استفسار عن هدرز الباترول

[مطر وربيع]

السلام عليكم ورحمه الله وبركاته

عندي باترول 4200 وودي اركب له هدرز وش فوايده واضراره وكم اسعاره ووين يباع في الرياض
وكم اركب عرض 2 بوصة ولا 2.5 والدبه اخلي حقت الوكالة او ارهم ثانية ؟؟

[abohmad]

السلام عليكم اخوى 4200باترول شنهو هذا اللى اعرفة بارك الله فيك 4500 او فتك 4800

[مطر وربيع]

موديلات^^ 88 الى 97 كلها 4200
والربع من 98 الى 2001 اقل نوع 4200

سيارتي ربع باترول 92

[هبــ حريملاااء ـبوب]

وعليكم السلام ورحمة الله وبركاته

اخوي لا تكلف عمرك بدون فايده .. خل موترك على ما هو عليه

بس ركب قزوز تجاري مفرغ وراح يبرد الموتر ويتغير العزم شي بسيط والصوت بيرتفع كذلك شي بسيط

ولا تغير راس القزوز منت بلاقي مثله .. الله يسهل امرنا وامرك

[خبايا انسان]

^^

معليش انا اخالفك الرأي !!

انا جربت الهدرز على موتري 4200 فرق العزم عن اول وصار الموتر يستجيب للدعسه ويفز لو انه بالخامس هذا اولا ,,

ثانيا صرفية البزين قلت في حال الاستخدام ((((العادي))))

ثالثا الحراره قلت نسبيا ,

رابعا هدرز الباترول 4200 ماتجي مقاسات !! كله مقاس واحد بالنسبه للشعبه ( راس الهدرز )

خامسا انصحك بالهدرز السويدي وتحصلة عند قايد بالصنعيه القديمة وهذا رقمه 0508596842

سادسا دبة الوكالة ماتتحمل ,, ركب دبة يوكن النوع المفرغ

اتمنى ان تكون الاجابة شافيه ,,, وشوري عليك تركبه وتجرب بنفسك ,, بالتوفيق

[HAS5SAN]

صدقت ياخبايا انسان
وانا جربت هدرز + فلتر + مراوح
روع روعه لكن الانسان طماع
الآن احوس أبي ارهم مكينة اكبر

[التعـ King ـديل]

ركب هدرز سويدي مع دبه يوكن مفرغه واطرب عمرك واي خدمه انا حاضر راسلني على الخاص ومالك الا طيبه الخاطر

[RW7..ALBDAWA]

تبي الصدق ...

هذآهو رآكب على موتري اشوف انه عآدي جداً مثل الوكآله بالتمآم مع إني مركب دبة يوكن مفرغه ومفصل موآصير من عند قآيد 2.5 بوصصه ومع ذلك نفسسس عزم شد البلد ..

ضنكم يبيله فلتر عشآن ينشط ..؟؟؟؟؟؟؟؟؟؟؟؟؟؟؟؟؟؟؟

[ابو خــــالد]

نصيحه لاتعدى البحريني ولو هو أغلى من السويدي لكن يكفيك أنه أبرد ومستحيل ينسم ،،،
السويدي حديد خالص يعني:f والبحريني خامته (المونايز) اللي يجيك مخلوط وبالنسبه لسؤالك كم بوصه أنا مركبن راس 3بوصه لما أول فاصل ثم مركبن ماصورة بدايته3 ثم مصغره شوي شوي (تقريبا لما صارت2ونص) لما شبكت بثاني فاصل تحت باب السواق والباقي بلد ،،،
طبعا موتري فتك مهوب ناقص عزم ماشاء الله لكن القزوز نسمت وحق الوكاله غالي فركبت البحريني

[hail_ksa]

شباب كم سعر الهدرز السويدي ودبة اليوكن


ومشكووووورين

[مطر وربيع]

الهدرز السويدي ب850 ريال جديد عند محل 4500
الدبه تجاري رخيصه يمكن في حدود ال150

[sgl2002]

تبي نقص الزيت وكل شوي تعبي زيت

ركبه

اذا تبي تحافظ ع مكينة موترك خله وكاله

[hail_ksa]

مشكوراخوي sgl2002 على النصيحه

ومنكم نستفيد يالغالي

[رحال السيف]

عندي القزوز تنسم ولها صوت .باترول الجديد 2010
وش تنصحوني .