الغش بترجيع العداد

[الربذي]

السلام عليكم
يقول احد الاخوة قبل ايام كنت في الدمام وبشتري تاهو 2007 امريكي
طبعاً لنظافة الامريكي ومواصفاته فضلته
لكن بعض الصالات هداهم الله يلعبون في العداد !
عطيت عربون 1000 ريال للصالة
قالي احد الربع خذ رقم الهيكل وشيك مش معقول ماشي 51 الف ميل فقط !!!!!! لانه 51 الف ميل بامريكا غالية !!! وهو يعرف في السيارات اكثر مني
المهم اخذت التقرير واتفاجأ بانه السيارة ماشية 156 الف ميل !!!!! واخر تسجيل لقراءة العداد هي 156.825 ميل في ميناء الخروج بامريكا ومكتوب شحنت للسعودية !!!!!!!!!!!!!!!!!!!!!!!!
انا ولد روق !!!!!!
وش ذا اللعب
رحت للمعرض قلت باسحب العربون مابغى السيارة ! مابغى ادخل في نقاش طويل معاهم على تغيير العداد لانه مغير في السعودية هنا !!!!!!!
فقلت يمكن مشترينه من شخص هو اللي مغيره مايعرفون عنها شيء
قال مانرجع لك العربون !
ليه يابوي؟ قال السيارة فحصتها مافيها شيء واتفقناعلى السعر
واطلع لاقرب مقهى انترنت وافتح بريدي واطبع التقرير
واخذه للصالة واقابل المدير
قالي ماهو معقول هذا السيارة احنا مستوردينها هذاممشاها حقيقي؟
قلت لايكثر الهرج !!
هذا تقرير معتمد ماهو لعبة
فتحت النت امام المدير وقلت اكتب رقم الهيكل هذا حق سيارتكم في google
كتبنا رقم الهيكل طلع اعلان للسيارة للبيع في احد المعارض
وماشية السيارة 156 نفس التقرير يعني حتى المعرض هناك كاتب العداد صح !
رجع العربون بعد كلام طويل !
لكن اللي يقهرني انه ليش تم تغيير العداد
المفترض يرفع قضية عليه!
لكن لو تروح للشرطة اصلامايعرفون يقرأون ارقام الهيكل عشان ينصفونك
حسبي الله ونعم الوكيل
وبس

منقول من الاخ ولد روق

[التعـ King ـديل]

من امن العقوبه اساء الادب

دام مافي رادع راح تشوف مثل كذا واكثر

[معاذ الخنيني]

الله يهديهم
ويرزقنا وياكم الحلال
اللهم اغفر لي ولأخي وللمسلمين

[هبــ حريملاااء ـبوب]

وعليكم السلام ورحمة الله وبركاته
جزاك الله خير اخوي الربذي على الافاده لا هنت

وهذا قليل من كثير ولا نعلم عن السمكره والمكينه والقير والدفرنس هل تم تبديلها ام لا
وكذلك اغلب القطع ..

الحل انك تشتري مباشره .. تبحث عن الموتر اللي تبيه وتشتريه عن طريق وسيط هنا
ويوصلك الموتر كما هو ..

[رسيس نجد]

قال تعالى (ويل للمطففين 0الذين اذا اكتالوا على الناس يستوفون0واذاكالوهم اووزنوهم يخسرون0 الايضن أولئك أنهم مبعوثون 0 ليوم عظيم)