امبير البنزين في التاهو lt 2007فصل ولا يعطي قراءة ولا تحذير بنقص البنزين

[الرا سى]

السلام عليكم ورحمة الله وبركاته


امبير البنزين في التاهو lt 2007فصل ولا يعطي قراءة ولا تحذير بنقص البنزين فحصتة كمبيوترالعدادات سليمة وقالو هذة عوامة البنزين غيرت العوامة لوحدها 400ريال
ولازالت المشكلة نفسها فزعتكم يالربع صرت ما ابعد عن المحطات :f

[Avalanche]

تم نقل الموضوع للقسم الصحيح ....

[الرا سى]

تسلم اخوي على المتابعة وتستاهل الاشراف عن جدارة

[Magellan]

شوف بعض الاحيان المشكلة من العداد نفسه
وبصراحة ما اتوقع فيه فحص كمبيوتر يعلمك ان العداد خربان او صالح
لكن انا اشوف بعض الاحيان يمكن فصل اصبع البطارية قد يفيد
لأنه مره من المرات عداد الحرارة عندي وقف على C وبعدين فصلت الاصبع ورجع اوكي
فأنت الحالة اللي تمر معك هل هو ثابت على الفاضي او يتأرجح

[baaasss]

وعليكم السلام عليكم ورحمة الله وبركاته

انا عندي يوكن 2005 والعداد يلعب
وقالوالي العوامة او الطرمبة والمهندس قال لا تلعب فيها دامها شغالة, خلها لا تفتح عليك ابواب مسكرة
فصرت اعبي فل واصفر العداد ويمشيني 500 بالراحة وصار عداد المسافة هو امبير البنزين عندي

[مخ سعودي]

والله يالغالي انا انصحك بما نصحك به اخوانا ماجلان عليك بفصل البطارية وارجاعها بعد خمس دقائق
او التاكد من نفس العداد حيث انه شي مهم فبعض الاحيان راح تكون غافل عن تقدير المسافات

[ابوالوليدخالد]

عادي
عندي مكسما 2004 من يوم شريتها والعداد خربان
الوضع عادي جدا

[THE KILLER]

اخوي لا تتوهق ابدا
كان عندنا جمس يوكن 2007 والعداااد لا جيت عند طلع ينقص ولا جيت عند نزلة يزيد
ولا باقي في التانكي شوية بنزين يتولع الللمبة وبعدين تتفع لين الربع عادي جدا من الوكالة كذا لا تتوهق الوضع طبيعي
الله يعطيك خيره ويكفيك شره

[ابن روزه]

المشكل في العوامة لان فيها عداد في الجرم الخارجي يحسب الكمية الموجودة في التانكي وانت غيرت الطربمة الداخلية وهذا العداد موجود في الجرم الخارجي وهذه مشكلتك بالضبط وحلها يكمن في تغيير طرمبة البنزين كامله

[النبع]

اعرف واحد غير شي بالطبون زي الفيوز وظبط معه

[الرا سى]

مشكورين على فزعتكم وشلها نعبي فل ونحسب 500 كلم اما اصبع البطارية فاخوكم خبير مفتاحة في جيبة بس شكل المتر تعود وصارت ماتنفع
الجارح اتوقع ان في بكلامك شي من الصحة ننتظر لين تخرب ونبدله