الجمس وماادراك ما الجمس الطرررمبه يا الربع

[عابر المحيطات]

عندي الطرمبه غيرتها تغريبا3 مرات
وانصحوني با اللند كروزر غيرته ومافي فايده
الحل يا الربع تنصحوني باورشه جيده با الدمام

[Magellan]

وش مقاس الموتر 1500 او 2500؟
موديله؟
استخدام سعودي او امريكي؟
لازم التوضيح قبل، وان شاء الله الحل موجود

[مطر وربيع]

غيرها للمرة الرابعه
ولكن لاتخلي التانكي ينقص عن الربع نهائيا وان شاء الله ماتخرب حتى تتبرد بالبنزين ولاتسحب شوائب التانكي

[ممتر البران]

ألسلام عليكم
عندي يا ماجلان الف وخمس امريكي
عذرا علي المداخله يا راعي الموضوع

[Magellan]

ياساتر يارب يا اصحاب الردود
تقول الكلام بفلوس
عطوني موديله كم
،،،،
على العموم الشكل القديم من 94 الى 99 ،الطرمبة افضل مالها والبرو walbro
وفيه رشيد في معارض الشفا يضبطها بس حقة اللاندكروزر(ابحث قوقل مكشات تعرف وصفه)
والشكل الجديد من 200 الى 2004 افضل شيء انك تغير الفيش العلوي،،،
عموما شكلكم عجلين ولاودكم بالتفصيل والصور لذلك اختصرت

[koogak]

انا نفس المشكله سعودي 2500 موديل 2002

[Magellan]

انا نفس المشكله سعودي 2500 موديل 2002

متأكد من الفيش مو محترق
بالعاده هو الفيش اللي يحترق
واذا كان سليم والبلا من نفس الطرمبة عندي لك طرمبة المانية ماركة بوش على كيف كيفك تركب بدون ترهيم ولا إزعاج

[عابر المحيطات]

اي نعم انا ٢٠٠٢ سعودي ٢٥٠٠
وش قصدك با الفيش هو الكتاوت
غيرتها بس على طول يصخن يصير حار واجد
عطوني حل انا مش مستعجل بس طفشت من الجمس
با الصور با الفديو با التفاصيل اي حل

[عابر المحيطات]

طيب يا مجلان انا من الشرقيه الدمام
وين احصل النوع هاذا
تكفى يا مجلان الحل ×

[عطيب ومايغيب]

الاخ: راعي الموضوع

انا في الجبيل عندنا هندي كهرباء اسمه يعقوب في العريفي في الجبيل البلد ماهو في الصناعيه

اسم الورشه كهرباء الهاجري

ولاكن بعطيك رقم واحد كان جار لي وصار له مشكله وصلحها عند واحد
في الدمام

وهذا رقم الرجال
0506940324
اسمه احمد ماريح يقصر معك

[سحاب1]

السلام عليكم ورحمة الله وبركاته
اخوي عندي كابرس م 92 نصحني كهربائي قال غير طرنبة مكسيما وما حصلت وجبت له حقت صني قال تركب..
ولله الحمد من يوم ركبتها الي الان من عام 1428 هـ مثل الساعه
جربها وان شاء الله تضبط معك
بالتوفيق

[Magellan]

ان شاء الله اجيب لكم الحل بعد الساعه 11 اليوم بالتفصيل
انا اكتب الحين وانا مستعجل ومشغول
بالليل بإذن الله افصلكم المشكلة

[جمس_454_97]

نصيحه لوجه الله
اسمع لكلام اخوي ماجلان لخبرته بهذا المجال وتمكنه باللغه الانقليزيه وخبرته بالمنتديات الامريكيه
هذا حلال المشاكل ولا نقدر نزيد عن كلامه
على العموم الله يجزاك خير اخوي ماجلان على ماتقدمه من مجهود لأخوانا المكشاتيين :D

[YUKON_GMC]

متأكد من الفيش مو محترق
بالعاده هو الفيش اللي يحترق
واذا كان سليم والبلا من نفس الطرمبة عندي لك طرمبة المانية ماركة بوش على كيف كيفك تركب بدون ترهيم ولا إزعاج


- صادق ... دايم يحترق الفيش اللي فوق التانكي ويحترق ويقولون لك الطرمبه رح اشترها قبل حتى يفك التانكي ..

صارت معي في يوكن 99 امريكي - وثلاث مرات اغير طرمبه 2 وكاله والثالثه طرمبه لاندكروزر 2002

وخربت يوم فك التانكي لقينا الفيش ذايب ومحترق


لكن دائماً اذا ولعت اللمبه الصفرا بالطبلون .. ولم الطرمبه وخلها قريب ..

لأن اذا ولعت اللمبه الصفرا يعطي الكمبيوتر كهرباء زياده للطرمبه لتضخ بنزين زياده لتعويض النقص بالعزم ممايتسبب في حرق الافياش اوحرق الطرمبه


للمحافظه على الطرمبه هناك امرين مهمين ..

1- عدم تشغيل السياره بسرعه قبل انطفاء لمبة السيكورتي او حتى اختفاء صوت الطرمبه
2- المحافظه على صفاوة السياره وتغيير صفاية البنزين كل سنه وتغيير البواجي وحساسات الكربون او فصلها