زيت قير الباترول

[خبايا انسان]

السلام عليكم ورحمة الله وبركاته


يا اخوان وش الطريقة لتغيير زيت قير الباترول موديل 93 مكينة 4200 كربريتور

ووش الزيت الموصى استخدامه تلافيا للعطب !! ارجو الافاده بالتفصيل

[sgl2002]

لاتغيره

انت افتح الصره ان كان لونه ماهو باسود مره فخله وان كان هو اسود فغيره بزيت ٩٠ من عند بترومين

وانا مغيره قبل ولا ضر

بس انت فرغ نص الزيت وقفل الصرة وعبه
ثم بعد شهر فرغ نصه وعبه

وبعدها ب٧٠٠٠ كيلو غيره مره وحده كامل

[abo naser 1]

السلام عليكم

وانا أخوك لاتغيره ولا تجيه ابدا ابد هذا مثل الحمار تكرمون خصوصاً قيره ودفرنساته حتى لو ماشي فوق نص مليون مايدري عنك واحتمال لو تغيره يطلعلك صوت ونه بالقير انا استعملت كذا واحد ولم أغير لا زيت قير ولا دفرنس حتى زيت المكينه فوق 10000 كيلو والحين عندي واحد عليه V8 ولا ناظرة قيره

[بدوي جنوبي]

لا تغير
نصيحه لوجه الله

[خبايا انسان]

شوركم وهدايه الله ,, مابغيره


بس اذا كان ناقص ازيده بأي نوع من الزيوت ؟

[يزيد 999]

لا تقربه انا رحت اغير الزيت وقالي اليمني الله لايسامحه زيت القير مدقر قلت غيره ومن بعده عندي ونه بالقير والنحاسات يبيله تغيير وبعته بونته (باترول 97) وبعدين القير العادي معروف مايغير لو يقلب عداده فقط التماتيك ويغير نفس طريقه اخوي sgl2002