جيربكس الجيب

[ولد طويرق]

السلام عليكم ورحمة الله
اخواني قدر الله وخرب القير حق الباثفندر 2003 صار ما يرجع ريوس والسياره وهي فاضيه ما تندف لا لورى ولا لقدام علما السياره تماتيك وقبل لا تصير المشكله هذي ولعت علي لمبة حرارة الزيت اللي في الطبلون OIL TEMP المهم وديتها لاكثر من واحد كلهم يقولون هذي تروس ولازم توظيب والسعر خيالي يقول لي بـ(6000) والقطع من عنده وانا والله يا اخوان محتار ومتضايق من هذي المشكله
اتمنى من الخبراء وباقي الشباب اللي عنده معلومه يفيدني بها وله دعوه في ظهر الغيب

[sgl2002]

ياخوك لاتستعجل

انت تدري ان القير التماتيك اذا احتمى يفصل ولا يشبك تقول مخبط

وانت تقول ولعت لمبة حرارة الزيت

يعني جرب القير والسيارة بارده وشف يعشق او لا

ممكن يكون مبرد زيت القير خربان

[ولد طويرق]

اول شي جاتك دعوه بظهر الغيب يا SGL 2002
الشي الثاني جربت السياره في جميع الاوقات الريوس ما يعشق ابدا والمشكله ان السياره في ال N ما تدحدر لورا حتى لو دفيتها كان فيه شي ماسكها وكلامك عن مبرد القير صحيح مبرد القير صار فيه سدد لذلك ما برد الزيت وهو اللي سبب خراب التروس على كلام اكثر من مهندس ..
هل التوظيب افضل ولا تركيب جربكس كامل من التشليح افضل ؟؟
وعلى فكره اللي قال يحتاج توظيب قال لازم تغير اللديتر لان مبرد القير في نفس اللديتر وماله حل الا التغيير ولا ما اضمن شغلي لو خرب مره ثانيه
الله المستعان الواحد يوم تخرب سيارته كانه فاقد واحد من عياله يحس انه ضايع ما يدري وش السواه

[abo]

يالغالي

ياليت تفك القير عند المهندس تحت نظر عينك وخله يوريك وين العطل بالضبط للتقليل التكلفة يمكن تصير سهلة ان شاء الله

عموما

انا غيرت القير في تشاليح الكويت بـ 2500 ريال

وتاخذه من الصناعية القديمة في حدود 3500 - 4000 راكب في موترك

الكلام هذا قبل 3 شهور

[ذيب اللابه]

ولد طويرق انا ماعرف في التوماتيك
لكن اذا كان مافيه الا توظيب انت اللي جيب القطع بنفسك راعين الورش والله ما ينضمنون يجيبلك قطع تجارية على ساس انها اصليه انتبة زين