سالفة: قرعه بالدرب..قوافي

[قوافي ( أم نهار )]

السلام عليكم ورحمة الله وبركاته
حيا الله اخواني المشرفين
ويامرحبا باخواني واخواتي المكشاتيه
وياهلا بزوار خيمتنا الغاليه
هذي سالفه لها سنين وأضن انها لا تقل عن55سنه ويمكن اكثر الله العالم ..
بالزمن الماضي الخضره ما كانت متوفره بالاسواق ما كان فيه ثلاجات تحفظ الخضروات مثل الان ولا كان فيه استيراد فكان كل بلد تاكل انتاجها الموسمي يعني ياكلون خضرة الموسم فقط وكل موسم له خضرته وبعض الناس كان دخله المادي ضعيف فما كان يقدر يشتري بالموسم إلا مره او مرتين من الخضره ..
فيه رجال حاله مهوب هاك الزود وكان يمشي ويفكر وش ياخذ معوه للبيت وهو ناكس؟؟ او راجع.. حتن تسويه ام العيال عشا او غداء من باتسر :(
وهو يمشي ما درى إلا وهاك القرعه اللي بالارض ومنظره زين مايبيله إلا مرقوق او مطازيز او قرصان ..شكله طايحةً من محمل ما انتبهوله والمحمل هي اما عربيه او سياره يحمل به الخضره جايتن من المزرعه وتبي تروح للسوق لتفريغ حمولته وتباع ..
دلة بطنه تقرقر وهو يفكر حيث أنوه ميت من الجوع عقب نهار كد وتعب وقرر انه ياخذ قرعته معوه وشاله ومشا..
ويوم وصل البيت وشافته ام العيال قالت لامانيب طبخته الحين هذي يبيله لحم وطماط وطحين نسوي عليه مريقيقه خله الليله وناكل اي شي وباتسر جب اللي ناقص حتن نطبخ عليه عشانا:good2:
راح الرجال من باتسر لم اللحام (القصاب) وشرا لحم همن راح وشرا طماط وطحين ويوم انتبه ألا التحضير للطبخه اخذ سعر يمكن 4 قرعات وقال بنفسه لا عادت تعود:mad:
واخذت المشتروات الباقيه كل اللي بمخباته حيث انه يوم شاف ام العيال فرحت بالقرعه جاب لحم و ارهابوه يعني كثر منه ..
لجل عين تكرم مدينه..ياسلام سلم:s
ورجع للبيت بمقاضيه وتعشو هاك الليله وراحت القرعه واللحم بالعافيه على الجميع :)
عقبه بكم يوم وهو يمشي بنفس الدرب إلا وهاك القرعه طايحةً بالارض مثل ذيك قام وطلع اللي بمخباته كله وهم 3 اريل ما غير وقم واجخر القرعه بعود وحط الـ3 اريل ثم قال
(هذي مساعده للي يبي يلاقيتس اما أناوالله مانيب شايلتس حتى لو يعصرون على خشتس ليمونه) وسلامتكم..
تحياتي
اختكم
..قوافي..


http://t1.gstatic.com/images?q=tbn:ANd9GcTV9oAwwJJfQrU_GTEkcF4oL8sfXbdmH tnDxXv4ZwVDHUx_UNjDSA

[بنت الأحساء]

السلا عليكم
اهلا بقوافي الغاليه اخبارك
سالفه رووعه وظريفه وعجبني تصرفه يوم انه حط الريالات داخل القرعه
يشرفني اني اول من ترد على موضوعك
تسلمين والله يعطيك العافيه

[أطلال نجد]

وعليكم السلام ورحمة الله
حي الله أختنا العزيزة قوافي
سالفة ظريفة بالفعل لكن تصرف أخونا في البداية عندما أخذ القرعة إلى بيته ما كان صحيح
يعطيك العافية، وشكراً لك

[قوافي ( أم نهار )]

السلا عليكم
اهلا بقوافي الغاليه اخبارك
سالفه رووعه وظريفه وعجبني تصرفه يوم انه حط الريالات داخل القرعه
يشرفني اني اول من ترد على موضوعك
تسلمين والله يعطيك العافيه


ياهلا وغلا باختي الغاليه وياملايين المراحب
الحمد لله انا بخير وعافيه
الروعه مرورك الجميل
حط الريالات مساعده للي يبي يطيح بالقرعه مثله ويصرف عليها ما بالجيب عشان تصير وجبه الله يرحم الحال:f
الشرف لي بحضورك الله يرفع قدرك دنيا وآخره اللهم آمين..
سلمتي يالغاليه من الشر
تحياتي وتقديري واحترامي
اختك
..قوافي..

[خوي مخباته]

حلوة .. قوي .... قوي .. الســــــالفه اختي " قــــــــــــوافـــــــــــي " ولاحلى السجال الى بين الكلمات .. {بطنه يقرقر........وهو.........يفكرررر} !
مشكووووووووووووووووووووووووووووره ............. وبارك الله فيتس
.......................................... تحياتي وتقديري .............................................

[قوافي ( أم نهار )]

وعليكم السلام ورحمة الله
حي الله أختنا العزيزة قوافي
سالفة ظريفة بالفعل لكن تصرف أخونا في البداية عندما أخذ القرعة إلى بيته ما كان صحيح
يعطيك العافية، وشكراً لك


حياك ربي اخوي وابقاك
جايز ليش لا ويمكن هي سبب صرفه كل ما بالمخبات والله أعلم..
الله يعافيك ويحفظك من الشر اخوي
اسعدني مرورك وحضورك الكريم
تحياتي وتقديري واحترامي
اختك
..قوافي..

[النبهاني]

وعليكم السلام ورحمة الله وبركاته
عافيه وعوافي ياقوافي
فيه رجال حاله مهوب هاك الزود وكان يمشي ويفكر وش ياخذ معوه للبيت وهو ناكس؟؟ او راجع.. حتن تسويه ام العيال عشا او غداء من باتسر :(
الله الله على هالسالفه سرد واسلوب ومفردات بغاية الجمال وموضوع بلحيل رائع
القرعه نعمه من الله لكن لاطعم ولا ريق وما أدري وش يحبب الناس فيها
اكيد فيها سر ما أعرفه والناس من اول ياكلونه من الجوع
(وصاحبنا هذا لو افتك من هالقرعه كان سلم من الخساره اول وتالي)
ودي اسهب بالرد صراحه الموضوع شدن خاصة ان فيه قرعه لكن اخشى الاطاله
الف شكر لكي اخيه

[منظر]

يعطيك العافيه على هالسالفه اختنا قوافي
الرجال كان يدور مكسب من ورى القرعه
ما حصل الى الخساره
والزوجه زادت الطين بله
تحياتي وتقديري

[قوافي ( أم نهار )]

حلوة .. قوي .... قوي .. الســــــالفه اختي " قــــــــــــوافـــــــــــي " ولاحلى السجال الى بين الكلمات .. {بطنه يقرقر........وهو.........يفكرررر} !



مشكووووووووووووووووووووووووووووره ............. وبارك الله فيتس


.......................................... تحياتي وتقديري .............................................



حياك ربي اخوي
الله يحلي ايامك ..قوي..قوي..قوي..
السجال جا من شد الجوع :D:D
الشكر لك ولحضورك الجميل
تحياتي وتقديري واحترامي
اختك
..قوافي..

[أبوتركي ومحمد]

وعليكم السلام ورحمة الله وبركاته
حياكي الله أختي المتألقة
قـــــــــــــــــــــوافــــــــــــــــــي
كعادتكي سرد جميل ومفردات رائعة
سالفة جميلة سررت بالأطلاع عليها
تقبلي تحيتي وتقديري
أخوكي
أبوتركي

[قوافي ( أم نهار )]

وعليكم السلام ورحمة الله وبركاته



عافيه وعوافي ياقوافي
فيه رجال حاله مهوب هاك الزود وكان يمشي ويفكر وش ياخذ معوه للبيت وهو ناكس؟؟ او راجع.. حتن تسويه ام العيال عشا او غداء من باتسر :(
الله الله على هالسالفه سرد واسلوب ومفردات بغاية الجمال وموضوع بلحيل رائع
القرعه نعمه من الله لكن لاطعم ولا ريق وما أدري وش يحبب الناس فيها
اكيد فيها سر ما أعرفه والناس من اول ياكلونه من الجوع
(وصاحبنا هذا لو افتك من هالقرعه كان سلم من الخساره اول وتالي)
ودي اسهب بالرد صراحه الموضوع شدن خاصة ان فيه قرعه لكن اخشى الاطاله


الف شكر لكي اخيه


حياك ربي اخوي
الله يعافيك ويحفظك من الشر
اشكرك اخوي والله يرفع قدرك على التقدير وسرني اعجابك بالسالفه..
غريب كرهك للقرع
http://t0.gstatic.com/images?q=tbn:ANd9GcSHZgCsWCHL05sG47wOTXqnRez64Rstv 2FOuJy1yA-3LYhC1RJq
قرعه ضريفه تبي تقدم احتجاج ضدك بمجلس القرع البلدي:D
انتبه ترى القرع يبي يستخدم اي كلمه تقوله ضدهم دليل إدانه عليك بكرههم وهم قرع لا حول ولا قوه..
صح لو ما أخذ القرعه افتك من المصاريف وتفضية المخباة
وفرحته بانه لقاه ماجنا من وراه إلا الخساره..
اسعدني حضورك وردك الجميل
تحياتي وتقديري واحترامي
اختك
..قوافي..

[Al3rands]

هههههههههههه هذا جزا اللي ياخذ قرعة غيره

[قوافي ( أم نهار )]

يعطيك العافيه على هالسالفه اختنا قوافي

الرجال كان يدور مكسب من ورى القرعه
ما حصل الى الخساره
والزوجه زادت الطين بله
تحياتي وتقديري




حياك ربي اخوي
الله يعافيك ويحفظك من الشر
اللي حصل انه صار شي يسحب شي عشان القرعه صرفو كل ما بالمخباة والعوض على الله ..
الزوجه ماتلام وعلى قولت :اللي مهوب قد الكلام لا يتكلم..
يوم انه مامعه اللي يكمل وشوله يشيلها من الارض هي بعد وش تطبخها عليه..
اسعدني حضورك الجميل وردك الكريم
تحياتي وتقديري واحترامي
اختك
..قوافي..

[ذيب الفقارة]

مشكورة أختي قوافي على هذه القصة الجميلة .

أجدت فيها توظيف الألفاظ فأعطت القصة بعدا عميقا تغلغت به في أعماق القارىء

تحياتي وتقديري

[ع. بن عمار]

وعليكم السلام ورحمة الله وبركاته
حي الله الشيخه قوافي
فـاقـدس من زمان من غير شر ويوم دورت عنس لقيتس موجوده الحمدلله هنا في هل الخيمه

الله يجزاس خير على هل القصه الزينه و الجوع شين يخلي الواحد ينعمي

فهذا اللى خلاه ماهوب يفكر في اي شيئ غير شكلها وهي منسدحه على هل المرقوق ولا المطازيز ولا القرصان
عاد الله يجزاه خير انه حط هل ثلات اريل عند القرعه الثانيه عن قولت عانيه لمن يجدها

القصه من وجهة نظرى لها محورين مهمين:
الأول وهو أن كثير من الناس ما يحسب حساب المتطلبات الأخرى أو ما يعقب هذا الشئ
فهذا اللى خلا رفيزنا (رفيقنا) يلقطها وما يحسب الأشياء الأخرى
والثاني أننا نجد كثير من الناس يحط في صحنه أو يشرى أكل فوق حاجته ولا ياكل الا شوي ثم ينطل الباقي
ليه لأن الجوع أعماه, الله يغفر لنا بس,
الشيبان الأولين التمر لو أنه في الجصه محمض ولا يبس ياكلونه مهب مثلنا الله يتوب علينا.
اسف شطحت عن الموضوع واسف على الإطاله
دمتي بحفظ الله ورعايته
أخوك / ع. بن عمار

[قوافي ( أم نهار )]

وعليكم السلام ورحمة الله وبركاته

حياكي الله أختي المتألقة
قـــــــــــــــــــــوافــــــــــــــــــي
كعادتكي سرد جميل ومفردات رائعة
سالفة جميلة سررت بالأطلاع عليها
تقبلي تحيتي وتقديري
أخوكي

أبوتركي



حياك ربي وابقاك اخوي الفاضل
الله يجزاك خير ويرفع قدرك ربي على كلامك الجميل
اسعدني حضورك ووقوفك بصفحتي المتواضعه وردك الكريم
تحياتي وتقديري واحترامي
اختك
..قوافي..

[قوافي ( أم نهار )]

وعليكم السلام ورحمة الله وبركاته

حياكي الله أختي المتألقة
قـــــــــــــــــــــوافــــــــــــــــــي
كعادتكي سرد جميل ومفردات رائعة
سالفة جميلة سررت بالأطلاع عليها
تقبلي تحيتي وتقديري
أخوكي

أبوتركي


حياك الله وابقاك اخوي
سرني وقوفك بصفحتي المتواضعه
واسعدني ردك الكريم
تحياتي وتقديري واحترامي
اختك
..قوافي..

[قوافي ( أم نهار )]

هههههههههههه هذا جزا اللي ياخذ قرعة غيره


حياك ربي اخوي
وأي جزاء صرف ما بالجيب عشان ياكل هالقرعه
اشكرك لحضورك ومرورك الكريم
تحياتي وتقديري واحترامي
اختك
..قوافي..

[قوافي ( أم نهار )]

مشكورة أختي قوافي على هذه القصة الجميلة .



أجدت فيها توظيف الألفاظ فأعطت القصة بعدا عميقا تغلغت به في أعماق القارىء



تحياتي وتقديري



حياك ربي اخوي
العفو انا من يشكرك لحضورك ووقوفك بصفحتي المتواضعه..
اشكرك على تقديرك للسالفه رفع الله قدرك واسعدك بالدارين..
تحياتي لشخصك الكريم ودمت بحفظ الله..
اختك
..قوافي..

[محمد الظاهري]

جمال السرد يتجدد
وروائع القصص تسرد
اشكرك ياقوافي الموروث على ابدعاتك الجميل
روائع السرد والاختيار تبدعين به
الى الامام من الابداع والقمه
تحياتي لك

[عابر سبيل 1]

وعليكم السلام ورحمة الله وبركاته...
رائعه كعادتك أختي قوافي ...
حفظك الله ورعاك وسلمت من كل شر ...
دمت بخير ...

[قوافي ( أم نهار )]

وعليكم السلام ورحمة الله وبركاته
حي الله الشيخه قوافي
فـاقـدس من زمان من غير شر ويوم دورت عنس لقيتس موجوده الحمدلله هنا في هل الخيمه

الله يجزاس خير على هل القصه الزينه و الجوع شين يخلي الواحد ينعمي

فهذا اللى خلاه ماهوب يفكر في اي شيئ غير شكلها وهي منسدحه على هل المرقوق ولا المطازيز ولا القرصان
عاد الله يجزاه خير انه حط هل ثلات اريل عند القرعه الثانيه عن قولت عانيه لمن يجدها

القصه من وجهة نظرى لها محورين مهمين:
الأول وهو أن كثير من الناس ما يحسب حساب المتطلبات الأخرى أو ما يعقب هذا الشئ
فهذا اللى خلا رفيزنا (رفيقنا) يلقطها وما يحسب الأشياء الأخرى
والثاني أننا نجد كثير من الناس يحط في صحنه أو يشرى أكل فوق حاجته ولا ياكل الا شوي ثم ينطل الباقي
ليه لأن الجوع أعماه, الله يغفر لنا بس,
الشيبان الأولين التمر لو أنه في الجصه محمض ولا يبس ياكلونه مهب مثلنا الله يتوب علينا.
اسف شطحت عن الموضوع واسف على الإطاله
دمتي بحفظ الله ورعايته
أخوك / ع. بن عمار

هلابك اخوي

حي الله الشيخه قوافي
حياك ربي وابقاك والله يرفع قدرك على التقدير
ما تفقد غالي .خيمة السوالف هي مكاني بكل الاوقات وحياك ربي .
ويجزاك اخوي كل خير
الجوع اكيد شين والحمد لله على نعمه علينا وفضل كرمه..
حط الثلاث ريال مساعده ورحمه للي يبي يلاقيها ويطبخها..
شظف العيش هو اللي خلاه فرح بالقرعه ونسى الباقي ولا لو هو مفكر ما شالها من الارض ..
الله يعفو عنا ..كلام صحيح احيانن تزود النعمه بالصحون ..
اسعدني مرورك وردك الكريم
تحياتي وتقديري واجترامي
اختك
..قوافي..

[قوافي ( أم نهار )]

جمال السرد يتجدد

وروائع القصص تسرد
اشكرك ياقوافي الموروث على ابدعاتك الجميل
روائع السرد والاختيار تبدعين به
الى الامام من الابداع والقمه

تحياتي لك


حياك ربي اخوي ومشرفنا الفاضل محمد
اشكرك والله يرفع قدرك على التقدير وكلماتك الجميله
مانحن الاقطره ببحر موروثك الشعبي زادك الله من فضله ..
اسعدني مرورك وحضورك وردك الكريم
تحياتي وتقديري واحترامي
اختك
..قوافي..

[قوافي ( أم نهار )]

وعليكم السلام ورحمة الله وبركاته...


رائعه كعادتك أختي قوافي ...
حفظك الله ورعاك وسلمت من كل شر ...

دمت بخير ...



حياك ربي اخوي
الرائع حضوركم الكريم وتشريفكم للسالفه
اشكرك اخوي والله يحفظ المسلمين اجمعين
سرني ردك ووقوفك بصفحتي المتواضعه
تحياتي وتقديري واحترامي
اختك
..قوافي..

[أخت البنات]

http://forum.mn66.com/imgcache2/618617.gif

[قوافي ( أم نهار )]

http://forum.mn66.com/imgcache2/618617.gif



ياهلا ويامرحبا يالغاليه
يسعدني جداً حضورك ومرورك
تمنياتي لكِ بالسعاده الدائمه ودمتِ بحفظ رب العالمين
تحياتي وتقديري واحترامي لشخصك الكريم
اختك
..قوافي..