على وشك اشتري البيكال

[ابوعاشة]

السلام عليكم صبحكم الله بالخير


ابشركم قريب بشتري بيكال 30 انش لان سعرها حول 10 هل تستاهل وهل رميها طيب وهل تسوق ورميها حاااااااااااااااااار ترا يالربع اهم شي عندي الرمي

هي بتغنيني عن كل الشوازن يعني سلاح العمر لاني ناوي شوزن لي وللعمر ان ربي عطاني عمر



مانستغني عن مشورتكم يالوجيه الطيبة

[shabah]

السلام عليكم ورحمة الله وبركاته

السوجل طيبه ما عليها خلاف وهذي قيمتها ركب تشك 690 وفالك الشحم

[ابوعلي العجمي]

السلام عليكم ورحمة الله وبركاته
جرب التركيه بلاك وولف وستوقر2000
والبيكال قبل لاتشري جرب تراك بتدفع١٠٠٠٠
مهو ٢٠٠٠ريال ما خاب من شاور والله ييسراك اللي مايضرك

[المعايد]

سعرها غالى بالحيل وحنا لو قالو 20 نشتري
مدري ليه مانقاطع السلع وجشع التجار حتى مكاين الخياطه أرفعوا سعره
وعموما الله يكتب الى فيه خيرلك
بس عشر الآف على بيكال سعر مبالغ فيه
من 4500 الى 10000
والله لشتري روسيه أم حبه والى قاسمه الله من الصيد يجي
وسمعت خبر وأن شاء الله يكون صحيح أن بنهاية هالسنه الى علينا تبي تفتح محلات ويكثر الشوزن بنواعه

[بوطه الطوطه]

شد حيلك كفوووووو

[ابوعاشة]

كفوك الطيب وبيض الله وجيهكم

[ابوعاشة]

بس يالربع الي مجرب البيكال يقولي تكفووون هل رميها حار ويسوق بتشك ولا بدون ابيها تبرد تسبدي

[صاحب مبدا]

رميهااا حلوو زوين عيبهاا ان بويتهاا تنمسح علطول

[شمروخ الود]

اخوي خذ الكلام مني ولله ماتندم ابد انا شريت بيكال وكان عندي تركيه والله بهزلتني بس شريت بيكال ولله الحمدلله نفعتني

[ابوعاشة]

هل رميها يقارن بالبرتا والبنلي والبراونق ياليت يقولونلي اللي مجربين

[شمروخ الود]

رميها جدا ممتاز بس عليك بشوك 690 دمار شامل

[الفار المجنون]

يالغلآ سبق وقلتلكـ ب، موضوعك السابق خذلكـ بيكال 30 انش وركب تشوكـ 690 تطرررربكـ طرررررب

اسأل مجرب ولآ تسأل طبيب

[برق 11]

اخوي البيكال وين والبنلي والبرتا وين

البيكال ماهيب تقارن بالايطالي تقارن بالتركيات وبعض التركيات اطيب منها مثل البلاك وولف
كانك تبي سلاح لك والعمر خذ لك بلجيكية ماكسس على 14 -15 الف بندق كد وافضل من البيكال وان كانت ميزانيتك زينة خذ لك ايطالية على 20 الف

[ابوعاشة]

اخوي البيكال وين والبنلي والبرتا وين

البيكال ماهيب تقارن بالايطالي تقارن بالتركيات وبعض التركيات اطيب منها مثل البلاك وولف
كانك تبي سلاح لك والعمر خذ لك بلجيكية ماكسس على 14 -15 الف بندق كد وافضل من البيكال وان كانت ميزانيتك زينة خذ لك ايطالية على 20 الف
اخوي هل انت مجرب الايطاليات والبيكال عشان تحكم عليها

[ابوعاشة]

يالغلآ سبق وقلتلكـ ب، موضوعك السابق خذلكـ بيكال 30 انش وركب تشوكـ 690 تطرررربكـ طرررررب

اسأل مجرب ولآ تسأل طبيب
ريحتني لاني محتار صراحة اخاف اخذه واندم ومبلغها غالي وانا توني طالب وابيها لي وللعمر من ناحية رمي وكل شي وكرف يعني لي وللعمر


وبيض الله وجهك طيب جربت ترمي بدون تشك كيف رميها

[X_b98]

,,,,,,,,Good Morning

شوف وانا اخوك , انا شريت البيكال قبل سنه ونص تقريبا وقت الغلا اخذتها بـ 6000 ولله الحمد والشكر رميت به مايقارب 6 صناديق ماشفت منها اي مشكله . تعقدت منها في بداية الامر وصابني احباط منها , كنا طالعين للبلابل الروسيه , رميت 4 دستات وماصدت ولا شي . المهم دخلت النت وقريت موضوع للعضو ابو صالح الله يجزاه خير يتكلم عن تشوكات البيكال ومن الموضوع فهمت ان تشوكات الوكاله ماتنفع . طبعا ابو صالح كان ينصح باستخدام تشوك مقاس 690 او 680. شريت لي تشوك مقاس 680 وياشرية السعد تغيرت علي البندق 180 درجه طبعا من ناحية السوق وحرارة الرمي وتنظيم الحلبي . الحمد لله شبعت من صيدها , ارانب وقطا وبط وبلابل روسيه وحصد وقمري وصفار...الخ . هذا من ناحية الروسيه.

من ناحية مقارنتها بالايطاليات بصرااحه مافيه وجه مقارنه .
جربت السوبر بلاك ايقل , وجربت البلجيك ام شجره القديمه وجربت الونشستر اس اكس3.
بصراحه ماقدر اقارن الروسيه بالبنادق اللي ذكرت .

طبعا المثل يقوول مد رجليك على قد لحافك , اذا ميزانيتك محدوده انصحك بالبيكال وصدقني تراها تبي تسد حاجتك..

[برق 11]

اخوي هل انت مجرب الايطاليات والبيكال عشان تحكم عليها


اية مجرب


البيكال ما تنفع لراعي الرمي اذا رميت 4 دستات بدون تنظيف تبهذلك باللك وماهيب حارة زي الايطاليات ولا فية مقارنة

ونظامها غازي يدوي يبيلك توزن الغاز عند واحد يعرفلها همن تغير الوزنة اذا جيت بتغير الضغط اللي ترمي فية

بالاختصار تقارنها بالتركيات مع ان البلاك وولف تتفوق عليها وارخص منها

كان اللي يميزها انها على 4 الاف بس اما الحين على 9 و 10 الاف

على سعرها ذا خذلك ام شجرة كروم اخت الجديد وتبي تطربك طرب بس يعيبها الرجف

[شمروخ الود]

اخوي خذ البيكال الروسية ولله تطربك بس غير الشوك حقها 690 وتبي تطربك

[ابوصطيف]

زينه تحمل ظغوط
ارم لين تمل

[ابوعاشة]

اية مجرب


البيكال ما تنفع لراعي الرمي اذا رميت 4 دستات بدون تنظيف تبهذلك باللك وماهيب حارة زي الايطاليات ولا فية مقارنة

ونظامها غازي يدوي يبيلك توزن الغاز عند واحد يعرفلها همن تغير الوزنة اذا جيت بتغير الضغط اللي ترمي فية

بالاختصار تقارنها بالتركيات مع ان البلاك وولف تتفوق عليها وارخص منها

كان اللي يميزها انها على 4 الاف بس اما الحين على 9 و 10 الاف

على سعرها ذا خذلك ام شجرة كروم اخت الجديد وتبي تطربك طرب بس يعيبها الرجف

طيب ياخوي ام شجرة كروم فيه الايام هذي جديد و هل فيه شوزن من براونق على قد ميزانيي 10 الاف

[شمروخ الود]

اخوي اشتر بيكال ولاراح تندم ابد