عااجل/ دفرنس الفتك ، و دواء الدفرنس !! .. خبرتكم الله يجزاكم خير ..

[A6LAL]

السلام عليكم ..


مساء الخير جميعاً ..


حبايبنا ..

عندي فتك قير عادي موديل 2002 ..
طقة عليّ الكارونة بسبب تغيير الزيت المفاجئ ..

غيرتها وركبت زيت بالبيد (اصلي ، غير معاد التكرير)

وما زال فيه صوت من 90 الى 120 ..

الحين ابي انا الصوت يروح .. :mad:
هل استخدم معالج احتكاك اللي بوكالة شفر ..؟
وفيه واحد يقول فيه دواء حق دفرنس بس ما ادري وشو ولا اعرف عنه شي :confused:


يا شباب ما حطيت هالموضوع الا ابي خبرتكم وشوركم الله يجزاكم خير ..

[ددسن مسدرك]

شوف يالغالي إذا كنت بالرياض فيه محل متخصص بالدفرنسات و خراباتها وميزانيتها بالصناعية القديمة اسم المحل البعد الشامل ورح لواحد يقال له ابو عبدالرحمن و ان شاء الله بيفيدك
ودمتم سالمين.

[sgl2002]

دواء الدفرنس شفه في محلات قطع الغيار

حطه في الدفرنس علبة وحده وانتظر اسبوعين

[واثق الخطوه-]

اقرب صيدليه واشرح له الموضوع ههههههههههههه

[A6LAL]

جزاكم الله خير اخواني ..


اقرب صيدليه واشرح له الموضوع ههههههههههههه


اخوي انصحك تزور هالقسم هذا >
خيمة السوالف الشعبية (http://www.mekshat.com/vb/forumdisplay.php?f=134)

لان هذا القسم جدّي ويحتاج اهل الخبرة ، :)

[عمر الشريف]

ضع شحم بمقدآر كآس الشآي بداخل الكرونه وبمشيئة الله يختفي الصوت بس مو على طول يختفي يعني أصبر عليه إسبوع وإن شآء الله تكوون النتيجه مرضيه لك ..

[عصاقيل الدخله]

هلا بك اخوي
اذا الصوت بين 90 الى 120 اول شي شيك على الرمان احتمال كبير انه منه مو كرونه

[A6LAL]

^
صوت الكارونة اعتقد واضحة فيه زي الحنين..

وصوت الرمان غير والا ؟

[A6LAL]

اخواني حصلت علبة حقة الدواء تقريبا 140 مل ..
وش رايكم احطها كلها والا كيف ؟


والشحم هو اكيد يحل المشكلة والا لا ؟

[A6LAL]

^
اخواني افيدوني الله يجزاكم خير ..
على الاسئلة اللي فوق ..


وأيضا ازيد >
وش اسم الدواء الممتاز ..
وكم المقدار اللي احطه
لو يحصل صورة له افضل ..

[سعلي]

اخواني حصلت علبة حقة الدواء تقريبا 140 مل ..

وش رايكم احطها كلها والا كيف ؟



والشحم هو اكيد يحل المشكلة والا لا ؟



هذا هو دواء الدفرنس ابو 140 ملي ليتر صبه كله ولا تحط شحم ولا يحزنون

وان شاء الله ان الكرونة ماراحت عندك مرة ثانية لان المفروض يخلط الدواء مع زيت الدفرنس وبعدين تعبيه

[A6LAL]

^
يعطيك العافية وما قصرت..

ان كان فيه احد عنده اضافة .. وتفصيل ..

[o k]

اخوي ..
كم معيار او لزوجة الزيت اللي صبيته بالدفرنس ؟

بعضهم يحط زيت عالي اللزوجة عكس ما هو موضح بالكاتلوج ويعطب الدفرنس !
على سبيل المثال الأف جي زيت الدفرنس لازم يكون عيار 75w85 ( زيت تروس ) حسب ما هو موضح بالكتالوج .. لكن للأسف بعضهم يغير زيت عيار 140 وبعيدن يشتكي من صوت الدفرنس ؟

لازم تتأكد وش نوع الزيت اللي يناسب دفرنس سيارتك ...