نبي حل لمشكلة التانكي الثاني للفتك

[hss711]

بسم لله الرحمن الرحيم والصلاة والسلام على رسول الله

السلام عليكم ورحمة الله وبركاتة.....

اخواني اتمنى اني اجد الحل لديكم

عندي فتك 2003 قير اتوماتيك المشكلة في التانكي حق البنزين الثاني من فترة ولعت اللمبة حقة التانكي في الطبلون ولما بغيت احول البانزين للتانكي الكبير مارضى يحول والزر حقه ماشتغل معي حاولت فيه ورحت فكت اصبع البطارية ولما رجعته ضبط معي واشتغل واللمبه طفت بس بعد فترة رجعت نفس المشكلة وسويت الطريقة السابقة ومانفعت ورحت لاكثر من ورشه ويقولون هذا شغل كهربائي ورحت لاكثر من كهربائي ولهم عارفين المشكلة فيه واحد يقول المشكلة في الكمبيوتر لازم برمجه واحد يقول الطرمبة علماً ان العداد حق البنزين مو مضبوط وانا الحين ماني عارف وش اسوي به نرجو من الله ثم منكم اخواني اذا عندكم معلومة تفيدوني شاكر لكم

[Abu_abdulaziz]

السلام عليكم ورحمة الله وبركاته ..

الله ييسر أمرك يالغالي ، قبل سنتين شريت فتك 2003 وكان فيه نفس المشكلة وهي منتشرة ومعروف أنها من الطبلون حق العدادات ، ولا عرفوا له الكهربائيين ، وبعد البحث بالنت كان الحل المقترح هو تغيير الطبلون حق العدادات كامل ، سواء من الوكالة أو تشليح ،، لكن الله هداني لكهربائي يمني بالدمام اسمه نبيل ( محله مقابل المصلى حق شركة عبداللطيف جميل على شارع الملك سعود ) يصلح مشكلة الطبلون بدون تغيير لكن سعره غالي وأخذ علي 500 أو أقل شوي ( أتوقع بحكم أن الشغلة قليل يعرفونها ) ، وجلست السيارة عنده حوالي أربع ساعات ( الصراحة مو متذكر بالضبط ) ، والشغلة على ما أذكر مجرد تصليح شي لوحة العدادات نفسها ،، ويقول أيضا ( ولا أدري عن صحة كلامه ) أن سبب هذي المشكلة هو الحر الشديد ، يعني لو كنت بالجنوب مثلا ما بتصير هالمشكلة ، والله أعلم بصحة كلامه :)

هذا ما لدي وننتظر باقي الشباب الي عنده علم بهالمشكلة ، وأيضا مكانك عشان الي يعرف شي حولك ،،

وبالتوفيق ،،

[قناص خلاوي]

وعليكم السلام ورحمة الله وبركاته
اخوي اذا انت بالرياض رح لورشة ابو صالح التركي بالصناعية القديمة
ويضبط لك التانكي . الرجال متخصص باترول ويصلح التانكي 100%

[You Like Me]

مر على هالموضوع اخوي
وإن شاء الله تلاقي الحل

مشكلة عداد البنزين في الباترول (http://www.mekshat.com/vb/showthread.php?t=286566)

[فتك2004]

السلام عليكم
المشكلة هاذي مرت علي وهي ياتكون من الطرمبه وحلها ركب طرمبة صني او باث فندر وتركب على طول ارخص لك
لانها تفريغ بس
والمشكله الثانيه تكون من نفس زر التحويل
ودايم الاكيد يكون من طرمبة التفريغ