هايلكس 2012

[سعــود]

السلام عليكم ورحمة الله وبركاته
يارجال معاي هايلكس ماشي 20 كيلو بس وابي اسافر بكره وقالو لي او سمعت انها كذا بتكون تحت التمرين يعني ماتمشي عليها اكثر من سرعة 100 او 90 هل الكلام هذا صحيح للي مجرب ولا كيف
مع العلم ان السفر بسرعة 90 ممل جدا افيدوني الله يجزاكم بالجنه يااااارب

[ابوعمر1397]

تقدر تمشي عليه 120 مع المكيف
ولا تعطيه دعسات قوية خل دعستك ناعمه

[سعــود]

ابو عمر ماشاء الله عليك بردك السريع بيض الله وجهك وماقصرت لكن انا افكر امشي 140 مادري فيه مشكلة ولا لا؟

[ابونبيل]

لا تتعدى ال100 و خل تبديلك مريح واذا مره مره لاتزود على 120 الى ان تمشي 500 على الاقل لان الاصل 1000

[قدها ونص]

يارجال - انتبه تتعدى120 وشغل المكيف عادي

اهم شي بعد الالف غير زيت خفيف 10 - 30 مهم

[قناص 28 عفيف]

احوي امش 120 بس مو على طول ومو بااستمرار وانت تمشي 120

[ذيب زلفاوي]

لو تبي تمشي طبونك عادي بس لاتخلي سرعتك ثابته يعني شوي 120 وشوي140 وشوي 130

هذا التمرين الصحيح

[احب الحيا]

السلام عليكم
يالغالي اكلمك من واقع تجربه
معي هايلكس 2009 فاكها وكااله
من اول يوم طلعتها رحت عليها الرياض وامشي كنت مثبت رجلي على 140
يوم مسكت السريع وانا امحط ام الهواجيس ما دريت الى والسياره تفصل على 190
واهدي شوي ويمرني راعي هايلكس ويدقق اشارات يبي يصاقط ومعه على الفصله
الكلام هذا كله والسياره توها ماشيه حوالي 130 كيلو بس
وابشرك السياره مشت معي 230 الف كيلو خلال سنتين ولا فيه اي مشكله
وازيدك من الشعر بيت
الزيت ما اغيره الى كل 10000 عشر الاف كيلو لاكن اغير زيت وسيفون مع بعض في كل مره
والحمدلله ما فيها نقص زيت ولا فيها اي مشكله ولله الحمد
وموترك الله يعطيك خيره ويكفيك شره
لاكن فيه اشياء انتبه لها
السياره علطوووول تحوص خاصه اذا كانت الكفرات يختلف ظغط الهوا يعني واحد مثلا 40 والثاني 30
والشي الثاني
الباب بيطلع اصوات غريبه وبيستهبل لاكن معليك هذي بكل الهلكساااات من 2006 وطالع
3-الربله اللي فوق الكفر وخاصه الجهه اليسار دايم تطيح
4- قواعد الصدام القدامي خرم لها مسامير
5- الدعسه كهرب وخلها ببالك لا تحاول تقوم الموتر بالثاني لانك مع الوقت بتحرق الكلتش
6- البدي اي كلاااااام اي طقه تعفطه
ولاكن المميزاات
لا تعد ولا تحصى
اولها اذا كنت راعي نصب الموتر يعطيك
الثاني اذا كنت راعي مراقى الموتر يديك
3- اذا كنت راعي تحميل الموتر يشيل (((اشيل عليها 50 كيس شعير ولا فيه مشكله الى ان الاكياس تطيح مع اللفات ونزول السياره شوي مع الحمل ) ))
وفيه اشيا واااجد حلوه بالموتر من واقع تجربتي له
نصيييييييحه لك
انتبه من السرعه على هايلوكس ولا على بي ام الحديد ما يرحم

[m3ax]

لو تبي تمشي طبلونك ما راح تتأثر السيارة ابد

امش 140 عادي وشغل المكيف بعد ولا تاكل هم أهم شي غير الزيت على 1000 كيلو

[مخاوي 2004]

والله بعض الناس تفكه وكالة وتلعن والديه وامورهم ماشية بس امش 140 عادي لاتتعدى وغير الزيت عند 1000 والله يعطيك خيرها ويكفيك شرها

[على رمشي تمشي]

المكينة من الاساس تجي مرنه يعني جاهزة لو تمشي 140 عادي مافيها اى اشكالية
وحتى لو تشغل المكيف - صحيح زيتها قد يكون خفيف للمكينة بس ماعليه اى ضرر بمشيئة الله
بسم بالله وتوكل على الله

[أبوعذااب707]

عادي يا رجال امش الى 140 وشغل المكيف
انا طلعت موتري من الوكاله واسافر عليه مسافه 1400 كم ممشاي بين 200 و 140
ويوم وصلت دخلته الوكاله بالديرة الثانيه صيانه 1000 كم ولا فيه اي شيء

[الضابط كروزر]

امش 120 الى 1000 كيلو

[مكتف الذيب]

هذي هايلوكس معرووفه بالقوه ماعليك حط رجلك ولا تنساا دعاا السفر

[اسبيدر مان]

اول شي نقول الله يطعمك من خيرها ويكفيك شرها ويجعلها ناصيه خير عليك
اما من حيث السرعه ماعندك مشكله لاكن لا تزر على المكينه بالقير يعني خلها تسرع على راحتها
وانتبه ترى يبي يطلع لك ريحه مثل ريحة احتراق البلاستك لكن لاتخاف هذي ريحة احتراق البويه الى على الكنداسه "بوية الحمايه من الصدى"
ولاتنساني من صالح دعائك

[التعـ King ـديل]

تقدر تمشي الى 140 او 150 بشروط

خذ السرعه بالتدريج

ابتداء من 80 وكل مامشيت مسافه زود السرعه لحد ماتوصل اللي تبي

[سعــود]

الله يبيض وجيهكم واحد واحد كل اللي ردوا علي واللي ماردو عسى ربي يجزيكم بالجنه ياااااارب

[YUKON_GMC]

المكينه ماتركب بالسياره الا ممرنه ومجربه حتى سرعة مئتين لكن للاحتياط :

اول 50 كيلو خل ممشاك 80
من 50 حتى 200 كيلو ممشاك 120 بعد الميتين كيلو حط رجلك لاتبي طبلونها كله

بس انصحك ماتسرع لأن السرعه مذمومه ومخاطره بالنفس والاخرين