صراحه يوم شبينا النار كنا متوقعين ان الخرفان أكبر من أنها تروح لم النار ..اوتموت مافيه هواء من عثورت الدخاخين:D:D
المشاغبات اشكال بس عساتس منتيب مثلي؟؟;)
لين تذكرت امي شياطيني قالت مدري وش لون صبرت عليتس
وانا بنفسي اقول يارب لك الحمد والشكر اللي عطيتهم طولة البال علي :p:p
الله يعافيك من كل شر ويحفظك ربي ياأخيه
الله يسعدك بالدارين
وسعي صدرك وانا أختك: امس غير اليوم
كل يوم يصبح بفجر ويمسي بمغرب ما تاقف الدنيا وش ما كانت تكون الهموم والمشاكل ..
ناظري دايم قدام ولين فكرتي فكري بالأحسن ودايم قولي إن شاء الله بيغير الله من حال إلى حال..
قلبي معك يا أخيه والله يفرج همك ويجعل حياتك دوم سعاده
اللهم آمين..
اسعدني حضورك الغالي المعطر بكل جميل
تحياتي وتقديري واحترمي
اختك
..قوافي..

[بنت الأحساء]

ياهلا وياترياليون مسهلا بالغاليه



بنت الاحساء
اخباري الحمد والشكر لرب العالمين بخير ياوجه الخير..
صراحه يوم شبينا النار كنا متوقعين ان الخرفان أكبر من أنها تروح لم النار ..اوتموت مافيه هواء من عثورت الدخاخين:D:D
المشاغبات اشكال بس عساتس منتيب مثلي؟؟;)
لين تذكرت امي شياطيني قالت مدري وش لون صبرت عليتس
وانا بنفسي اقول يارب لك الحمد والشكر اللي عطيتهم طولة البال علي :p:p
الله يعافيك من كل شر ويحفظك ربي ياأخيه
الله يسعدك بالدارين
وسعي صدرك وانا أختك: امس غير اليوم
كل يوم يصبح بفجر ويمسي بمغرب ما تاقف الدنيا وش ما كانت تكون الهموم والمشاكل ..
ناظري دايم قدام ولين فكرتي فكري بالأحسن ودايم قولي إن شاء الله بيغير الله من حال إلى حال..
قلبي معك يا أخيه والله يفرج همك ويجعل حياتك دوم سعاده
اللهم آمين..
اسعدني حضورك الغالي المعطر بكل جميل
تحياتي وتقديري واحترمي
اختك
..قوافي..


هلا ترليون بك يالغاليه لو كنت اعرف رقم اكبر كان ذكرته ههههههه :D

دوم ان شاء الله تكوني بخير وتمام التمام :)

مساكين الخرفان تخيلت اشكالهم مسدحين على الارض :(:D

ههههه عندنا وعندك خير بس ماكنت مشاغبه كثير في طفولتي كنت اسكن في بيت اربع شقق وحده لنا وثلاث لعمامي كنت ذاك الوقت عمري 7 سنوات والبيت ماشاء الله مليان عيال وكان صيف اشتهيت اشرب ببسي عطشت من اللعب :D قلت ليه مااروح البقاله ورحت لبقاله بعييده مع انه فيه وحده قريبه بس مااذكر ليه مادخلتها :D ورحت شريت الببسي وانا اشربه في الطريق اشوف الناس متعجبين مني طفله وتمشي بروحها وين اهلها :eek: الحمدلله مااحد خطفني ذاك اليوم , تاخرت في العوده للبيت لبعد المسافه المهم اني يوم وصلت البيت اشوف استنفار يدورون علي ههههه :D يوم شافونوا عاقبوني واكلت علقه محترمه ذاك اليوم :D

تسلمين يالغاليه كلامك ريحني اكثر كنت افكر بترك المنتدى لكن قلت مافيه داعي ومااقدر اتركه وانا عندي اخت عزيزه وغاليه مثلك :)

آسفه طولت في الكلام

في حفظ الله

[قوافي ( أم نهار )]

تسلمين يالغاليه كلامك ريحني اكثر كنت افكر بترك المنتدى لكن قلت مافيه داعي ومااقدر اتركه وانا عندي اخت عزيزه وغاليه مثلك
.................
عز الله مقامك يالغاليه وألله يصلح لك الاحوال
اشكرك على المداخله واكيد بتكون حالة استنفار للبحث عن المفقوده الغير متعودين على خروجها ..
حياك ربي
اختك
..قوافي..

[قوافي ( أم نهار )]

وعليكم السلام ورحمة الله وبركاته




حياك الله وأبقاك ياقوافي
حنا حطيناهم بالمستودع عن المطر وشبينا فحم عن البرد




بـــــس !! والله بس
ما سويتوا شي بس جبتوا العيد قبل العيد
وضحيتوا وشلوطتوا حسب ما أملته عليكم براءة الأطفال
طبعا هذي السالفه قبل ما يجي ابو دله الملوحي
الف شكر ياقوافي والله يحفظ لك والدينك واخوانك


دمتي بحفظ المولى



الله يحييك ويبقيك اخوي
يعني مدري وش اقول بس حنا عايشين بعصر السرعه فصار عيدنا قبل الناس بساعات:D:D هذا اللي حصل:D:D
وأي شلوطه للضحايا الله يهديهم ما صبرو لين صلو العيد وماتو مدري انتحرو بدل شلوطة مخبات ابوي الله يحفظه:p:p
لا..أخوي دلة الملوحي كان بعلم الغيب وقت حضوره مابعد تبشرنابوه ..
ترياليون العفو والشكر لك أخوي
اللهم آمين الله يحفظ لنا كل غالي ويخليهم ويطول بعمارهم ويصلح لنا النيه والذريه وللمسلمين اجمعين..
اسعدني مرورك وحضورك الكريم وردك الجميل
تحياتي وتقديري واحترامي
اختك
..قوافي..

[قوافي ( أم نهار )]

دايما سوالفك زينه اختي


حياك ربي اخوي منيور
الله يزين أيامك برضى رب العالمين
اسعدني حضورك ومرورك الكريم
تحياتي وتقديري واحترامي
اختك
..قوافي..

[وردة النفل]

:p:p:p
هههههه
الخرفان مساكين:( مالهم ذنب :p الله يسامحكم ياقوافي انتي واخوك :mad:
بس قصه مضحكه ومحزنه بنفس الوقت
يعطيك العافيه قوافي
بانتظار جديدك في القصص :)

[نجم000الشمال]

حيا الله اختي / قوافي
يا هلا بالحنينه انتي واخوك ، اجل تبون تدفونهم عن البرد :f !!! :D
ذكرتيني بالشقاوة سالفة صارت لي مع ولد عمتي الي اكبر مني بكم سنة بس ما شاء الله عليه من الشقاوة يفحط محله :eek:
انا كنت برابع وهو باول متوسط.
كنا متجمعين عند عمي بالرياض عدة عوائل وكان بوقت عطلة ربيع وبررررررد وعنده غرفة بالحوش تفتح على الحديقة بها كم نخلة ، وتفتح على الشارع وحاط فيها حطب الشتاء كله وبجنب الحطب طقم كفرات اربع جديدة فوق بعظ ،
وبعد ما صلينا الفجر رحنا للحديقة نسمع اصوات العصافير فيها ونشوف الغرفة وندخلها ونلقى منقل حطب وبجنبه جالون بنزين :good2:
قال لي السوبر فايزر رح جب من الملحق عند المشب كبريت شفه عند علبة الهيل وانتبه لا يشوفونك لانهم متجمعين يتقهوون ،نبي نسوي لهم مفاجئه!
انا رحت وهو قام وحط كم حطبة بالمنقل وصب عليها شوية بنزين وعطيته الكبريت واخذ عود و شب النار.
بس قال ابيها تولع بسرعة وهو يصب زيادة بنزين من فوق اللهب والنار تولع بالجالون وهو يرمي الجالون على ارضية الغرفة ويسيل البنزين بناره للحطب والكفرات وفي ثواني والغرفة دخنة ونار عجيبة !
طبعا حاولنا نطفيها بالتراب لكن ما قدرنا وبلغنا غرفة عمليات الملحق وهم يهرعون (اخذتها من الجريدة) وعمي بلغ المطافي وطفوا الحريق وكانت حفلة كبيرة وتم تكريمنا بكم عقال وكم ....... وبس
:(:(
اعتذر عن الاطالة ودمتي بالف خير اختي العزيزة .

[المهاجر انا]

الله من الفهوه يازين يوم ان بزارين الله يوسع صدرك

[Al3rands]

ههههههههههههه الظاهر من حبكم للخرفان سويتو كذا بس ترا مانيب سائل كم عمرك وقتها

[شاب من ينبع]

ههههههههههههههههههههههه اخت قوافي
لو انا سويت هالشي كان ابوي يقولي
مافيها فكه معلق اليوم معلق
يعطيكي العافيه والله يرحم والدينا ووالديك
ويجزهم بالجنه ويرحم أموات المسلمين

[عابر الموج]

الله يعطيك العافية على القصة التي تدل على العطف والرحمة حتى لوكانت النتائج العكس تقبل تحياتي

[قوافي ( أم نهار )]

سالفة ممتعة أختي قوافي




قصة جميلة تعبر عن براءة الأطفال التي قد يسميها البعض شقاوة .


تحياتي وتقديري



دائما وحليفك الإبداع بإذن الله



الله يحييك اخوي
الامتاع بوجودك وحضورك الكريم اخوي
شقاوة الاطفال عندما تجتمع أعمدتها عليهم السلام وهي. الشطانه. الجرائه. العنصر المراد تخريبه. او التعامل معه من وجهة نظر الاطفال انه صح :وهي بالنهايه دمار:D
اسعدني وقوفك بصفحتي المتواضعه وتشرفت بردك الجميل.
تحياتي وتقديري واحترامي
اختك
..قوافي..

[ناصر العلي]

وعليكم السلام ورحمة الله وبركاته
حياك ربي أخيّة
يقولون
ماكل مجتهد مصيب
لا بالله ماقصرتي أنت وأخوس
حشرتوهن بهالمستودع وفحم توة مولع :fوبقاز وإمعاناً بالتدفئة سديتوا حدر الباب بخيشة
ماشاء الله عليكم
حسحستوا الضحايا بدري:D
وإن شاءالله ربي قبلهن ضحايا
ذكرتيني بسالفة صارت لأحد أخوتي يوم حنا صغار
لقى فرخ عصفور بحوش بيتنا وقمة العناية والدلال ومن زود الحرص
حطه بمخباة ثوبه الجانبية يوم جا ينام نام والثوب عليه...عيّا يفصخه يخاف يفقد اللي بالجيب...طبعاً حنا ماندري وين هو مغبيه...تقلبتين وهو نايم الثالثة وإلى
العصفور كنه مرصاع:D سلم الروح لباريها
وللقصة بقية ولكن نكتفى بهذا القدر مراعاة لشعور القراء


دمت بألف خير

[قوافي ( أم نهار )]

:p:p:p

هههههه
الخرفان مساكين:( مالهم ذنب :p الله يسامحكم ياقوافي انتي واخوك :mad:
بس قصه مضحكه ومحزنه بنفس الوقت
يعطيك العافيه قوافي

بانتظار جديدك في القصص :)



حياك ربي وياهلابك ترياليون هلا يالغاليه
لا والله ماللخرفان ذنب غير اننا حبيناهم وخفنا عليهم من البرد والمطر..ومن الحب ماقتل:D:D
الله يعافيكِ ويجزاك خير
اسعدني جداً حضورك الجميل ومرورك الغالي
تحياتي وتقديري واحترامي
اختك
..قوافي..

[أبو جعفر]

بارك الله فيك يا قوافي
ويوم أنس طريتي الخرفان بقول هالسالفة أذكر أنا فعيد الأضحى وأنا عند خوالي شرينا 14ضحية يوم وصلنا للأخيرة جاء خالي بيذبحها يوم بدا يذبح ويطلع الدم ألا ويدفه ولده الصغير طاح خالي وأنحاشت الذبيحةوتدخل عند الحريم بالمطبخ وتحوسهم وتعود لنا عاد ماخلوها النشامى

الله لا يعاقبنا

[قوافي ( أم نهار )]

حيا الله اختي / قوافي



يا هلا بالحنينه انتي واخوك ، اجل تبون تدفونهم عن البرد :f !!! :D
ذكرتيني بالشقاوة سالفة صارت لي مع ولد عمتي الي اكبر مني بكم سنة بس ما شاء الله عليه من الشقاوة يفحط محله :eek:
انا كنت برابع وهو باول متوسط.
كنا متجمعين عند عمي بالرياض عدة عوائل وكان بوقت عطلة ربيع وبررررررد وعنده غرفة بالحوش تفتح على الحديقة بها كم نخلة ، وتفتح على الشارع وحاط فيها حطب الشتاء كله وبجنب الحطب طقم كفرات اربع جديدة فوق بعظ ،
وبعد ما صلينا الفجر رحنا للحديقة نسمع اصوات العصافير فيها ونشوف الغرفة وندخلها ونلقى منقل حطب وبجنبه جالون بنزين :good2:
قال لي السوبر فايزر رح جب من الملحق عند المشب كبريت شفه عند علبة الهيل وانتبه لا يشوفونك لانهم متجمعين يتقهوون ،نبي نسوي لهم مفاجئه!
انا رحت وهو قام وحط كم حطبة بالمنقل وصب عليها شوية بنزين وعطيته الكبريت واخذ عود و شب النار.
بس قال ابيها تولع بسرعة وهو يصب زيادة بنزين من فوق اللهب والنار تولع بالجالون وهو يرمي الجالون على ارضية الغرفة ويسيل البنزين بناره للحطب والكفرات وفي ثواني والغرفة دخنة ونار عجيبة !
طبعا حاولنا نطفيها بالتراب لكن ما قدرنا وبلغنا غرفة عمليات الملحق وهم يهرعون (اخذتها من الجريدة) وعمي بلغ المطافي وطفوا الحريق وكانت حفلة كبيرة وتم تكريمنا بكم عقال وكم ....... وبس
:(:(


اعتذر عن الاطالة ودمتي بالف خير اختي العزيزة .



يحييك ربي ويبقيك اخوي
قمه بالحنان ما بعده شي وش اكثر من مادفيناهم لين ماتو:f
السوبر فايزر ماله حق يرسلك ويحطك بوجه المدفع لو شايفينك طاحت براسك من اوله وصرت انت اللي مخطط للسبرايز (المفاجئه):D
غرفة عمليات الملحق بيهرعون(اخذته منك) اسرع من مطافينا اللي تجيك عقب ماتفحم الدنيا كله والحجه ما دلو البيت او الشوارع تحويلات .ياقلب لا تحزن:(
العقال والكم؟؟؟؟؟ عادي وانا ختك كلنا اخذناتصفيق و؟؟؟؟؟؟:D الباقي مايقال:D:D مهوب تشويت..
الحمد لله اللي سلمكم ربي.. النار الله يجيرنا منه والمسلمين خطره وبلحظه كلش منتهي بس يرجع الامر لصغر السن وعدم الادراك الحقيقي لمواقع الخطر..
حياك ربي اخوي ابو اسامه واشكرك على السالفه والمداخله الجميله والمحل محلك واسعدني حضورك وياهلابك..
تحياتي وتقديري واحترامي
اختك
..قوافي..

[قوافي ( أم نهار )]

الله من الفهوه يازين يوم ان بزارين الله يوسع صدرك


حياك الله اخوي المهاجر انا
الفهاوه صراحه هي المتهم الاول والاخير :D
حنا ما لنا ذنب غير اننا نبي نفهي الضحايا مثلنا (قصدي ندفي الضحايا) بس عاد هم ماتو متفهين:f
وسع الله صدرك بالعافيه واسعدك الله بالدارين
سرني حضورك ومرورك وردك الكريم
تحياتي وتقديري واحترامي
اختك
..قوافي..

[قوافي ( أم نهار )]

ههههههههههههه الظاهر من حبكم للخرفان سويتو كذا بس ترا مانيب سائل كم عمرك وقتها


حياك الله اخوي
ضحينا بهم قبل العيد باسم الشفقه والرحمه الله يعفو عنا
:D عمري اصغر من أخوي جاك الجواب من غير ما تسئل:D
اسعدني حضورك وردك الجميل
تحياتي لشخصك الكريم
اختك
..قوافي..

[قوافي ( أم نهار )]

ههههههههههههههههههههههه اخت قوافي
لو انا سويت هالشي كان ابوي يقولي
مافيها فكه معلق اليوم معلق
يعطيكي العافيه والله يرحم والدينا ووالديك
ويجزهم بالجنه ويرحم أموات المسلمين

حياك الله اخوي
الله يوسع صدرك دوم ويسعدك ربي بالدارين
:D اشوى ان ماعندنا شي يعلقونا فيه هو صح فيه المراوح بالسقف بس يحتاجونها بالصيف ..
اللهم آمين الله يرحم والدين الجميع ويرحم الحي والميت منهم ويرزقنا برهم وتحمل كبرهم مثل ما تحملونا صغار وكبار ..
اسعدني حضورك ومرورك الكريم
تحياتي وتقديري واحترامي
اختك
..قوافي..

[قوافي ( أم نهار )]

الله يعطيك العافية على القصة التي تدل على العطف والرحمة حتى لوكانت النتائج العكس تقبل تحياتي



حياك ربي اخوي
الله يعافيك ويحفظك من الشر
العطف والرحمه كان هو المقصد لكن الطريقه كانت غلط وهذا جهلنا الله يعفو عنا ..
اسعدني حضورك وردك ووقوفك بصفحتي المتواضعه..
تحياتي وتقديري لشخصك الكريم
اختك
..قوافي..

[التعـ King ـديل]

السالفه كلها بكفه ومشهد الوالد يوم يسأل عن اللي شب النار بكفه ثانيه

تخيلت عيونكم تتلاقط واشكالكم وانتم خايفين

[قوافي ( أم نهار )]

وعليكم السلام ورحمة الله وبركاته

حياك ربي أخيّة
يقولون
ماكل مجتهد مصيب
لا بالله ماقصرتي أنت وأخوس
حشرتوهن بهالمستودع وفحم توة مولع :fوبقاز وإمعاناً بالتدفئة سديتوا حدر الباب بخيشة
ماشاء الله عليكم
حسحستوا الضحايا بدري:D
وإن شاءالله ربي قبلهن ضحايا
ذكرتيني بسالفة صارت لأحد أخوتي يوم حنا صغار
لقى فرخ عصفور بحوش بيتنا وقمة العناية والدلال ومن زود الحرص
حطه بمخباة ثوبه الجانبية يوم جا ينام نام والثوب عليه...عيّا يفصخه يخاف يفقد اللي بالجيب...طبعاً حنا ماندري وين هو مغبيه...تقلبتين وهو نايم الثالثة وإلى
العصفور كنه مرصاع:D سلم الروح لباريها
وللقصة بقية ولكن نكتفى بهذا القدر مراعاة لشعور القراء



دمت بألف خير


الله يحييك ويبقيك ربي اخوي
لا من هالناحيه ماقصرنا شوينا الضحايا استعدادً للعيد بكره:D
الله يعفو عنا وشكلنا سويناها تشكيله من مشوي ومحسحس واضن حتى الحميس صار :Dوبأبسط الطرق سويناه مكتوم ومدخن ..
اجل راح العصفور من الرحمه وغدا مرصاع :D
ياعلينا رحمه رهيبه ياتسالي..
اشكرك لمداخلتك الجميله
اسعدني حضورك ومرورك الكريم
تحياتي وتقديري واحترامي
اختك
..قوافي..

[قوافي ( أم نهار )]

بارك الله فيك يا قوافي
ويوم أنس طريتي الخرفان بقول هالسالفة أذكر أنا فعيد الأضحى وأنا عند خوالي شرينا 14ضحية يوم وصلنا للأخيرة جاء خالي بيذبحها يوم بدا يذبح ويطلع الدم ألا ويدفه ولده الصغير طاح خالي وأنحاشت الذبيحةوتدخل عند الحريم بالمطبخ وتحوسهم وتعود لنا عاد ماخلوها النشامى

الله لا يعاقبنا


حياك ربي اخوي
الله يبارك بك وبحضورك الجميل
هذا فلم مرعب صحيح انا جدع بس لو تجيني الذبيحه تركض نصها حي ونصها ميت وتخرخر دمان بموت قبلها من الخوف:D
الله يامواقف عيد الاضحى اذكر بيوم العيد طق بابنا واحد وقال انه قصاب وخلاه ابوي يدخل واول ذبيحه يوم ذبحها ودلت ترافس اغمى على القصاب والذبيحه ترافس وانتلى دمان واثره قصاب صلخ ويخاف من الذبح :D
اسعدني تشريفك للسالفه ومشكور على المداخله الجميله..
تحياتي وتقديري واحترامي
اختك
..قوافي..

[قوافي ( أم نهار )]

السالفه كلها بكفه ومشهد الوالد يوم يسأل عن اللي شب النار بكفه ثانيه



تخيلت عيونكم تتلاقط واشكالكم وانتم خايفين



حياك الله ومرحبا اخوي ومشرفنا الفاضل
الوالد هاك اليوم ما ينحسد على الموقف اللي صار (لأنه ما يحب ابد يعاقبنا بس حنا اللي نتسبب لأنفسنا )
يوم سأل أصلاً طارت عيوننا وش مات وش استوى
حنا قايمين نبي نشوف الذبح ما سوينا شي غير رفعنا عيار التدفئه بس .الله يعفو عنا.وكأن ابوي يتكلم لغه غير مفهومه ما أستوعبنا اللي صار مضبوط إلا يوم نضفنا المستودع اللي هو عقابنا :D
اسعدني حضورك ومرورك وردك الكريم
تحياتي وتقديري واحترامي
اختك
..قوافي..