مستقبل السيارات الماشية في السوق بعد ارتفاع الأسعار الغير مبرر له للياباني؟

[البعير المغوار]

السلام عليكم ورحمة الله وبركاته،

وصل الياباني لأسعار الأوروبي، ومو كلن قادر يتحمل المصاريف حقت شراه وتصليحه من اللاندكروزر والباترول الموديلات الأخيرة.

فبغيت أشوف في المستقبل القريب، والله أعلم، أي من سيارات الدفع الرباعي اللي بتنتشر أكثر بين المكشاتيين؟

[مواسي الطعوس]

مو كل الياباني ارتفع ...الاكستيرا ماوصل ال 100 الف يعني ارخص من الكامري .

[البعير المغوار]

مو كل الياباني ارتفع ...الاكستيرا ماوصل ال 100 الف يعني ارخص من الكامري .

بس وانا خوك الاسماء الكبيرة وصلت لأسعار فلكية،

ومو كلن عنده رزق من القروش يشتري به.

[sgl2002]

والله ياخوك اننا نحاول نقنع انفسنا بمواتر احسن من الياباني للبر

لكن نلف وندور ونرجع له لانه مافيه زيه صيانته سهله وتوفر قطع وصبوره وقوية

لكن اللي عنده موتر ياباني لايفكه
الباترول واللاند ما اتوقع بيطلع لها منافس
والكلام ذا ماهو بالسعودية وبس

[مسير عليهم]

المستقبل القريب كله كوري وصيني للشعب ذوي الدخل المحدود والطبقه الراقيه لاخوف عليهم

[التمسساح]

ياخوي موضوعك مثل الاكل بدون ملح يعني كلام ماله معنى ولا منه فايده كل واحد يشتري سياره حسب استطاعته ايش المشكله اذا الله مغنيك رفه نفسك واذا كنت على قد حالك دور على قد فلوسك ونتهينا الناس وصلوا للقمر والى اللحين الباترول الاند اليباني مادري ايش

[البعير المغوار]

والله ياخوك اننا نحاول نقنع انفسنا بمواتر احسن من الياباني للبر

لكن نلف وندور ونرجع له لانه مافيه زيه صيانته سهله وتوفر قطع وصبوره وقوية

لكن اللي عنده موتر ياباني لايفكه
الباترول واللاند ما اتوقع بيطلع لها منافس
والكلام ذا ماهو بالسعودية وبس

بس إنت عارف اللي ممشي الياباني هو الشعب نفسه،

يعني لو مثلا الشعب مطخطخ وكلهم اشتروا من جيب المرسيديس الجي كلاس، كان شفت قطع غياره متوفرة.


المستقبل القريب كله كوري وصيني للشعب ذوي الدخل المحدود والطبقه الراقيه لاخوف عليهم

صدقت أخوي، خاصة قولك عن الطبقة المخملية.


ياخوي موضوعك مثل الاكل بدون ملح يعني كلام ماله معنى ولا منه فايده كل واحد يشتري سياره حسب استطاعته ايش المشكله اذا الله مغنيك رفه نفسك واذا كنت على قد حالك دور على قد فلوسك ونتهينا الناس وصلوا للقمر والى اللحين الباترول الاند اليباني مادري ايش

ياخوي هذا نقاش مابه شي،

حتى عند هذولا اللي وصلوا القمر ادخل منتدياتهم بتلقى نقاشات مشابهة لنقاشي هنا،

كل اللي أبيه إني أعرف وش من الجيوب اللي بتنتشر بين اللي قد حالهم بالمستقبل.

[خبايا انسان]

مو لازم تطق لك موتر كرت وكالة !!

انا على قد استطاعتي اشري لي موتر مستعمل لو موديل 90 ,, ويوصلني المكان الي ابيه ويعز نفسي ولا يذلني بالديون ,,

القناعه كنز لا يفنى ,,,

[عبدالرحمن....]

السلام عليكم ورحمة الله وبركاته ....اما بسياره الي بتنتشر في السعوديه طبعاء برايي الهيلكس دبل و العادي و الاكستراء بسبب تحملن و اغير ذالك و سعرهن رخيص 90000تحت السعر هاذاء طبعاء وكاله و الله الموفق ....علماء ان اسعرهن انزلن الان ....وتقبل مروري و رايي وشكراء

[تميم2222]

والله خوي انا طبعا لا نقاش ..في هالموضوع .. باترول وبس .. لاني ادخل البر وانا واثق باذن الله واهم شي هو الياباني الياباني الحقيقي.. وغيره كله تجميع ... خصوصا بالموديلات الجديده يمكن الباجيرووو يحتل عندي الدرجه الثانيه .. كذلك الامريكي اليوكن... جيد وهو الان اكثر مبيعات من نيسان وتويوتا .. وهذي حقيقه

[sgl2002]

طيب والجيب مرسيدس تقطع به القفار وتطرد وتفجر والديه زي الياباني

[محطم عنيد]

لا فيه البديل بس حنا للحين ماتعرفنا عليه

الباجيرو
الإكستيرا
اليوكن
السييرا
السلفرادو
جيوب مستوبيشي
شروكي
إلى آخره. إلى آخره.

ياناس والله العظيم حنا اللي مسوين لهن سوق

[محطم عنيد]

من قايل لكم الإكستيرا حول التسعين

الإكستيرا فوق 110 بس مدري كم بالضبط

[فايروخ80]

السيرات والجيوب خاصه مارفعه الا لما منعو استيراد السيرات من20008وانت نازل اعرف ناس يقولو برا السعوديه الجيوب من موديل 2008 وانت نازل فرق عن السعوديه 30000 او 20000

[البعير المغوار]

مو لازم تطق لك موتر كرت وكالة !!

انا على قد استطاعتي اشري لي موتر مستعمل لو موديل 90 ,, ويوصلني المكان الي ابيه ويعز نفسي ولا يذلني بالديون ,,

القناعه كنز لا يفنى ,,,

صدقت، لاتنسى انه ذيك الموديلات مابها تعقيدات الكهرب وهياكل ماشاء الله حديد من قوتها وصلابتها.


السلام عليكم ورحمة الله وبركاته ....اما بسياره الي بتنتشر في السعوديه طبعاء برايي الهيلكس دبل و العادي و الاكستراء بسبب تحملن و اغير ذالك و سعرهن رخيص 90000تحت السعر هاذاء طبعاء وكاله و الله الموفق ....علماء ان اسعرهن انزلن الان ....وتقبل مروري و رايي وشكراء

شكرا اخي على المعلومة.


والله خوي انا طبعا لا نقاش ..في هالموضوع .. باترول وبس .. لاني ادخل البر وانا واثق باذن الله واهم شي هو الياباني الياباني الحقيقي.. وغيره كله تجميع ... خصوصا بالموديلات الجديده يمكن الباجيرووو يحتل عندي الدرجه الثانيه .. كذلك الامريكي اليوكن... جيد وهو الان اكثر مبيعات من نيسان وتويوتا .. وهذي حقيقه

هو أكثر مبيعات لسبب المبالغة في أسعار النيسان والتويوتا،

وشكرا على المعلومات.


طيب والجيب مرسيدس تقطع به القفار وتطرد وتفجر والديه زي الياباني

ماعندي خبر بس سمعت إنه قوي أدآه بالبر، أنا اللي أقصده هذا المرسيدس:

http://pictures.topspeed.com/IMG/crop/200902/mercedes-g-class-edi-10_460x0w.jpg



لا فيه البديل بس حنا للحين ماتعرفنا عليه

الباجيرو
الإكستيرا
اليوكن
السييرا
السلفرادو
جيوب مستوبيشي
شروكي
إلى آخره. إلى آخره.

ياناس والله العظيم حنا اللي مسوين لهن سوق

صدقت أخي وهذا اللي قاعد أحاول أوصله للناس من خلال هذا الموضوع وحديثي مع من أعرفهم.



من قايل لكم الإكستيرا حول التسعين

الإكستيرا فوق 110 بس مدري كم بالضبط

الله الرازق يرجال، غلاء فاحش بهالمواتر.

[- النشمي -]

بصراحه جيب المرسيدس ابو ثلاث اقفال دفرنس مايعوقه شي واقوى جيب بالعالم
والموتر هذا مخصص للاماكن المستحيله
لكن سعره طاق المليون ريال

حنا خلنا في اليوكن والتاهو والباترول واللاند والباجيرو تسد اللزوم والاماكن المستحيله ماراح نموت اذا ماوصلناها


تحياتي

[تميم2222]

هههههههههههههههه sgl2002 والله لو تركب هالمرسدس تقول راكب بيجو ...قسسسم بالله ما فيه اي فخامه بس مجرد علامه لا اقل ولا اكثرررررر... لا وازودك من الشعر بيت يكسر الظهر تقول الله يحلل الشاص وربع التويوتا .يطمر طمر.. زود على ذلك سعره فوق 500000 الف ...يعني صفط اللكزس واهله والرنج كذلك...هو مجرد سياره ماركه فقط تقبل مروري ياخيي ^_^ معليش تحمست للموضوع

[البعير المغوار]

بصراحه جيب المرسيدس ابو ثلاث اقفال دفرنس مايعوقه شي واقوى جيب بالعالم
والموتر هذا مخصص للاماكن المستحيله
لكن سعره طاق المليون ريال

حنا خلنا في اليوكن والتاهو والباترول واللاند والباجيرو تسد اللزوم والاماكن المستحيله ماراح نموت اذا ماوصلناها


تحياتي


يالبى ذاك المرسيدس،

الله يرزقنا بس والله يكتب اللي به الخير آمين،

يمدحون الجيب رانجلر بعد، بس مشكلته تصليحه وقطع غياره.


هههههههههههههههه sgl2002 والله لو تركب هالمرسدس تقول راكب بيجو ...قسسسم بالله ما فيه اي فخامه بس مجرد علامه لا اقل ولا اكثرررررر... لا وازودك من الشعر بيت يكسر الظهر تقول الله يحلل الشاص وربع التويوتا .يطمر طمر.. زود على ذلك سعره فوق 500000 الف ...يعني صفط اللكزس واهله والرنج كذلك...هو مجرد سياره ماركه فقط تقبل مروري ياخيي ^_^ معليش تحمست للموضوع

أنا ماقصدي الفخامة،

اللي أقصده الأداء والسعر،

ترى اللكزس LX الـ2012 طق فوق الـ400 ألف أول مانزل من خلال ماقريت بالمنتدى هنا، وهو بالأساس لاندكروزر.

وشكرا على إبداء رأيك ياأخي، وعادي تحمس هذا اللي أنا أبيه. :D

[عايق المقفي]

والله ياخوك نقول ولا مانقول
لبى تويوتا والله كد ومد ولا يقول اح والقطع متوفره
بس المواتر الثانيه ماتتحمل امسك التويوتا ولا تفكه

[قناص 28 عفيف]

انتم اصبرو تايوتا بتنهار لا جوده ولا اسعار ولا صيانه وكلها عيوب اصبرو عليهم

[قناص 28 عفيف]

المرسيدس هذا اسمه جي كلاس وسعره غالي وهو مركب الشيوخ صدق

[التمسساح]

بس إنت عارف اللي ممشي الياباني هو الشعب نفسه،

يعني لو مثلا الشعب مطخطخ وكلهم اشتروا من جيب المرسيديس الجي كلاس، كان شفت قطع غياره متوفرة.



صدقت أخوي، خاصة قولك عن الطبقة المخملية.



ياخوي هذا نقاش مابه شي،

حتى عند هذولا اللي وصلوا القمر ادخل منتدياتهم بتلقى نقاشات مشابهة لنقاشي هنا،

كل اللي أبيه إني أعرف وش من الجيوب اللي بتنتشر بين اللي قد حالهم بالمستقبل.

طيب هذا انت عرفت ايش تستفيد او غيرك يستفيد من كلامك

[البعير المغوار]

والله ياخوك نقول ولا مانقول
لبى تويوتا والله كد ومد ولا يقول اح والقطع متوفره
بس المواتر الثانيه ماتتحمل امسك التويوتا ولا تفكه

وانا أخوك فيه مواتر ثانية قوية، بس الشعب هو اللي ممشي تويوتا،

وبيني وبينك حسب ماأسمع ممن عندهم تويوتا الأخيرات وقرائاتي بالنت، جودة تويوتا مهيب زي أول.

وشكرا على إبداء رأيك.


انتم اصبرو تايوتا بتنهار لا جوده ولا اسعار ولا صيانه وكلها عيوب اصبرو عليهم

إذا أستمرت أسعارها بالزيادة هذي، فاللي أنت قلته يبدو لي إنه بيصير والله أعلم.


المرسيدس هذا اسمه جي كلاس وسعره غالي وهو مركب الشيوخ صدق

زي حق محمد بن راشد آل مكتوم. :D


طيب هذا انت عرفت ايش تستفيد او غيرك يستفيد من كلامك


أبد زي ماقلت لك في ردي من قبل، أبي أعرف الأراء، ومنت مجبر ياأخي على الرد ترى،

بس مشكور على إبداء رأيك. :D

[Magellan]

اصلا اليابان من تالي اسمه الخربان،،،،
بلد اقل مايقال عليه انه ضيع مستقبله
قللي صناعه الحين يسويها اليابان لاتوجد الا ماندر فقط في السيارات والبعض القليل منها
الادوات المنزلية والتلفزيونات والكهربائية بشكل عام صارت تصنع بالصين
ومابقى الا الفتات منها ،،،
وسمعة الياباني جلبتها تويوتا فقط بالسيارات لكن سيارات مازدا وميتسوبيشي وسوزوكي وسوبارو غير معروفة
وبقية الماركات عادية جدا،،،
ملاحظة : الاكستيرا امريكي وليس ياباني لكن مثل ماقلت البعض هنا مايفرق بين حمار وخمار
والله يعين

[المهمري]

المستقبل القريب كله كوري وصيني للشعب ذوي الدخل المحدود والطبقه الراقيه لاخوف عليهم






صدقت الطبقة الراقية لا خوف عليهم ولا هم يحزنون