المساعد الشخصي الرقمي

مشاهدة النسخة كاملة : سؤال الى اهل الصيد بالقراقير (السخوه)؟؟؟؟؟؟؟؟؟؟؟؟؟


ابوسعد
09/05/2006, 08:45 PM
السلام عليكم ورحمة الله وبركاته

ارجو من له خبره ان لايبخل علينا بخصوص الصيد بالقرقور

(1)- ايش افضل طعم ينحط..
(2)-كم يوم نترك القرقور في البحر
(3)-ما هي الاعماق المفضله
(4)-كيف نسحب القرقور اذا كان كبير وفي الاعماق (هل نركب ونش كهربائي)
(5)-ايش افضل انواع القراقير(الدائري او المربع واي نوع من السمك كل نوع )

اتمنى من الجميع المشاركه واصحاب الخبره ....

اخوكم ابو سعد
بو راشـد
10/05/2006, 12:42 AM
وعليكم السلام ورحمة الله وبركاته
حياك الله بوسعد في الخيمه البحريه وأنشاء الله تلاقي اللي يسرك.
بنسبه لسؤالك الأول.
أكثر شي الناس يحطون الخبز والبعض يقوم بصنعه في البيت ويكون حجمه كبير ولاكن عادي إذا بتحط الخبز العادي إذا كان غير صالح او حته (السندويشات ,الصمون) وهذا الطعم لأغلب الأسماك .ولاكن إذا حق الصافي فطعم غير ولاكن الطعم ألي قتلك عنه تقربيا حق أغلب الأسماك.
بنسبه للسؤال الثاني.
تستطيع أن تترك القرقور الى يومين او يوم ولاكن في الصيف والجو الحار يفضل كليوم ويفضل يوم وترك في هلأيام. وسبب إذا تركت القرقور فتره وما رحت له السمك يموت بسبب حركة الماء او تصاب بقمله البحر وتصيب هذه القمله الأسماك خصوصا في الصيف أتروح حق السمك اجوفه ميت ولونه ابيض.
بنسبه حق السؤال الثالث.
يعتمد العمق على صيدك الي تبيه يعني تبي صافي او تبي مثلا الشعري ولايعتمد القرقور في الصيد على العمق كثيرا.
بنسبه للسؤال الرابع.
نعم يا خوي تركب الونج الكهربائي ولابتروح يدك.
بنسبه للسؤال الخامس.
الدائري لكل الأسماك تقريبا أما المربع فيستخدم عندنا في صيد القبقب (سرطان البحر) والحامر والبدح.

وهذا ماعندي وأنشاء الله الربع يشاركون في الموضوع وإذا كان عندك أي سؤال فأنا والأعضاء حاضرين وتمنياتي لك بصيد موفق.............................................. .........
gulfhunter
10/05/2006, 07:56 AM
السلام عليكم ورحمة الله وبكراته


حياك الله أخوي ابوسعد

وين الغيبات اخوي عسى ماشر

بالنسبه إلى اسألتك طال عمرك اخوي ابوراشد ماقصر

الطعم تقدر تستخدم الخثاق وبقاي الأسماك (الخشار)

السيجان (الصافي) تقدر تستخدم خبز التميز

إذا موجود ونش افضل وإذا لا الله يكون بعونكم

اهم شي المكان اللي تحط القرقور فيه يعني يكون بمحاذاة قصار او قطعه وتكون الفتحه مقابل القصار

والله يوفقك بالصيد الطيب
البحريه
10/05/2006, 08:40 PM
السلام عليكم

ماقصر اخونا بو راشد على المعلومات الطيبه

احيانا اضع في الصخوة علبة تونه مع فتحة صغيرة للتنسيم

واحيانا اضع قطع بلاسيكيه ملونه او قطع من القصدير

تحياتي لكم جميعا


تم تحديث فهرس مواضيع علوم البحار بمواضيع جديدة وشيقه .
http://www.mekshat.com/vb/showthread.php?t=48592
ابوسعد
11/05/2006, 05:30 PM
السلام عليكم ورحمة الله وبركاته

مشكوراخوي ابوراشد ماقصرت على المعلومات القيمه وفيت وكفيت...
بلنسبه للونش الكهربائي فيه نوعيه محدده ؟؟؟؟؟؟؟؟؟؟

هلا والله ابو عبدالله .
ومشكور على السؤال عني . تعرف مبات شتوي وطلعات البر ومثلك عارف ....

مشكور اخوي البحريه على مرورك . بس ما عرفت القطعه البلاستيكيه ايش تقصد فيها ( هل هي الطعم الجاهز الي يشبه السمكه او الختاق)

تقبلو تحياتي

اخوكم ابو سعد

سهم الشمال
محتري السيل
01/07/2006, 10:03 PM
ابوسعد (http://www.mekshat.com/vb/member.php?u=13749) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_420350", true); </SCRIPT>
عضو مكشاتي

الله يعطيك الف عافية على الموضوع المميز

بغيت أكتب أستفسار بخصوص هذا الموضوع ولاكن بعد البحث وجدته ولاكن ينقصه أستفسار بسيط يهمني ياأخوان

وسؤآلي هو ... واحد غشيم قراقير

هل للقراقير أحجام ومقاسات معروفة ؟ وماهي ؟

الأسعار الله لايهينكم ؟

هل ينفع القرقور على السيف وأذا كانت الأجابه نعم فما هو القطر المناسب خصوصا أذا كان السيف بجانب صبيات أسمنتية أو بجانب صخور بعمق 5 متر تقريبا
ABU 7AMDAAN
01/07/2006, 10:38 PM
هلا والله بخوي محتري السيل

نعم القراقير احجام ومقاسات عديده
تبدأ من قياس باع الي اربعه او اكثر على حسب الطلب
اما بخصوص المكان اللي تقول عنه احسن شي يكون القرقور قياس باع ونص او باعين
وتخلى واحد مختص يركبه لك .. ويفضل يكون الطعم خبز او عومه واذا وجدت طحالب خضراء يكون احسن للصافي .. ان شاء الله يكون الموجز مفهوم
والسموحه
محتري السيل
02/07/2006, 11:32 AM
ABU 7AMDAAN (http://www.mekshat.com/vb/member.php?u=23702) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_435568", true); </SCRIPT>
عضو مكشاتي

الله يعطيك الف عافية وماقصرت لاعدمتك

ولاكن ماهو المقصود من تركيب القرقور هل هو وضعه في مكانه الصحيح في البحر ام تفصيله وتخييط جوانبه ليتلائم مع المكان
ABU 7AMDAAN
02/07/2006, 01:36 PM
ABU 7AMDAAN (http://www.mekshat.com/vb/member.php?u=23702) http://www.mekshat.com/vb/images/statusicon/user_offline.gif<SCRIPT type=text/javascript> vbmenu_register("postmenu_435568", true); </SCRIPT>
عضو مكشاتي

الله يعطيك الف عافية وماقصرت لاعدمتك

ولاكن ماهو المقصود من تركيب القرقور هل هو وضعه في مكانه الصحيح في البحر ام تفصيله وتخييط جوانبه ليتلائم مع المكان


تفصيله وتخييط جوانبه ليتلائم مع المكان
محتري السيل
03/07/2006, 07:26 PM
الله يعطيك العافية يابو حمدان ورحم الله والديك
Alhzzen
03/07/2006, 08:47 PM
يعيطكم العافية ياشباب ماقصرتوو وفيتوو وكفيتوو

شكرا
النقرش
10/08/2006, 01:33 AM
أخوي يفضل بوظع القرقور الخبز الإيراني والخس أو ورق الشجر كل شيئ أخضر وو ضع كمية قليلة من الطعم في منتصف القرقور في شبكة حديدية ما يهم لو كان الطعم عادي يفوت هامور وشعري لأن الهامور يفوت لما يشوف السمك داخل القرقور يتحرك وانصح بالدائري أفضل شئ للقرقور أربع أيام وكلما طال فترة إخراجة كلما زادة فرصة دخول الهامور والحبار ويفضل وضعه في الأماكن متوسطة العمق وعند رمية قم بربطه وترك مسافة مترين من الحبل وربطها بحجر ويكون شكل الخطاف ثلاثي وتكون حافظ موقع القرقور وترمي الخطاف حسب توقعاتك وتخرجه وأحيانا تجد 12 كيلو أو أكثر من السمك المختلف وشكراااااااااا.