توضيب قير فزعتكم

[مضارب سيارات]

السلام عليكم ياغالين عندي رجفه او رعشه قوية للحظات في فرد بعد سرعة 100 وشيكت على كل شي واخر شي يقولون طنجرة ولازم توضب قير كامل يالربع القير تعشيقه حلو ولافيه ريحه زيته ولونه احمر قال اضمن وشغلهم من 2500 ريال عطوني الراي وهل فيه ورش تصلح الطنجرة لحالها بدون هالخساير خصوصا في الرياض لانها اقرب شي لي الله لا يهينكم

[ابوسند9]

يا طويل العمر خل التوظيب اخر شي ومر على اكثر من ورشه لعلى المشكله تكون بسيطه اما حساس او كهرابء مادام تغييرات القير كويسه
وان شاء باقي الاعضاء يفيدوك بس انت وسع صدرك

[just 4 u]

شف أخوي أذا كانت المشكلة من الطنجرة تقدر تغير الطنجرة بدون توضيب وتلقها مستعمل بحدود 700 ريال مع تغير زيت القير كامل وأذا كنت تبغى تتأكد من ان المشكلة من الطنجرة أذا صارت معك الرجة قم ووقف السيارة على طول وخل القير على الدي ومن ثم أدعس على البنزين ورجلك على الفرامل أذا طلعت لك الرجة معناته من الطنجرة وأذا ماطلعت معناته من شي ثاني
على العموم أول شي غير زيت القير كامل مع زيت الطنجرة وجرب لو راحت زين لوماراحت غير الطنجرة

فيه منتدى خاص بالفورد أبحث عنه في قوقل راح يفدونك أكثر

وبالتوفيق

[مضارب سيارات]

بارك الله فيكم


اخي جاست 4
عملت اللي قلت ولا صار فيه اي شي لكن اذا دعست فرامل كيف يدور القير والطنجرة

[SHUGE]

السلام عليكم .

انا عندي رجه نفس ما قلت بس عند السرعة 60 إلى 80 ترج السيارة بالكامل وشيكت اولاً على الصليبات وحصلت احدها متأكل وغيرتها والحمد لله زي اللوز تمام ـ اذا الرجة عند سرعة معينة يمكن تكون نفس المشكله
وحصلت لي قبل اربع سنوات ونفس المشكلة بس عند السرعة 120 إلى 130 وبعدها ما كو شي ومن ورشة لورشة وبعد كذا رحت لورشة اسمها مخرطة وحيد (الصناعية القديمة الاولى في الرياض ـ شارع الجمعية ـ على يمينك ورشة الدمشقية ـ اول تقاطع خذ يسار يسار اول شارع يمين ـ ثاني ورشة على اليمين) بس شغلة في عمود الكردان 100% ومع ذلك كنت مغير الصليبات قبل ما اجي للورشة بشهر ونفس المشكلة وطعجو علي العمود وخسروني تقريباً 350 ترصيص عمود مع غيار الصليبات والحمد لله كلش تمام .

وانصحك تروح لهم وتشوف فقط لمجرد المشورة وان صلح لك الوضع توكل على الله

تحياتي للجميع

[ددسن مسدرك]

يالغالين فيه شركة جيركو بالصناعية القديمة تخصص بالسيارات الأمريكية والقيور والمدير لبناني يقال له ابو زياد الله يوفقكم