يهل الجيوب النيسان تكفون فزعتكم قبل الورش تاكلني

[أبو ممد و ح]

السلام عليكم ورحمة الله وبركاته

يالربع انا معي جيب ربع 2000 باب واحد وغيرتله يايات خلفيه استراليه من الرمااايه

وارتفع الجيب وشكله طلع زين مره ولله الحمد بس حصلت عندي مشكله ولا ادري هي من

الرفعه ولا خلل ثاني إذا مشيت من الـ 100 وفوق ورفعت رجلي أكرمكم الله عن الدعسه

شوي شوي يطلع صوت تحت كأنه في العمود صوت وانه وإذا هديت مره يختفي الصوووت

فيه ناس قالو رصص الاعمده وفيه ناس قالو هذا على شانك رفعت الجيب ولا ادري من

ويش ولا ابي احط يدي فيه إلا وانا متأكد من الخلل .

ولكم مني جزيل الشكر والعرفان

[واثق الخطوه-]

يمكن عمود الدبل كانك ماركبت فرارات ركب وادعلي

[ابوسند9]

الصوت بسبب الياي الاسترالي والارتفاع
في هذه الحاله اللي اعرفه موديلات 97 ونازل اذا رفعت السياره لازم تنزل القير شوي وتضع لها وردات او صاج قوي بين شيال او قاعدة القير اللي ركبه بالشاصي والشاصي
يعني لازم القير ينزل شوي عشان يكون العمود زي اول

[ددسن مسدرك]

فيه صوت ونه والا تجيه رجه
إذا كان فيه رجه رصص عمود الكردان وإذا كان صوت ونه فأتوقع يبيلك رمانات للدفرنس لأن عمود الكردان إذا ارتفع بسبب ارتفاع الموتر يصير فيه فضاوه في الرمان والله أعلم

[يزيد 999]

شف يااخوي انا كان معي باترول 97 ورفعته بكعكات 5ونص سم وطلعلي صوت قره ومع الفرامل صوت هواء من تحت نزلت القير 1او1ونص سم وضبط وراح الصوت لكن قبل ماتنزل القير ركب يايات البلد وناظر اذا راح فانت نزل القير وان ماراح شيك على عمود الكردان

[A6LAL]

الصوت هذا من عمود الكردان ..
الباترول إذا رفعته من ورا لازم انك تنزل القير عشان يختفي الصوت ..

^
متأكد انه من العمود 100% ولا يهمك كلام الورش..

إذا كنت بالرياض > رح لـ ورشة التركي بالصناعية القديمة وينزله لك ..

[خبايا انسان]

اخوي معروف ,, وواضحه المشكله وغير قابله للنقاش ,,

الباترول ربع ,, اذا رفعته بياي استرالي يتوجب عليك ولاااااازم تنزل القير سانتي او سانتي ونص ,, وانا مركب ياي استرالي بموتري ومنزل قير

[You Like Me]

افادوك الشباب

[sgl2002]

هذا بسبب الرفع

واذا تبي تتاكد حمل ورا خيشتين رمل لين ينزل الموتر وبتشوف الصوت يروح

[الميل1]

اذا صوت ونه الكارونه محتاجه تغير
اما اذا فيه رجه فهو من الرفع

[ابو شريفة]

السلام عليكم ورحمة الله وبركآته

شوف اخوي الصوت اذا كنت مسرع ورفعت رجلك عن الابنص يطلع صوت قرة او حكه
هذي طال عمرك من القير وليست من العمود لانه كان معي ربع 2008 ورفعته بسست استرالية وطالع الصوت نفسة ، والان مع ربع باترول فلما رفعته بكعكات 2.50سم طلع نفس الصوت وعند التحميل يزول الصوت واذا صار الموتر فاضي رجع الصوت وهذا سبت الرفعة لان القير يصير مرتفع ومنصل على وجهه على المكينة ويلزمك تساوي القير بالمكينة عشان يروح الصوت ، بتنزيل القير لحدة الطبيعي او تفك الياي الاسترالي وتركب كعكات ومساعدات فكسار97 افضل شي للتحميل والموتر يصير لين مع المطبات والبطانيج ولا يثول. :D
ودمتم سالمين

[أبو ممد و ح]

الله يبيض وجيهكم ويصلحلكم النيه والذريه ابشركم افدتوني وعينت خير وتأكت انه من الرفعه حملته وراح الصوووت لاكن لو مانزلت القير وخليته فتره اليايات ماتلين ويروح الصوت

[ابوسند9]

اخوي ابو ممدوح الياي الاسترالي من الصعب انه يلين يبغى له وقت طويل وخاصه الربع اذا الصالون ياخذ وقت ما لان فما بالك بالربع

[خبايا انسان]

يابن الحلال نزل القير وتطمن وارقد