مشكله في الباترول ارجو الافاده العاجله

[شاد الرحال]

السلآم عليكم ورحمه الله وبركاته

كيف حالكم يا جماعه الخير

الموضوع وما فيه عندي باترول موديل 98

قير اتوماتيك. كنت ماسك خط عليه فجاه سمعت صوت طقطقه بالمكينه

في البدايه كانت خفيفه ثم زادت وطفت السياره من نفسها على طول حاولت بعدها

اشغل السياره تدق سلف بس ما تشتغل ابد كن المكينه مجيمه

حملت الموتر ع السطحه و وديته للورشه سوداني مكانيكي ممتاز

وقالي المكينه مجيمه يبيلك توضيب او تشتري مكينه ..!

وانا اللحين صراحه احترت وش اسوي.

قبل شهر من هالسالفه كنت مغير الزيت بعد اسبوعين من تغيير الزيت

طلع تحذير الزيت انه ناقص عايرته والقاه فعلا ناقص النقص كان 5 علب

و الموتر ما فيه اي تهريب .


المعذره على الاطاله

ارجو افادتي

[سفاري 95]

اخوي راجع كم ورشه علشان تتأكد من مشكله السياره ..يمكن تكون المشكله غير التوضيب
واسأل الله ان يعينك ويقويك

[شاد الرحال]

اخوي راجع كم ورشه علشان تتأكد من مشكله السياره ..يمكن تكون المشكله غير التوضيب
واسأل الله ان يعينك ويقويك


الله يجزاك خير على الرد

انا حاليا بوديه للواحد تركي للعل وعسى يطلع الخراب بسيط

و ما قصرت يا الغالي

[شاد الرحال]

كلمني الميكانيكي التركي وقالي :

ان الزيت خفيف وكان ناقص ومع السرعه

خبطت المكينه وتحتاج توضيب مبدئيا راح يكلفك 6000 ريال

وايضا يقول التخبيط سببه الحراره لان الراديتر كان فاضي

وو قتها ما كانت الحراره مرتفعه ابد

بصراحه ما اقتنعت بكلامه لانه يوم خرب الموتر كان الراديتر مليان

بس فيه شي غريب لاحظته يوم جيت الورشه فتحت غطا الراديتر والقا ما فيه ولا قطره ماء

قلت له شيك لي على الجنزيز كود المشكله تكون منه شيك عليه ولقاه سليم

والله معاد ادري وش اسوي

يا رب القى الحل عندكم يا جماعه الخير

[sgl2002]

الله العالم ان االلي غير لك الزيت حط سيفون ماهو اصلي

والسيفون اللي ماهو اصلي تطلع لك علامة لمبة الزيت وتخبط السيارة بعدها

[شاد الرحال]

الله العالم ان االلي غير لك الزيت حط سيفون ماهو اصلي

والسيفون اللي ماهو اصلي تطلع لك علامة لمبة الزيت وتخبط السيارة بعدها

الله يجزاك خير على الرد

وبيض الله وجهك

المكينه طلعت مخبطه

والله يكتب الي فيه خير

[شاد الرحال]

يا جماعه الخير

تنصحوني اوضب ولا اغير المكينه

اذا كان توضيب هل هو مضمون مثل المكينه الجديده

واذا كان تغيير مكينه وشي المكائن الي تركب عليه

ويكون شغلها بسيط وسعرها معقول

انتظر ردودكم

بالتوفيق

[شاد الرحال]

يا جماعه الخير نبي الافاده

الله يرضى عليكم

[بدوي جنوبي]

والله يا غالى فيه ناس توضب
وفيه ناس يبحث عن مكينه في التشليح بمبلغ وقدره
وتكون المكينه مضمونه من راعى التشليح على الاقل شهر

مشكلة النيسان يكلف توضيبه توصل الى 10 الاف قطع أصلي او اكثر
وممكن الراس يطلع فيه مشكله ويحتاج خرط واذا أنخرط الحراره ما تفارق المحرك

دور على مكينه في التشليح بمبلغ معقول بشرط تكون ما فكت ولا جاها حراره
وأحذر من حقين التشاليح ويكون الضمان مكتوب بالورق

الله يوفقك

[ابوزعاق]

هاذا ونا اخوك رقم ابوعبدالله الصمعاني بتشليح بريده اتصل عليه واشرحله المشكله وانشاالله يفيدك 0500241000

[سفاري 1999]

السلام
اخوي يذ تبي توضب المكينه اتبي تكلفك 7الف يذ الراس سليم ويذ اراس قلولك غير الراس 4الف و300هذه بس الراس
ويذ الراس مافي شي يمقن 7الف

[فارس العيون]

مشكله ٤٥٠٠ دايم بالراس وتقل تشم الحراره شم
كان الله في عونك
ووضب افضل لان مكينتك وتعرفها
المكينه بالتشاليح من ٩ الى ١٢ تقريبا

[مكتف الذيب]

ياخي مكينة النيسان فاشله اذا تقدر تركب مكينة تايوتا سته سلندر بخاخ راس واحد
ركبهاا

[تمنيتك لي]

لا مآأتوقع انها مكينة

80% أنهآ طرمبة الزيت

[متقاعد مبكر]

نصيحتي خذ لك مكينه تشليح اصرف لك واذا تعرف احد يدور لك بجازان تراه ازين لان هناك سعرها معقول ومع الضمان اسال مجرب