استفسار عن برايموس

[شـهـاب]

بسم الله الرحمن الرحيم
السلام عليكم ورحمة الله وبركاته

اسعد الله اوقاتكم بكل خير

يا اخوان استفسار الله لا يهينكم

لقيت ( قز ) برايموس عند المرباع بعنيزه
سألته هل هو مريكي قال صناعه سويدية

ما ادري وش صناعة المزبوط وهل السويدي هذا ممتاز

علماً انه قالي سعره تقريباً 290 او اقل نسيت والله

انتظر رايكم

[شيخ مكشات]

هذا طال عمرك
صناعة صيني

[الدهريز]

وعليكم السلام اخوي اذا هو زي اللي بالصورة فصناعته صيني وانا استخدمه الآن فهو مناسب مقارنه مع سعره




http://img225.imageshack.us/img225/2947/imageoag.jpg

[جواد النفود]

أخذته من المرباع وفعلا عملي ويستاهل قيمته.
وقالوا لي الشركة سويدية والموقد إنتاج مصانع شركة بريموس في الصين مثل أغلب المصانع في الوقت الحاضر.

[ابو زياد 90]

خذه ولا تشاور موقد جبار وعملي ويستاهل قيمتة

وهو صناعته صيني بس موب اي صيني :)

يعني شركة عملاقة في المنتجات الرحلات مراح تصنع شي مشي حالك

ولك تحياااتي ,,,

[GMC79]

صيني صناعته اقل من المتوسط ابتعد عنه

[ابوعلي العجمي]

القز دوا واشوف اغلب الصناعات قامت تنقل لدول الفقيرة او اللي فيها ايدي عامله جيده ورخيصه

[ابو صالح 4]

القز دوا واشوف اغلب الصناعات قامت تنقل لدول الفقيرة او اللي فيها ايدي عامله جيده ورخيصه
السلام عليكم الصين ماهي دوله فقيره ثاني اقتصاد في العالم بعد امريكا للعلم فقط

[أبو دهلوس]

هذا الموقد من شركة بريموس السويدية وتم تصنيعة بمصانع الشركة بالصين ومن الملاحظ في الاونة الاخيرة تحول معضم الشركات العملاقة للتصنيع بالصين بسبب عدة عوامل اقتصادية .
مع خالص الشكر والتقدير,,,,,

[Al_zenad]

الموقد عندي له تقريباً فوق سنتين و أشوفه ممتاز ويريح الواحد ويوفر عليك الغاز وجودته مااقول 100% لكن جيدة جداً، وشعلته قوية وكذلك شبكه سميك ويتحمل القدور و الاواني الثقيلة وكذلك ذرايته منه فيه زي مايقولون ، وهالنوعية من القزوز يبيله رجال يحسن استخدامه و يحافظ
عليه وبيخدم معك، بإذن الله
وزي ماذكروا الاخوان الموقد على سعره 290 ممتاز و انصحك فيه
وربي يوفقك للصالح
تحياتي

[حذيم1]

أنا عندي الموقد شاريه قبل سنة تقريباً ب 400 ريال
وقبل كم يوم شفته عند عروق الشمال ببريدة 290 ريال ويختلف عن اللي معي أن ملمسه خشن بشكل واضح أما اللي معي ملمسه ناعم جداً
وش الفرق بينهم وش الأصلي منهم؟؟؟

[قحشة فشق]

وعليكم السلام
ابي اختصر عليك الموضوع وانا خوك
الوقت الحالي في جميع الصناعات لا تبحث عن مكان التصنيع
ابحث وحرص على اسم الشركة المصنعة فقط بغظ النظر عن مكان تصنيعة

[حذيم1]

أنا عندي الموقد شاريه قبل سنة تقريباً ب 400 ريال
وقبل كم يوم شفته عند عروق الشمال ببريدة 290 ريال ويختلف عن اللي معي أن ملمسه خشن بشكل واضح أما اللي معي ملمسه ناعم جداً
وش الفرق بينهم وش الأصلي منهم؟؟؟

مافيه أحد عنده علم

[سرهيد]

السلام عليكم

مثل ما ذكر الاخوان ، الموقد صيني الصنع .

ولم ولن يصلوا الى الصناعة السويدية ، نعم الشركة سويدية رائدة ، لكن لم يعد الانتاج كما كان في سابق عهد شركة بريموس العريقة ....

لكني ممن يستخدمه ولا ينزل من السيارة خفيف وحجمه مناسب ويستاهل مقارنة بسعره .

وموفق يا اخي الكريم

تحياتي لك

[AL8AI9ER]

هاذا موقد ممتاز على كلام الأخوان الخبراء في المنتدى .

دورت عليه في كل محلات الرحلات في جده مالقيته ولو لقيته شريتة بدون تردد