كمبرسر مكيف الفتك خربان هل من حل بديل لانه غالي

[سلمانـ]

السلام عليكم ورحمة الله

اسعد الله ايامكم بالرضى والمحبه

انا عندي الكمبرسر حق الفتك مايبرد واحيانا يبرد شوي ويروح البراد واحيانا مايبرد نهائيا وبعد المرور على اكثر من كهربائي قالو الكمبرسر خربان وماله الا تغير وسألت عن الجديد لقيته حوالي 1700 واحترت مادري من يشور علي برأي هل من حل يسعفني الله يرضى عليكم

[آخر العنقود]

هلا اخوي شف التشليح اتوقع تلقاه بحدود 1000ريال ونصيحه اذا بتستخدم الموتر خذ جديد وعب فريون امريكي اصلي وراح يخدم معك مده طويله..
موفق خير...

[سلمانـ]

انا افكر بالجديد بس غالي حيل والله يسهل مادري وش اقرر

[Magellan]

رخيص والله ياسلمان بـ1700
غيره يتجاوز 3000 ريال
واذا عندك المقدرة فمحلات تصليح المكيفات (مثلا الرياض: شارع العويضة ،الصناعية القديمة) تلقى عنده مستعمل لمثل سيارتك بإمكانك تسأله
انا قد غيرت تشليح لموتري بـ500 ريال وضمان اسبوعين

[Noz]

اخوي سلمان خذ جديد وريح بالك و اعتبر سعرة مو غالي بنسبة للسيارات الاخرى و المستعمل ما تدري عنه يمكن يخدمك شهر شهرين و يتعطل .

[ذيب اللابه]

السلام عليكم ورحمة الله



اسعد الله ايامكم بالرضى والمحبه


انا عندي الكمبرسر حق الفتك مايبرد واحيانا يبرد شوي ويروح البراد واحيانا مايبرد نهائيا وبعد المرور على اكثر من كهربائي قالو الكمبرسر خربان وماله الا تغير وسألت عن الجديد لقيته حوالي 1700 واحترت مادري من يشور علي برأي هل من حل يسعفني الله يرضى عليكم


اخوي سلمان والله اني اشوف قيمته رخيصه يـ رجال معي كامري 2001 خرب علي الكمبرسر
قبيل الصيف روحنا الوكالة قالي مكيف كمبرسر الوكالة اصلي 3000 وعليها وبعد الخصم الظاهر 2200 المهم حول القيمة ذي
وفي شركة ثانية يوردها بعد عبداللطيف جميل اسمه دنسون قيمته 1000
شف كيف يلا قارن بين كامري تايوتا ولالا بعد 2001 وباترول نيسان فتك

يعني والله اشوف سعره ممتاز وطيب

[عمر الشريف]

تبي النصيحه يآ أخ سلمآن غير جديد أنآ قبل أسبوع خرب على الكمبروسر ومغيره مع الرديتر والفلتر والبلف بحوآآلي 3000ريال وشوف مآشأء الله له أسبوع الصلآلآه على النبي ميه ميه .. فيه موقع يجيبلك من برى السعوديه رخيص وممتأأز شوف هذا الموضوع ممكن يفيدك ..

http://www.mekshat.com/vb/showthread.php?t=423498

[مهب حالة]

وعليكم السلام

أخوي .. تقول انه يبرد شوي ومايبرد يعني كأنه يستهبل

اذا كان ماعندك تهريب بالفريون فأنصحك تعبيه فريون امريكي

على ماقال اخر العنقود ولاتنسى تعبيه زيت لانه الجلب الداخليه

عندك واضح انه مابه او قليل زيتها لانه يفلت مرة يبرد ومرة لا

جرب وانشاء الله يظبط معك

والله أعلم

[لسان الحقيقة]

اذا بـ 1700 جديد وأصلي فتوكل على الله

[سلمانـ]

الله يعطيكم العافيه والله ان رايكم السديد والحروه اني بحاول اشتري الجديد

[You Like Me]

مدام الكمبروسر يدور ويبرد مافيه شي
الكمبروسر مايخرب الا اذا انفجر او جيم(خبط)
وبالإمكان توضيبه بس مين الفني اللي بيوضب لك
كل شي سهل بالنسبة لهم غير كمبروسر وبس مايبي يشتغل ويحلل فلوسه
وانت يالمستهلك اذا جبت له جديد ضبط الكمبروسر القديم وباعه

انا والله تخصصي تبريد وتكييف لكن خاص بالمنشآت
ومالي علاقه بتكييف السيارة مع انها نفس الدائرة ونفس المضمون
الا انو في اختلافات بالاجزاء المحيطة بكمبروسور السيارة
تختلف عن كمبرسورات المكيفات الاخرى
لكن كتشخيص ومقارنه اقولك الكمبروسر سليم
والله يعينك شف لك فني شاطر وإن شاء الله تطيح لك في إبن حلال ويخاف الله
ويطلع المشكله الاساسيه
الله يسهل امرنا وامرك

[اذاني]

اخي العزيز انا وضبته بـ 200 عند سعودي فنااااااااان

دورلك واحد شاطر يوضبه افضل من 2200 ريال

[باترول 4500]

وعليكم السلام
واحد من الأقارب معه فتك خرب عليه الكمبرسر , ويروح لأحد الفنيين ويقوله دايم يجينا ناس يشتكون من كمبرسر الفتك وينصحه إنه يركب كمبرسر حق باترول مكينة 4500 موديل 98 إلى 2001
وماشاء الله ركبه وضبط معه

بالتوفيق إن شاء الله

[ابو خــــالد]

واحد من الشباب معه فتك2005 الكمبروسور حقه من يوم وشرا الموتر قبل فترة ودفعه ضعيف ومير يسأل بتشاليح الرياض غاليات ومير يروح للتشاليح بريده وياخذ له كمبروسر فتك بـ 600 ومع التركيب وغسيل رديتر المكيف وتنظيف المواصير وتعبية فريون أمريكي أصلي بـحدود ال1000

[ددسن مسدرك]

يالغالي إسأل عن كمبروسر ( دلفي ) إذا فيه منه للباترول ركبه الظاهر إنه أمريكي الصنع

[قرناس الشرقيه]

السلام عليكم ورحمه الله وبركاته
انا عندي مشكله بالفتك يهرب ما وترتفع الحرارهةلا ادري وين يروح الما
ماله اثر ولا شي

[سلمانـ]

والله رايكم طيب بس انا كل مااحد قالي شي اقتنعت ومادري وين اروح للجديد ولا للتشليح واخذ حق 2004 ولا 2002 مادري محتااار وهل في فني بعنيزه جيد ؟

[ابوسند9]

اخوي
سلمان
المشكله ان جميع الفنيين وها الاجانب تجي يمه وعلى طول غير الكمبروسر؟؟طيب ليه اغير؟ليه اوضبه؟كلام فاضي
ويمكن تغيره جديد وتبقى نفس المشكله
ما دام انه مره يبرد ومره لا معناه ان الكمبرسور سليم
انت تحتاج كهربائي تبريد فنان
يمكن المشكله عندك من البلف
المكيف الامامي له بلف
والثلاجه لها بلف
والمكيف الخلفي له بلف
هذا غير الفلتر الداخلي واللي با الكبوت وممكن المشكله منها
او ربما احد مواسير التبريد فيها انسداد
تنصحك تخلي الكمبرسور الجديد اخر شي لان اللي اعرفه ان كمبرسور الفتك نادر جدا ان يخرب
لذا دامك موجود في عنيزه بريده قريبه لك وفيه ورشة متعب السيف بصناعية الرواف وصحيح انه غالي بس شغله زين وفيه ناس غير لكن ما تحضرين اسمائهم

[ابوسند9]

نسيت حاجة
اذا اصريت على تغيير الكمبروسر فما انصحك من التشليح لانه اذا ركبته وطلع عطلان راح تخسر قيمة الفك والربط وقيمة الفريون وربما بعد فتره يتعطل او يكون موظب
لذا اذا كان الجديد ب 1800 ريال قا اغتقد انه بلاش او انك غلطان بالسعر مقارنه بالسيارات الاخرى

[العابر2222]

أخوي اذا الكمبروسر يبرد مره ومره يفصل ... معناته بلف

صارت معاي في فتك 2005 مره يبرد ومره حاار ... واكثرهم قال كمبروسر ... وجيت واحد قال غير البلف الأمامي

وغيرته وحطيت فريون اصلي والحمد لله

[alwali]

الله يعينك يا سلمان
اشوف كل واحد له رأي وانت دخت بينهم
أنا أقولك وده حق الوكالة علشان تاخذ ضمان عليه
وهذي ياخوك ضريبة اللي ياخذ سيارة مستعملة
انا من وجهة نظري ان استعمال السيارة خمس سنين من تطلعها من الوكالة
وبعدين بيعها واشتر جديدة على ايدك
حط فلوسك بالشمس واقعد بالظل
والله يوفقك