الــــــــكـــــــــرونـــــــــــــــــــــة الـــــــــريـــــــــــــاضـــــــــية

[الأسد07]

السلام عليكم ورحمة الله وبركاته ......
بعد الحمد لله والصلاة والسلام على نبيه( صلى الله عليه وسلم)








عندي فورد - موستينج- موديل 2006 جي تي 8 سلندر شاريها قبل اربعة ايام
فيها ونة في الكرونة وقلت لصاحبها قال الكرونة رياضية مقاس 4.10 يقول ركبها لزيادة قوة السيارة وتعديل القومة
هل هذه الكرونة تضر الماكينة والجير
لأنها في ثواني تمشي 240 السيارة ، وانا ماشي بها امس 240 تعداني كامري 2002
وسالته كم ماشي قال 220
السرعة ما تهمني بس كيف الكرونة ذي تقوي الموتر والكامري سبقت موتري
هذا يعني ان فيه مشكلة
وأخاف انها تعدم القير او المكينة
والي عنده علم عن مقاس الكرونة الأساسي لا يبخل علينا
واش الأفضل اغير الدف:butt3::butt3:رنس كامل او اغير الكارونة اذا كان فيها ضرر

[YUKON_GMC]

الكرونه .. إذا كبرت تضعف القومه ولكن تعطي سرعه اعلى من سرعة الوكاله ..

الكرونه .. اذا صغرت تعطي قومه اقوى ولكن سرعة اقل من سرعة الوكاله ..

والكرونه ماتضر الا بالسيرات الدفع الرباعي .. الدبل .. لأنه اثناء تعشيق الدبل لازم تكون سرعة الكوارين ورى وقدام وحده بالملي .. والا تكسر احدهم او الدبل ..

بالنسبه لسيارتك ماتضر ابد لاقير ولا مكينه .. وصوت الكرونه شيء عادي ويطلع في اغلب السيارات وإذا حافظت على الزيت تعيش معك فتره طويله الا اذا كان الصوت قوي ومزعج وتكمن الخطوره في حالة السرعه وتوقفت الكرونه اقرأ على روحك الفاتحه ..

مالها داعي تمشي 220 ولا حتى 140 .. خلك نظامي ولاتعرض روحك للمهالك .. ترى نسبة موتى الحوادث اكثر من نسبة اللي ماتو بالحرب العالميه

[الأسد07]

مشكور اخوي YUKON_GMC
واخوك مو حق سرعات شريت الموتر بالحالة ذي واحس انها بتخرب الماكينة

[مهب حالة]

وانا ماازود على كلام اخوي YUKON_GMC (http://www.mekshat.com/vb/member.php?u=177274)

وبخصوص الونة الي عندك رح لقطع الغيار وقله عطني الدواء حق ونة الكارونة

عبارة عن علبة زيت تعبيها بالدفرنس علبه بيضاء وكتابة اسود بازرق

وانشاء الله تظبط معك

والله اعلم

[الأسد07]

مشكور يا أخوي والله يعطيك الف عافية
ولكن لا زلت احتاج مزيد من المعلومات حول الكرونة
كرونة الوكالة حجمها 3.55 والمركبة فيها 4.10
هل تغير الرقم يضر الماكينة والقير
ما الفائدة من هذا التغيير
وما المضار منه

[بدوي جنوبي]

بالعكس الكرونه ممتاز تعطيك زيادة سرعه
لكن ما أنصحك تسرع لان سيارتك ما شاء الله سريعه فأحذر من السرعه الله يحفظك

طبعا الصوت اللى موجود لانهم يوم غيرو ترس التاج والبنيون وزن الخلوص(الفضاوة) بين الترسين صعب
وأذا كان الصوت غير مزعج مجرد ونه بسيطه وتختفي مع السرعات فهذا طبيعي بسبب التغيير
وما أنصحك تروح الورش لانهم بينصبو عليك .
عموما تأكد من صاحب السياره هل تم تغيير ترس البنيون مع التاج او
اكتفو بترس التاج فقط .

لمعرفه المزيد عن الدفرنسات أدخل على مواضيعى عن الدفرنسات راح تستفيد

[الأسد07]

بالعكس الكرونه ممتاز تعطيك زيادة سرعه
لكن ما أنصحك تسرع لان سيارتك ما شاء الله سريعه فأحذر من السرعه الله يحفظك

طبعا الصوت اللى موجود لانهم يوم غيرو ترس التاج والبنيون وزن الخلوص(الفضاوة) بين الترسين صعب
وأذا كان الصوت غير مزعج مجرد ونه بسيطه وتختفي مع السرعات فهذا طبيعي بسبب التغيير
وما أنصحك تروح الورش لانهم بينصبو عليك .
عموما تأكد من صاحب السياره هل تم تغيير ترس البنيون مع التاج او
اكتفو بترس التاج فقط .

لمعرفه المزيد عن الدفرنسات أدخل على مواضيعى عن الدفرنسات راح تستفيد


يعطيك الف عافية على الافادة اخي بدوي جنوبي
والحمد لله ان ما فيه ضرر من هذي الكرونة
والموتر فعلا قومته ما شاء الله تبارك الله ولكن السرعة تفرق
قبل شوي جيت انا واخوي انا بالاكسبديشن وهو بالموستينج انا ماشي 130 بالاكسبديشن
اتصلت عليه وقال ماشي 160
يمكن موضوع تغيير الكرونة يحتاج برمجة مثلا
والله العظيم لاحترت