مشكلة في البواجي .. .. .. الحل تكفوون

[ابن الشفا]

السلام عليكم ورحمة الله وبركاته


غير البواجي قبل حوالي 5 اشهر ثم سويت اصلاح للكربريتر وبعد حوالي اسبوعين شغلت السيارة ولااشتغلت وجبت كهربائي وشغلها بعد غيار البواجي ونقص بنزين من الصفاية لانه كانت مليانة ثم بعد حوالي شهر ونصف هذا اليوم سمعت تفتفة في الشكمان قوية واكيد لورحت بكرة اكشف بيقول البواجي خربانه


ماهو سبب خراب البواجي المتكرر برأيكم ..... ؟؟؟
وهل يستمر على طوووول هذ الخراب



مع العلم بان السيارة هايلوكس 92 وسويت كشف كميوتر عند السواط ب300 ريال وطلع ان المكينة فيها دخان زيت من الشنبر .... وزيتها ينقص وان الكربريتر يبغى له اصلاح (( قبل الاصلاح وقبل خراب البواجي الثاني والثالث))




تفكووون افيدوونا بالحل والمشورة

[قناص 28 عفيف]

طيب انت قلت المشكله الحين صلحهم وبتنتهي مشكله البواجي

[ابو فالح برتا]

السلام عليكم ورحمة الله وبركاته

اذا كانت السياره تفتف واذا دعست الابنص احيانا تمشي وشوي تقطع ماعاد تمشي وتصير ترمي مع الشكمان

هذا من اسلاك البواجي الي تروح للديلكو غيرها وهي تجي طقم اربع اسلاك كل بوجي يروح له سلك من الديلكو
وقبل ذالك تاكد من البواجي فكها يمكن الزيت يطلع على البواجي والله العالم وبا التوفيق ان شالله

[.أبوعبدالرحمن]

ينقل للقسم المناسب

[hz1oo]

انت تقول فحصت طيب صلح الخراب وتنحل المشكلة عطوك الحل بدون نت ومكشات

[الكشات وافى]

السلام عليكم ورحمة الله وبركاته



غير البواجي قبل حوالي 5 اشهر ثم سويت اصلاح للكربريتر وبعد حوالي اسبوعين شغلت السيارة ولااشتغلت وجبت كهربائي وشغلها بعد غيار البواجي ونقص بنزين من الصفاية لانه كانت مليانة ثم بعد حوالي شهر ونصف هذا اليوم سمعت تفتفة في الشكمان قوية واكيد لورحت بكرة اكشف بيقول البواجي خربانه


ماهو سبب خراب البواجي المتكرر برأيكم ..... ؟؟؟
وهل يستمر على طوووول هذ الخراب



مع العلم بان السيارة هايلوكس 92 وسويت كشف كميوتر عند السواط ب300 ريال وطلع ان المكينة فيها دخان زيت من الشنبر .... وزيتها ينقص وان الكربريتر يبغى له اصلاح (( قبل الاصلاح وقبل خراب البواجي الثاني والثالث))





تفكووون افيدوونا بالحل والمشورة





سبب خراب البواجى حطيته بالاحمر فى نفس كلامك ,...!:D

[ابن الشفا]

الله يعطيكم العافية ياخوان

بالنسبة للاخ الكريم ابو فالح انت تقوول من اسلاك البواجي لو منها كان طلع في كشف الكمبيوتر انه فيها خراب ويبغالها غيار

وبالنسبة للاخ الكريم الكشات انا من اول عارف انه فيه دخان زين من الشنبر لكن معقولة هذه المشكلة تسبب خراب البواجي ؟؟؟؟



على العموم الف شكر لكم على تفاعلكم

وجزاكم الله خير

[SHUGE]

البوجي يجي عليه زيت ولا يوصل الشرارة بالشكل المطلوب

لا تغير البواجي الحل (بنزين او كيروسين (تنر) فرش سلك حديد ناعم او صنفرة ناعمة وتنظف البواجي من الرواسب ) وان شاء الله ترجع زي ما كانت

الله يعينك شد حيلك