ياجماعه ، قسم بالله مللليييت !!! [الأرشيف]

EFI.4500

24/04/2012, 07:43 AM

السلام عليكم ورحمة اللـه وبركاته ..
ياجامعة الخير انا مشكلتي مشكله مع سير الباترول حق الدنمو
بدون مبالغه يمكن انقطع معي حول 12 مره وخاصه لصرت مسرع 190 او 200
ينقطع ويخر ماء الاديتر والحراره اتش وطال عمركم لي سنه تقل شايب
مامن سرعه ومامن سفر بالحيل طبعاً اذا ماانقطع بسرعه يبدا
يتآكل مع اطرافه الى مايصير تقل سيم ماسكن شيء بسيط منه على المكرات
ورحت لكذا كهربائي ومليت منهم بديت بالبركه امشي لأن گـٌـٌـلْ واحد
مقترح علي والا متوقع لي شيء من عنده ، والزبده اني سمعت ان هالمشكله
مع كذا واحد بالباترول من 2005 وطالع طبعاً باب واحد
وازيدكم من الشعر بيت ،، سير الدركسون بدا ينقلب يعني تسنه راكب مقلوب
مدري وش جاه ياكافي . گـٌـٌلْ ماشفته فكيته وعدلته وينقلب ثانيه
وتمادى كم مره ينقطع ومره لف على المروحه وغمته ياويلي ..
والحين لي اسبوع الطاره يبيله مصارع يلف به مهب معقوله ابد

فياجماعه اللـَّـــھ لا يهينكم الي عنده الحل يفزع لي وله خالص الدعاء ،،
والي يخبر لي كهربائي عليه العلم يعني يضرب بالصميم ومتأكد يدلن عليه

.... والله يعطيكم العافيه

m3ax

24/04/2012, 07:58 AM

تأكد من كراسي المكينة تكون سليمه والمكينة تكون مستقيمة صح

مشكلتك باختصار هي وجود ميلان في المكرات واذا كانت السيارة جايها حادث قوي ممكن تكون المشكلة من قواعد البدي اللي راكب عليها كراسي المكينة

شاب من ينبع

24/04/2012, 08:05 AM

اخوووي تأكد من البكرات اللي يركب عليها السير
يمكن فيها شي حااااااااااااد ويقطع السير

EFI.4500

24/04/2012, 08:08 AM

ﻻ والله يابعدي ע حادث وﻻشين ، بس على مااظن عندي كرسي وسط ،
تعتقد الكرسي له تأثير كبير !

EFI.4500

24/04/2012, 08:11 AM

والله ممكن الكراسي !!
البكرات كذا كهربائي شافهم مانقد عليهم بشي .

EFI.4500

24/04/2012, 08:12 AM

اخوي m3ax تعتقد الكراسي لهم تأثير كبير لهدرجة !!

ناصح

24/04/2012, 08:15 AM

بدون مبالغه يمكن انقطع معي حول 12 مره وخاصه لصرت مسرع 190 او 200

أخي الكريم أن تتكلم من جد ولا تمزح..؟؟؟

باترول5600

24/04/2012, 08:23 AM

السياره جايه حادث قبل كذا و المكاينة فيها ميلان
واذا كانت السياره سليمة من الحوادث ... يمكن تكون الماكينه ماهيب شد بلد على السياره , ومفكوكه من سياره جايها حادث .

الله يسهل امرك

sgl2002

24/04/2012, 08:46 AM

يارجال المشكلة اكيد ميلان في المكينة

يمكن متحركه من مكانها او جايها شي

kh3

24/04/2012, 09:34 AM

جعل السير للذهاب ... عسى ينقطع ميه مره

بس تكفى يا بعدي عمرك لا ينقطع ... وشلك بالسرعة ترى العمر غالي

بالنسبه للمشكله الفنيه يفيدونك الشباب إن شاء الله

المظل

24/04/2012, 09:48 AM

وعليكم السلام ورحمة الله وبركاته

المشكله عندك بتطابق البكرات (يعني ليست على خط مستقيم)

اما لانقلاب السير فأذا انقلب مرة وحده يكون فيه ميلان ويبتل ينقلب معك مهما سويت يرجع وينقلب لازم تبدله

وجرب السيور المشرشره اللي من داخل تقل تروس تراها افضل من العاديه

HCW

24/04/2012, 10:12 AM

هذي المشكله صارت معي من قبل في هايلوكس و كانت المشكله ان قاعده الدينمو مكسوره و ملحمه ولاهي راكبه بشكل مستقيم بكرة الدينمور متقدمه شوي و مايله على جهه اليسار الحل اني غيرت القاعده بوحده مستعمله من التشليح و انتهت المشكله.

افحص قاعده الدينمو اللي راكبه بالمكينه و قاعده بكره الباور

EFI.4500

24/04/2012, 10:17 AM

اخوي (ناصح) .. ע الله يصلحك وش مزحُه !
اخوي 5600 .. والله ميلان يمكن هذا اغلب الي يقولونه الشباب ، ﻻ الموتر انا الي فاكه
اخيي 2002 شكراً لمرورك
هههههههههههههههه kh3 ياحبي لك عين العقل كلامك ، بَـسّ موب شرط السرعه قصدي
لو اشد عليه بالأول والآر بي إم لأخر شيء ينقطع احياناً ،،
شاكر لك اخوي المظل ، البكرات موب متطابقات يعني ميلان بالمكينه ؟
وصدقت مهما عدلت السير حق الدكسون ينقلب حتى لو اشري جديد فتره بسيطه
وينقلب بعد ، المشرشره الي تقول تقصد للدركسون ! ووين القاهن ؟

شاهد عيان

24/04/2012, 10:28 AM

أنا كنت أعاني من إنقطاع السير باستمرار يعني يجلس شهرين فقط ثم ينقطع معي ! على الرغم بأنه أصلي من الوكالة ... ثم أكتشفت بعد حوالي تغييره 7 مرات أن المشكلة كانت في البكرة الرئيسية اللي جاية من الماكينة مباشرة ... هذه البكرة تم تصنيعها وبداخلها ربل شد بلدها ... وفائدة هذا الربل هو لتحويل الاجهادات الحركية الكبيرة إلى إجهادات ناعمة على السير ... فأكتشفت أن مادة الربل ناشفة جدا وإذا دارت البكرة فجأة تقوم بقطع السير ... فغيرتها والحمد لله لم أعاني منها حتى اليوم .

بس نصيحة لا تسرع

ابوسند9

24/04/2012, 10:30 AM

الشباب اللي يقولون الكراسي المشكله منها. الكراسي ما لها داخل ابد لو المكينه بدون كراسي
واللي يقول المكينه فيها ميلان . برضو المينكه ما لها دخل لو تميل 90 درجه
المشكله من البكرات مليييييون بالميه
احد البكرات فيها ميلان وفيها حد وهي اللي تقطع السير او طرمبة الماء فيها فضاؤه وحرك المروحه بيدك فوق تحت
وانت بنفسك فك جميع السيور وشيك عليها ودورها بنفسك وتحسس بيدك مجرى البكرات
يا اخي الباترول تمشي السيور فيه فوق 200 الف كيلو اذا كانت وكاله

قلايد الخيل

24/04/2012, 10:38 AM

صدقت حتى خويي مر بالحاله هاذي اذكر طلعنا للقنص تقريبا دخلنا 70 كيلوو وغير سحبناه سحب
وموديله 2006 او 2007 بس مو ربع كامل
وانا انصحك ياخوي تروح لقرب وكاله عندك مثلا الغنام بس ممادري هو يستقبل النيسان انا على الاقل خذ استشارره من الوكاله ويمكن تعرف الخلل وتروح لقرب صناعيه وتفهمه ويسويه لك

m3ax

24/04/2012, 10:49 AM

اخوي m3ax تعتقد الكراسي لهم تأثير كبير لهدرجة !!

نعم اخوي لها تأثير كبير بعد

ولد عمي عنده كامري موديل 2001 جديده من كل شي ما شاء الله عليها لكن اقرفته بسالفة ان مسامير قاعدة الكومبريسر حق المكيف تتكسر كل اسبوع او اسبوعين

غير الكمبريسر وغير السيور وغير المكرات وركب مسامير اقوى بدون فايده وفي الاخير طلعت مكينة السيارة مايله شوي والميلان هذا هو اللي سبب هالمشكلة وسبب الضغط على مسامير الكمبريسر لين تقطمت

ابوريان القحطاني

24/04/2012, 11:37 AM

اسال الله ان ييسر امرك الكرسي اتوقع له دور كبير والله العالم

.أبوعبدالرحمن

24/04/2012, 12:05 PM

ينقل للقسم المناسب

ناصح

24/04/2012, 12:32 PM

دون مبالغه يمكن انقطع معي حول 12 مره وخاصه لصرت مسرع 190 او 200

خل السير يولي المهم انبته لعمرك

تخيل أن السير ما انقطع لكن الكفر أنفجر أو انسلخ بهذه السرعة..!!؟؟

واتق الله في نفسك والأخرين

إذا كنت بايع نفسك فهذا راجع لك

لأن هذه سرعة جنونية وضرب من ضروب التهلكة

وقد تبتلي أحد من خلق الله وتؤذيه

الله يهديك

الدوسري دت كم

24/04/2012, 12:49 PM

كاشت وحداني

24/04/2012, 01:16 PM

تأكد من البكرات تكون استقامتها مع بعض وحده والبكره نفسها ايضا تكون عموديه ٩٠درجه
ماتكون مايله
شيك على الدينمو فكه وارجع ركبه وشد المسامير بطريقه متوازنه يعني لاتشد من الخلف ثم الامام
خذ لفه عالمسامير وشدهم تكه تكه
اذا حليت المشكله لاتحرمنا تجربتك والحلول لتفيد ملاك الباترول خصوصا والسيارات عموما
موفق اخوي

Sent from my iPhone using Tapatalk

patrol-fa

24/04/2012, 01:20 PM

اخوي البلا من البكراات لا يكون حاطه بغير مكانه تأكد زييين ..

salih100

24/04/2012, 01:51 PM

ياخوي انا صارت مع في شروكي كل شوي ينقطع السير وبالنهايه طلع بكرة المكينه الاساس خربانه متقدمه شوي والسير ما يمر بوسطها يشطف الجنب شطف يعني جنب السير ويبدا ينصلخ من طرفه شوي شوي واذا شديت على السياره يا انه ينفك ولا ينقطع

فأن كان يصير معك مثل ما اقول فمن بكره عمود الكرنك يعني بكره المكينه الكبيره غيرها

وعاد رد خلنا نستفيد مو تغيرها وتسحب على الخيمه
:D

آخر العنقود

24/04/2012, 03:23 PM

هلا اخوي كراسي المكينه مالها علاقه بقطع السير المشكله عندك بالبكرات فك السيور كلها وشيك على رمانات السيور الدينمو وطرمبة المويه وطرمبة الدركسون والكمبرسور وبكرات الشدادات لا يكون فيها فضاوه اذا سليمه وما فيها فضاوه تأكد لا يكون فيه طعج في احد البكرات والكشف على هالشي اذا السير مفكوك وتأكد من ربط مسامير الدينمو والكمبرسور وطرمبة الدركسون لا يكون مرتخي منها شي وتأكد من بكرة الكرنك ترا تجي قطعتين قطعه تكون راكبه بالكرنك بمسمار ثم وجه ربل ثم القطعه اللي يركب عليها السير وتجي مكبوسه مع بعض من وكالتها تأكد من الربل لا يكون متكسر وفيها فضاوه ومع ممشي السياره ترج وتقطع السير والله اعلم ..

شاب من ينبع

24/04/2012, 10:34 PM

مشكلتك ذكرتني بمشكلة عمي مع السير حق الهايلوكس
كل شهر منقطع السير والسير طبعآ اصلي من الوكاله
المهم خذيت السياره وعلى الصناعيه وكشف كامل طبعآ السير اللي
ينقطع سير الكمبروسر حق المكيف ونسوي فيه كل شهر طلعت المشكله تدري وشنهي
المشكله ماهي في السياره المشكله بعمي يشغل المكيف على سرعة 120
ومايبيه ينقطع ههههههههههههههههههههه
اخر شي علمته يشغل المكيف والسياره واقفه لا تشغله والسيارهع تمشي

التمسساح

25/04/2012, 01:23 AM

طبعا الكراسي مالها اي علاقه لأن السيور تركب على البكرات وثابته مع المكينه المشكله عندك البكرات ماهي على استقامه واحده يعني في بكره متقدمه عن الثانيه

كاشت وحداني

25/04/2012, 01:35 AM

لو تعزز الموضوع بصور للمكينه توضح السيور
وتحدد السير اللي ينقطع
قد تساعد الاخوان لحل مشكلتك

Sent from my iPhone using Tapatalk

شرق المغيب

25/04/2012, 01:52 AM

طبعا الكراسي مالها اي علاقه لأن السيور تركب على البكرات وثابته مع المكينه المشكله عندك البكرات ماهي على استقامه واحده يعني في بكره متقدمه عن الثانيه

نعم ميلان المكينه ماله دخل ولا الكراسي لان لومالت المكينه بتكون المكرات والكنبرشر والدينمو وجيع السيور

تاخذ نفس الدرجة من الميلان وهذا بالعقل

بلاك من المكرررررات ماهي متساويه او احداها تحجر اثناء القيادة او فيها كسر او فيها تآكل اوتقدم او تأخر اومرهمه ماهي على حجم السير

المهم اربط وزنة الدينمو صح وانتبه لأرتخاء السيور ترى المرتخي ينقطع لانه يتأرجح على الحافه

مشكلتك بسيطه جدا بس ركز في كلامي وبلغه الكهربائي وان شاء الله سهالات

بس تكفى لاتسرع نصيحة لله الحديد مايرحم

HAS5SAN

25/04/2012, 02:06 AM

انا بأضيف شغله لم يتطرق لها احد
بعد التأكد من وزنية المكينة والبكرات والكلام إلي كتبوه الاخوان
تأكد يا عزيزي من الكمبرسر حق المكيف
اذا لم يكن يعمل بشكل صحيح = مثلاً يتأخر في التشغيل
اقصد بعد ما تشغله هو يقوم يشتغل ويفصل حسب حاجة الثلاجة للفريون
فإذا تأخر في الشغيل وانت تسير بسرعه 190كم كانك شغلته من جديد
وهذا يسبب ضغط هائل على السير وقد يكون السبب أو أحدها
تأكد قبل هذا كله
والله يعينك

EFI.4500

25/04/2012, 03:08 AM

اخوي hcw .. شكراً لإفادتك ، وراح اشيك واشوف بإذن الله
اوي شاهد عيان وابو سند.. اذا البكره على ماقلتوا ، سير الدركسون بعد به مشكله
بكرة الدركسون بعد ! .. اخيي ابو سند بالنسبه للكراسي اشيله من راسي يعني !

طيب يالربع ماخبرتوا كهربائي عليه العلم يعني اذا مايعرف مايلمصق ؟

ابوسند9

25/04/2012, 01:55 PM

اخوي
اذا انت بالقصيم مر على ورشة ابو خالد الخضير بخضيراء بجانب ورشة الهبيش والشيبان وخل ابو خالد بنفسه يشوف المشكله وصدقني رجال خلوق وشغله فن وخبير واسعاره بلاش وانا متاكد انك ما راح تطلع من عنده اللى وهو حال مشكلتك

فارس العيون

26/04/2012, 06:00 PM

عنديلك كهرباي يداوي العله لكنه بالرياض
الرجال ثقه سعودي اشتغلت عنده كم شغله عز الله الرجال يبرد تسبدك
ان سمحوا لي الاداره اني احط وصف محله .... حي الروابي شمال مسجد القدس

جمس_454_97

27/04/2012, 12:26 AM

اخوي الغالي فر المكرات بيدك يمكن مجيمه او الرمان فارط
يمكن مشدود على المكرات بزياده من كثر الي حاسو لك بتركيب السيور
بختصار مشكلتك بالمكرات

EFI.4500

27/04/2012, 12:06 PM

اشكركم جميعاً على تفاعلكم ، صراحه استحيت من كثر الردود واهم شيء
انكم شبه حاصرين لي المشكله على البكرات

بالنسبه لأخوي الي يقول يمكن تشغيل المكيف ، هين المكيف لفضيت الموتر
لو انا مسرع مايأثر ، وثاني شيء المكيف له سير غير رفيدزنا ، حتى لو فرضنا انه
من المكيف انا انقطع معي بالشتاء كم مره بدون مكيفات ، اشكركم

بالنسبه لأخوي الي يقول البكره متقدمه صراحه كلامك مقنع انا اتوقع مثلك
ﻻن البكره الي تحت تمشي لسير الدنمو والدركسون ، اعتقد هي الي متقدمه
بَــ̯͡سّ الغريب وش يقدمه !!! لو راجعه قلنا متآكله .. بس متقدمه !

ابو سند انا سامع بالخضير ومدامك مدحته ابنحره ان شاءالله

فارس العيون تسايده الرياض ههههههههههههه

وان شاءالله لتوصلت لحل ابشروا به حق وواجب

والله يعطيكم العافيه جميعاً على راسي ~

EFI.4500

27/04/2012, 12:06 PM

اشكركم جميعاً على تفاعلكم ، صراحه استحيت من كثر الردود واهم شيء
انكم شبه حاصرين لي المشكله على البكرات

بالنسبه لأخوي الي يقول يمكن تشغيل المكيف ، هين المكيف لفضيت الموتر
لو انا مسرع مايأثر ، وثاني شيء المكيف له سير غير رفيدزنا ، حتى لو فرضنا انه
من المكيف انا انقطع معي بالشتاء كم مره بدون مكيفات ، اشكركم

بالنسبه لأخوي الي يقول البكره متقدمه صراحه كلامك مقنع انا اتوقع مثلك
?ن البكره الي تحت تمشي لسير الدنمو والدركسون ، اعتقد هي الي متقدمه
بَــ??سّ الغريب وش يقدمه !!! لو راجعه قلنا متآكله .. بس متقدمه !

ابو سند انا سامع بالخضير ومدامك مدحته ابنحره ان شاءالله

فارس العيون تسايده الرياض ههههههههههههه

وان شاءالله لتوصلت لحل ابشروا به حق وواجب

والله يعطيكم العافيه جميعاً على راسي ~