تسجيل الدخول

مشاهدة النسخة كاملة : صوت طقطقة في يوكن 2005xl يختفي و يرجع


rami52
24/04/2012, 10:10 AM
السلام عليكم ورحمة الله وبركاتة

يالربع شورو علي تراني بديت اوسوس عندي صوت طقطقة في المكينة جت حول ثلاث مرات منها ثنتين في نفس المكان

الثنتين هي اني وقفت الجمس في بر وكان فيه نزلتين كبار واستويت في البر ونزلنا العزبة والفرشات وشغلت اللمبات الليد حول خمس ساعات ويوم مشينا شغلت السيارة الا فية صوت الطقطقة طفيت السيارة وشغلتها مرة ثانية الا الطقطة ما اختفت وبالامس نفس الطريقة في كشتة ثانية ونفس الظروف في بداية التشغيل طلع الصوت طفيت وشغلت الصوت راح

ومرة في الخط وقفت حول الساعتين لغرض ما بعدها شغلت السيارة وتطلع الطقطقة طفيت وشغلت راح الصوت


الموتر بدون دبل ماشي حول الـ 180000 كلم slt فل كامل ماهو دينالي شريته قبل سبعة اشهر استخدام امريكي مغير الصوفة لانه كان فيه تهريب بسيط خارجي وسلامتكم
ارجو افادتي لاهنتم
rami52
24/04/2012, 08:44 PM
للرفع الله لايهينكم ٤٢ مشاهدة بدون رد
قمر سدير
25/04/2012, 12:02 AM
اخوي الطقطقه اول ما تشغل وتجلس كم ثانية وتروح ولا كيف ؟؟

عل عموم شف عداد ضغط الزيت ممكن يكون عندك ضعف في الطرمبة
rami52
25/04/2012, 08:58 AM
اخوي قمر سدير الصوت نعم اول ما اشغل والصوت مايروح بل يزيد مع دعسة البنزين
وضغط الزيت ممتاز على النص
شاكر ردك
saad_z71
25/04/2012, 04:20 PM
اجل هذي الصبابات خربانه تحتاج تغير خذها من الفوزان اللي على نفس مخرج 17 وجهك غرب قبل الكبري يجيك على اليسار سعرها حول 350 ريال والله يعينك على شغل اليد بيكلفك لان لازم يفكون راس المكينه وشكرا
ابو ودع
25/04/2012, 07:31 PM
شف وانا اخوك
انا صارت معي بسلفرادو ٢٠٠٧
اذا خليت السياره تشتغل بشكل طبيعي يعني بدون ماتدوس على البنزين مدة دقائق يطلعةالصوت واذا دعست ومشيت يختفي لان الزيت يرقا للتكايات
جرب تخلي السياره تشتغل بدون ماتدوس دقايق اذا طلع
جرب تدوس على البنزين يعني خل الضغط يتبت على ٣ لمدة دقيقه او تزيد شويه
اذا اختفى بهالحاله ترى عندك طرمبة الزيت ما تدفع ما يكفي
انا كل شي جربته غيرت نوع الزيت وغبرت الربله اللي تجي بين الماصوره والطربه
لكن يوم غيرت الطرمبه سعرها ٢٩٠ والتركيب ٤٠٠ ريال
شف مشاركاتي فيها هالموضوع
بالتوفيق
معشوقي الصمان
25/04/2012, 07:40 PM
حبيبنا الصوت اللي يطلع فالبداية تشغيل السيارة طبيعي جداً وسئل مكانيكي فاهم راح يقولك نفس الكلام .
rami52
28/04/2012, 09:09 AM
مشكورين على الرد ياشباب الله لا يهينكم
نشمي تميم
30/04/2012, 01:08 PM
صارت لي في جمس 2007 طقطقه خاصه اذا صارت السياره بارده مع العلم ان العداد الزيت على النص واصبحت من جلبه طرمبه الزيت خربانه غيرتها وصلحت ويوم غيرتها اصبح العداد فوق النص واذا دعست ارتفع العداد على طول الين الفل
rami52
02/05/2012, 04:03 PM
مشكور اخي نشمي تميم
والله العالم انه جلبة الطرمبة
جزاك الله خير
rami52
05/05/2012, 07:45 PM
للرفع رفع الله مقداركم
rami52
06/05/2012, 10:19 PM
يا اخوان الصوت ينسمع من جهة رفرف السواق اكثر هل هي الجلبة او الطرمبة يرجى الافادة الله يعافيكم
ابو ودع
06/05/2012, 10:32 PM
غير الطرمبه وريح مخك
انا صارت لي وبدلت الربله ولا نفع والصوت بالجهة اليسار يختفي مع السرعه لان الزيت يدور اكثر واذا وقفت شوي يرجع
وبدلت الطرمبة ب ٢٩٠ ريال حقة كابرس ٢٠٠٠
او ٤٠٠ نوع ثاني