المساعد الشخصي الرقمي

مشاهدة النسخة كاملة : صوره حقيقيه ... ممكن تحصل ... عبر عن شعورك !!!


أبو رداد
08/05/2006, 01:48 PM
السلام عليكم ورحمة الله وبركاته


فرضيه
عندك طير فرخ شاريه اخر الموسم وتعبت عليه لين صقرته ... وعلمته على حباره
وتدور على حباره تهد عليها طيرك ولا لاقيت
وفترة اسبوع او اكثر انت توجب بالطير وتقصر عليه ...
على امل تشوف حباره مناسبه .... ولاحصلت
ومعزم انت وربعك تردون لاهلكم ... وتربط الطير ...
وبينك وبين نفسك تقول حرام اقيضه وهو ماصايد الحباره
وصدفه
مر عليك راعي غنم وقلك ابشرك قبل شوي عينت حباره بالمكان الفلاني ...
وجفلتني يوم طارت ... من تحت ويل السياره !!!!
طارت شوي ونزلت ....
قتله بشرك الله بالخير ... جت وجابها الله ...يالله مشينا عليها ....
وعندك خوي معاك قلك ياخوي انا بي جوع خلنا نتغدى والعصر نروح على الحباره ...
علشان يكون وقت معشى الطير ... واحنا نشوف عدل ..
وانت تقله اخاف يجي حد يهد عليها لو يدشرها بعيد ...
وهو يقول لالالالا
.
.
ماطول عليكم السالفه ...
تبعت شور صاحبك ... ورحت العصر

ولقيت هذا المنظر !!!!!


http://www.7wy.com/uploads/d30de7acb5.jpg (http://www.7wy.com)



معزل ماصارله ساعه او ساعتين !!!!

السؤال /

ماهو شعورك في مثل هذه الحاله خصوصاً حظ طيرك وخويك ؟؟؟
قناص تميم
08/05/2006, 01:59 PM
( هههههههههههههه) والله قصتك محزنه والله كسرت خاطري والله منظر يقهر وأخوي الصوره موب واضحه مره وهل صادها صقار ولا مدري الصوره موب واضحه ولا كن والله منظر يقهر تنتظر وآخر شي مصيدوه والله قهر ولاكن رباماكانت خيره لك والله يعوضك ب 100حبارى
وشكراً
بـــن خــتروش
08/05/2006, 02:19 PM
السلام عليكم ورحمة الله وبركاتة

أخوي/ بورداد.....أنشالله مانمر في هالموقف ولو مريت أنا في هذا الموقف وصاحبي يبغي يغدي بنروح وبنغدي على راس الحبارى شوف العين لين وقت الهدد.... لكن سؤالي .. هذا الموقف مر علييك أو من وين استوحيت هذه الفكرة ؟؟

وتسلم يابورداد على الموضوع..

بن ختروووش
تواق
08/05/2006, 09:27 PM
ابو رداد


السلام عليكم



تجري جري الوحوش غير رزقك ماتحوش
رضوان
08/05/2006, 10:43 PM
السلام عليكم
الله يعوض خير وكل تاخيره فبها خيره والاشيلء هذى تعلم الواحد الصبر
ســـــــنافي
09/05/2006, 02:13 AM
ان كانها فرضيه تراها عوفه والله يعين
وان كانها جرت عليك الله يعينك
مشكور عاموضوع
الفيتو
09/05/2006, 02:27 AM
بسم الله الرحمن الرحيم
السلام عليكم ورحمة الله وبركاته
مساء الخير يا بورداد ومساء الخير يا جماعه
حياك الله وين الغيبه , وجبت هالسالفه وتبغى تعرف شعوري الظاهر لو
تصير هالسالفه على كروان مهوب حبارى بنقلوني على مستشفى
النور وخويي بخليهم يحطون اسمه وقدامه .دونت إنتر.
والسلام
الفيتو
الحجاز
10/4/1427هـ
ابوالجازي
09/05/2006, 09:48 AM
هلا يابو رداد والله اذا كان اللي صايدها راعي طير الله يوفقه وهذا رزق من الله كم مره نصيد حبارى ثم يجينا واحد يقول والله يالربع مذكورة لي وجاي من مسافه بعيده او من هالاعذار. لكن الغبن كانه مرميه ولقيت جمبه القفش
غزلان
09/05/2006, 09:56 AM
والله يابو رداد لأسولف فيها عشر سنين قدام من الغبن لدرجة ان خويي ماعاد يعصاني ابد حتى لو كنت انا الي غلطان علشان يفتك مني بس

اما فراق بيني وبينه لاوالله لأني اعز الخوي بالحيل
البطنان
09/05/2006, 12:40 PM
http://www.7wy.com/uploads/a458d2789b.gif
بسم الله اللرحمن الرحيم
تحياتي لكل الاعضاء
أبو رداد
09/05/2006, 05:32 PM
السلام عليكم ورحمة الله وبركاته


يالله حي الصقار الشاعر ابن ختروش
اشوف المنتدى المنور بوجودك
ولايهون جميع الاخوان
صقار نجد
تواق
رضوان
سنافي
الفيتو
ابو الجازي
غزلان
البطنان
ومشكورين على المرور
والقصه والحمد لله ماجرت علي ... لان ممكن اذبح خويي ههههههههه
بس هي فرضيه جت على بالي عقب ماصاد الفرخ وطيورنا خالصه كلها
وحطبنا ... وخدرنا شاي ... ومنظر المعزل والريش اوحى لي هالسالفه
وادناه صورة الطير صايد في نفس المكان
وترى هذه الفرضيه شوي بعيده على قوانيص العراق
لان مثل ماتعرفون الحبار عندنا واجد
وان مالاقيت بهالمكان تلاقي بغيره
وسلامتكم


http://www.7wy.com/uploads/0b2bf94fd0.jpg (http://www.7wy.com)
فارس العجمي
09/05/2006, 06:45 PM
السلام عليكم
اخوي ابوووو رداد ببكي هههههههههههه
والله بنفجع والطير والله مربطه هذا رزقه يطير من القدحان
بروفسر
09/05/2006, 11:48 PM
شعوري اموت قهر
أبو رداد
10/05/2006, 10:57 PM
وعليكم السلام ورحمة الله وبركاته


الاخوه

فارس العجمي

برفسور

مشكورين على مروركم الكريم
سلامتكم
والله لايمرر مثل هاللقطه على قانوص
الوعد حرض
11/05/2006, 02:47 PM
احسن موضوع اليهو الصقور
المربث
11/05/2006, 03:12 PM
بسم الله الرحمن الرحيم
لو حصل الموقف هذا معي كان قلت للخوي (يسلم راسك وفدوة لك) لأن الخوي افضل من مليون حبارة ومن مليون صقر

واذا كنت انا مكان اللي قال نبي نتغدى والعصر نروح لها..... اقوم وادبر له عدد 10 حبارى من تحت القاع لو اشتريها مشترى بغالي الاثمان واخلي طيرة يلعب عليهن ويستانس خويي واستانس انا معاه

الخوي ......... كلمة صعب نفرط فيها .............. وترى الخوي يصبر على خوية 60 زله ( مثل عند اهل الشمال)
أبو رداد
12/05/2006, 08:49 AM
يالله حي من مر على الموضوع

اخوي المربث خوتك طيبه وشرواك خوته تنشرى

مشكور على مرورك الكريم