مقطوره للبيع تصميم وشغل مميز جدا

[الدوسري دت كم]

السلام عليكم اخواني المكشاتيه ..


****تم البيع****


عندي مقطوره شغل يدي في ورشتنا الخاصه مميزه في نظري قلدت في التصميم
المقطوره الاوربيه وتتميزبما يلي :

المقاس من الداخل طول 245سم وعرض 130 سم
يعني اوسع من صنوق الهايلوكس الغماره حمل الي انت تبي

الارتفاع عن الارض منخفض جدا لوتبي تشبكه على بنوراما وتمشي 200كم ماعندك مشكله

مزوده بغطى شبك بقلاوه وعازل حراري وشراع كوري يمكن فكه بكل بساطه ماعليك الاترفع الغطى وتفك مسماربستم الرفع وتزيحه شوي يمين شف الصوره رقم 10 وتصير مكشوفه زي الونيت

التعليق متين العكوس حقات داتسون ونيت مصلحه في المخرطه كمافي الصوره رقم 5 بشكل خاص (ماهوب زي بعض المطورات يحطون عكس اكسنت ) ومزود براس تشحيم عشان تشحمه وهوراكب شف الصوره رقم 2 ماهوب لازم تفك غطى الرمان .

الحديد مجلفن ومعروف ان الحديدالمجلفن اغلى بكثيرعن الحديد العادي . ويعطي لون حلويركب على اي لون سياره تسحبه

كفرات مقاس 14 يعني الخيارات كثيره من هالمقاس

الاكسسوارات اصليه مثل الاسطبات نيسان من الحمراني (من الي يعرف وشن حقاته )

دبل محور(اربع كفرات ) يعني مافيه حمل على السياره الي تسحبه ابد

تصلح تكون مستودع للأغراض في الحوش لأنهامعزوله وتسلم من لعب العيال بأغراضك

البيع كاش ماأقبل البدل ولا الاقصاد
الحد 6000 ست الأف ريال غيرقابل للمساومه
بعد اذن الاداره هذا رقم جوالي



http://im30.gulfup.com/2012-04-18/1334763579461.jpg (http://www.gulfup.com/show/X6k3kurd7yk6f)

http://im25.gulfup.com/2012-04-18/1334764049601.jpg (http://www.gulfup.com/show/X6kpw5lslfvp8)

http://im25.gulfup.com/2012-04-18/1334764049162.jpg (http://www.gulfup.com/show/X6kpw8q72l0c1)

http://im25.gulfup.com/2012-04-18/1334764049363.jpg (http://www.gulfup.com/show/Xqavm455bgis4w)

http://im25.gulfup.com/2012-04-18/1334764049924.jpg (http://www.gulfup.com/show/X26wmxbg3u9z4k)

http://im25.gulfup.com/2012-04-18/1334764049445.jpg (http://www.gulfup.com/show/X26wmzgzf4qtc4)

http://im25.gulfup.com/2012-04-18/1334764049686.jpg (http://www.gulfup.com/show/Xjq5qe1lleww)

http://im25.gulfup.com/2012-04-18/1334764049377.jpg (http://www.gulfup.com/show/X26wn4o1qj4ys4)

http://im25.gulfup.com/2012-04-18/1334764050378.jpg (http://www.gulfup.com/show/X26wn6vuo6328k)


http://im25.gulfup.com/2012-04-18/1334764050779.jpg (http://www.gulfup.com/show/Xqavr69o5oogoc)

[كم كيلو باقي]

والله ممتازة ماشاء الله تبارك الله .. الله يبارك لك

[فتى الوادي]

ممتاز وشغل نظيف .. لدي أستفسارات :
1- وين موقعك ؟
2- كم وزن المقطورة فارغة ؟
3- كم تتحمل من الوزن ؟
4- هل لديكم حجم أقصر شوية في الطول ؟
وشكرا لكم .

[الدوسري دت كم]

والله ممتازة ماشاء الله تبارك الله .. الله يبارك لك

هلاأخوي شرفني مرورك على الموضوع والله يبارك لك في عمرك وعملك

[الدوسري دت كم]

ممتاز وشغل نظيف .. لدي أستفسارات :
1- وين موقعك ؟
2- كم وزن المقطورة فارغة ؟
3- كم تتحمل من الوزن ؟
4- هل لديكم حجم أقصر شوية في الطول ؟
وشكرا لكم .

هلاأخوي ابا أجاوب على الاسئله الي سئلت وشكراعلى المرور
جواب السؤال الاول الرياض اوالقصيم الشماسيه الي تبي
جواب السؤال الثاني والله مادري ماقدوزنته
جواب السؤال الثالث مادري بالظبط ولاكن اعتقد مابين 750 الى 1000 كيلووالله اعلم
جواب السؤال الرابع مافيه الاهالمقطوره . ترا ماقسه حلومره كان عندي وحده قصيره طول170سم ونفس العرض شغل يدي بس ياخوي حسره ضيق من الداخل ولاتشيل الي تبي ادامك ساحب مقطوره اسحب شي يسوى وبعدين عباره عن ونيت بس بدون سواق
ارجواني افتك

[مجنون نحم]

اخوي لا تبيعها نصيحة ، تقول لي ليه ما ابيعها ؟ اقولك خلها نموذج للزبائن تفصلهم منها للي يرغب

حط فكرتي في عين الاعتبار والله يوفقك

[البرفسر]

ماشاء الله بارك الله لك في مالك

[.أبوعبدالرحمن]

ينقل للقسم المناسب

[الدوسري دت كم]

اخوي لا تبيعها نصيحة ، تقول لي ليه ما ابيعها ؟ اقولك خلها نموذج للزبائن تفصلهم منها للي يرغب

حط فكرتي في عين الاعتبار والله يوفقك


هلاوالله براعي النحم ,
اناكان عندي ورشه واصلح مقطورات على مستوى عالي انت تشوف ,
انا اهتم بالجوده العاليه والخامات الزينه والشكل المقبول والكلام هذايكلف كثير ,
بس ياخوي فيه ناس يدورالرخيص مايقدرالخامات والقطع والشغل يحسب المقطورات
زي بعض ويحسب انك تضحك عليه ,,,
وفكرتك ورايك على عيني وراسي شكرا على مرورك

[راعي النيسان0]

ماشاء الله تبارك الله
الله يرزقك من واسع فضله

[الدوسري دت كم]

ماشاء الله تبارك الله
الله يرزقك من واسع فضله



الله لايحرمك اجرمادعيت اللهم امين شكراعلى المرور

[بريق الحسام]

ماشاء الله شغل عدل مدل

[الدوسري دت كم]

ماشاء الله شغل عدل مدل


الله يجزاك خيريابرق هذا من ذوقك
شكراعلى مرورك

[الدوسري دت كم]

السلام على الجميع .
بعض الاخوان يسئل وش لون تركيب العكوس بشكل خاص ؟
الطريقه تبدا من التشليح نشتري العوس الاماميه حقةالمقصات الاماميه للونيت الددسن وليش الددسن عشان قطع غياره متوفرزي الرمانات والصوفه وطقم القفل حق المجموعه وبعدعشان انه عكس يعتبرمتين وقوي التحمل وعشان مقاس مساميره يركب على كل الست مسامير زي الجيوب والجموس وكثير من السيارات ,
وبعدين نقص الزويايد الخلفيه بالاكسجين وبعدين تروح للمخرطه ونخرط الي قصيناه بالاكسجين حتى يتوافق مع الماسورة يعني يدخل في الماسوره تقريبا 3-2.5 سم ثما نقوم بلاحام بثلاث طبقات حتى نضمن عدم الانكساربأذن الله . ابا اتلفت يمين يسار ادورصورتوضح هااشي ان شاءالله تعالى

[Ra3e aljeep]

ماشاء الله تبارك الله ماعليها كلام
والله انا ادور لي وحده مثل هذي
لكن هذي سعرها فوق طاقتي
عسى الله يرزقنا بالله نبي
وعسى الله يرزقك بالزبون الصامل ويوفقك
تقبل تحياتي

[الدوسري دت كم]

ماشاء الله تبارك الله ماعليها كلام
والله انا ادور لي وحده مثل هذي
لكن هذي سعرها فوق طاقتي
عسى الله يرزقنا بالله نبي
وعسى الله يرزقك بالزبون الصامل ويوفقك
تقبل تحياتي


هلاأخوي (راعي الجيب ) الله يرزقك من واسع فظله امين
ترى بعض الاحيان مجرد انك تلقى الي انت تبي هذا بلحاله مكسب
وبعدين للمعلوميه تراهذي المقطوره مافيه زيه ابد ,,,
لاني ماصلحت الاهذي بس بنفس المواصفات الي تشوف .
شكرا على المرور

[الدوسري دت كم]

الحمدلله رب العالمين
ياكثر الشاهدات على الموضوع
بس مافيه ردود؟؟؟
مادري المقطوره ماهيب زينه
وانامتوهق ولامادري وش السالفه

[فتى الوادي]

والله اخي الكريم بالنسبة لي اشوف ان المقطورة طويلة شوي ... وانا شخصيا ادور على المقطورة القصيرة ..
عموما انت حديت ..
وانا اسوم 3500 والسوم مافيه لوم . وصامل وشراي

[الدوسري دت كم]

هلا بولدالعم المقطوره تفدا الي انت لابس برجلك شرفني مرورك ,,,
بس اذاكان المقطوره ما تناسبك وشولوه تسوم على شي انت ماتيبه ؟؟؟
صح مايصلح هالكلام اوزنه في مخك وتخيل ان المقطوره لك وش ردت فعلك ,
علاكل ن ماتغلى عليك يا ولد العم , بس انت اشرلي والصبح وهي بالوادي
السوم واصل عليه 5500 ريال اناحاد 6000 ريال تصدق ياولدالعم لوتجيب 5950 مابعت ,
شي بالخاطربس . السلام خيرختام

[وطن6001]

الله يرزقك وانا خوك ووالله شغلك مرتب وما خليت شي الا واهتميت فيه خصوصا مسأله العكوس وطقم الرمان كامل وعمليه التشحيم الخارجي تقبل مني كل الشكر والاعجاب بما صنعت

[الدوسري دت كم]

هلاوالله بالغلاي وطن ..
والله ياخوي لا زم الواحد يشتغل الشغل زين اتباعا لحديث الرسول صلى الله عليه وسلم
الذي رواه الطبري عن عائشه رضي الله عنها قالت ان الله يحب اذاعمل احدكم عملا ان يتقنه .
والشغل الزين مهما كلف ابدماهوب حسافه .
وشكرا على مرورك اخوي ...

[فتى الوادي]

طيب اخوي ما تقدر تسوي لي مقاس أصغر شوي .ز ما دام انه كان عندك ورشة للحاجات هذه .
يعني مقاسة اصغر يكون خفيف على السيارة تقريبا عرض 130 سم في 180 من الداخل
2 كفر
وتكون بنفس المواصفات السابقة .

[مهاجر للشمال]

ماشاء الله تبارك الله

[الدوسري دت كم]

الله يبارك فيك يا المهاجرويوفقك لخيري الدنياوالاخره
ارجومن المشرفين حذف الموضوع تم بيع المقطوره
الله يبارك للشاري ويخلف على البايع امين
وصلى الله وبارك على نبينامحمدوعلى اله وصحبه