مطلوب ورشه في الرياض لتركيب طرمبة فكس ار لليوكن

[جي ام سي 2002]

السلام عليكم ورحمة الله وبركاته
اللي يعرف ورشه تركب طرمبة البنزين فكس ار لليوكن في الرياض لايبخل علينا

[You Like Me]

وعليكم السلام ورحمه الله

اللي يركبون كثير
لكن نصيحه انا جربت قبلك
والله ما ينغزى بها
وما فيه مثل البلد بصراحه
واذا قدرت تطلبها من امريكا عن طريق النت ترا افضل
شف السيارات الاستخدام الامريكي
مديل نفس سيارتك واقدم وإلى الآن ما شاء الله لا غير طرمبه ولا غيره
بعكس المواصفات السعوديه ماتكمل سنه سنتين الا مغير بطاريه وطرمبه

[Magellan]

^^^^^
صادق وتراني ناصحه قبل وقلت اذا تبي اشتر من امريكا
مايبيلها شيء وارخص حتى من سعر الوكالة ،،
انا موتري 2006 بليزر يوم مشيت عليه فوق 220 الف طاح العداد وخربت العوامة وطلبت طرمبة من النت
وكنت استخدم السيارة عادي بس ماكنت اعرف كم باقي ، لأني كنت اكيل المسافة واعبي ولا هنا خلاف ولاخفت منها
والسبب اني ما اعبي الين تولع اللمبة ،ثم يفجر العامل لي البنزين على اقوى شي وانا مانتبهت لها الشي
واخذت ديلفي من موقع امازون وماشاء الله من احلى مايكون وبـ1021 ريال حتى باب بيتي
والقديمة عندي شغاله ابرميها في تانكي مويه عشان تزعب الماء لمكيف صحراوي في مخيم عندي
وهالموديل مايخرب فيه الا الفيش ،فقط الفيش
وترى طريقة التركيب سهله وان بغيت تولف خذ والبرو walbro ازين من الفكسار
لكن ياليت قومي يعلمون

[عصاقيل الدخله]

والله انا جريتها على شروكي طرمبة في اكس ار وانواع التفجير فيه ولا شفت منها الا كل خير

واذا على التركيب انا اركبها لك ،،، وانت استخر الله وشف اللي يناسبك