الفزعه! دلوني على محلات بيع عدة صيد بالاحساء [الأرشيف]

المساعد الشخصي الرقمي

مشاهدة النسخة كاملة : الفزعه! دلوني على محلات بيع عدة صيد بالاحساء

wild_Tiger

13/05/2006, 02:27 PM

تكفون ياشباب اللي يعرف محلات بيع عدة الصيد في الحسا يدلني عليه واكون شاكر وممنون

محمد حسين

13/05/2006, 02:38 PM

حياك الله اخوي معنا في المنتدى الاكثر من رااائع

انا من سكان الدمام اقدر افيدك في الدمام اذا تبغى ...

wild_Tiger

13/05/2006, 02:46 PM

يعطيك العافيه بوحسين والله انا افضل الاحساء بس مايمنع تدلنا على محلات بالدمام يمكن نسير هاليومين ونمر على هالمحلات وممكن غيري يستفيد

وشكرا على المرور

wild_Tiger

14/05/2006, 08:57 AM

وينكم ياشباب المنتدى؟؟؟؟؟؟؟؟

وينك محمد حسين؟؟ وين محلات الدمام؟؟

محمد حسين

14/05/2006, 09:05 AM

اسف اخوي على التأخير في الرد

الامكان واجد عندك على طريق الخبر الدمام السريع بعد ملعب النهضه محل اسمه الخريف وعندك ايضآ مقابل ملعب الاتفاق محل اسمه عالم القوارب ...

في الدمام تعرف رئاسة البنات خلها على يمينك متجه الى شمال او متجه الى دوار الصدفه المحلات اللي على يمينك يمكن فيه اثنين او ثلاث محلات عندك ايضآ في سيهات عند سوق السمك ...

Dr_daase

28/05/2006, 10:14 AM

السلام عليكم و رحمة الله و بركاتة

احببت ان اشاركك اخي العزيز wild_Tiger عن محلات بيع الأدوات البحرية بلأحساء

اخي الكريم يجب ان تعرف ان اسعار ادوات الحداق في الأحساء قدتصل إلى ضعف سعرها في الدمام و الخبر والقطيف وووووو المناطق الساحلية

ان المعدات الموجودة في الحساء عند المحلات ( كل و شرب عليها الزمن ) من سنة جدي

لا توجد عدد حديثة سواء كانة قصبات او ميادير او او او او او

اما عن الأماكن فهي الباخرة في مجمع الأحساء التجاري رقم 1
الثاني محل الملا مقابل المجمع من الجهه الشرقية ولاكن سعرة ضعف الباخرة

انا شخصياً من الأحساء سكان القادسية محاسن و اذهب إلى الدمام عند عزمي على شراء ادوات للحداق او لطرادي

تحياتي و السلام

ذيب الليل

28/05/2006, 04:05 PM

ممكن تزورنا في قطر وتحصل على ما تريد أو نوصل لك كل متطلباتك ونحن حاضرين بالخدمة ترى عندنا كل أدوات الصيد ورخيصة لا تكلف شئ

wild_Tiger

29/05/2006, 11:34 AM

مشكورين اخواني على المرورشكراً لك Dr dasse وانا شفت الباخرة فعلا غالي وماعنده تشكيله كويسه
اخوي ذيب الليل مشكور وما قصرت وانا لي زيارات لقطر وان شاء الله قريباً لي زيارة بس ما ادري وين المحلات اللي تنصح فيها

ذيب الليل

29/05/2006, 03:55 PM

السلام عليكم و رحمة الله و بركاتة
المحلات كثيرة لكن أنصحك بمحل اللانقاوي
من دوار البلدية على الكورنيش متجة جنوب بمسافة حوالي 300متر يمينك ونتمنى أن تحصل على ما تريد

wild_Tiger

31/05/2006, 01:51 PM

تسلم يالذيب

Dr_daase

11/06/2006, 05:29 PM

ذيب الليل تكفا الفزعة اخوك سرقت قيور الطراد حقي في الدمام :( و بحثت عن قيور مستعملة ولقيت بس انها يمين ما لقيت عكس ( يسار ) ممكن تسأل عندكم في قطر وإذا لقيت تعلمني بأسم المحل و السعر

المكينة ياماها 200 حصان
الموديل 2002

او تعطيني تلفوناتهم و ان اكلمهم

و شكراً

ابو احمد

BO HAMAD

10/06/2011, 09:16 PM

مرسى الخليج - المبرز - شارع الراشديه العام

حداق سبيطيات

10/06/2011, 10:40 PM

مرسى الخليج - المبرز - شارع الراشديه العام
عزيزي ابو حمد محلكم جدا غالي وهو اخر اهتماماتي اروح الدمام اصرف لي منة
ليش كل هالطمع ياخوي هذا انتو يالحساوية طمع في طمع وماترضون بالربح القليل

كونتينر

10/06/2011, 11:33 PM

عندك محل اسمه الصياد على ما اعتقد بتحصل كل الي تبغاه من ادوات صيد بحري او ادوات صيد بري
هذا تلقاه عند دوار قطر دوار بنده 0

روح المحل وراح تدعيلي 0

ahmed777s

11/06/2011, 04:59 AM

عزيزي ابو حمد محلكم جدا غالي وهو اخر اهتماماتي اروح الدمام اصرف لي منة
ليش كل هالطمع ياخوي هذا انتو يالحساوية طمع في طمع وماترضون بالربح القليل

حداق سبيطيات من تكون عشان تحكم على الحساويه هذا الحكم

عيب والله عيب عليك لاتحكم على الجميع من خلال شخص

والله عندي كلام ودي اقوله بس ؟؟؟؟؟؟

الظاهر عندك اختبار بكره رح نام يا شاطر

بو لولو

11/06/2011, 12:39 PM

اخوي في محل اسمه البحار في الاحساء في شغلات عنده اسعارها مناسبه وحلوه لكن انتبه تشتري الثقالات من الحسا لنو اغلب المحلات تبيع بالحبه في الدمام والخبر تاخذها بالكيلو احسن ..

اخوي ذيب الليل انا لي جية قطر قريب ان شاء الله وابحث عن طراد ومكاين مستعمله ونظيفه وين القاهم ؟؟

accentkool

11/06/2011, 02:52 PM

عزيزي ابو حمد محلكم جدا غالي وهو اخر اهتماماتي اروح الدمام اصرف لي منة
ليش كل هالطمع ياخوي هذا انتو يالحساوية طمع في طمع وماترضون بالربح القليل
انا اووويد كلام اخوي حداق سبيطيات مانعرف اسعار الادوات الحقيقية الا لمن نروح الدمام ولا الخبر الاحساء مبالغين بقوة ونصب في نصب خلو ثقولكم تنفعكم الله يخلي الورش والبواجي والدمام بعد ههههههههههههههه
بعدين انا زرت محل مرسى الخليج اسعارة تشلهب يابوي ومبالغ فيها بقوة بس ادبكم محل الدوسري يعتبر ارخص محل بالاحساء

القصير111

11/06/2011, 02:57 PM

الشباب ماقصروا الله يعطيهم العافية

أبو سنيد 04

11/06/2011, 06:59 PM

الأخوان ما قصروا معاك ...
تقبل مروري بود ..

تحيات
أبو سنيد 04

Stranger MaN

11/06/2011, 07:43 PM

يا اخوان اشوف محل مرسى الخليج اسعاره طيبة و في اشياء غالية
خذ الل يناسبك والغالي تركه وعلى فكره هو يبيع الثقل بالكيلو احسن من غيره

زاحف بحر

11/06/2011, 08:23 PM

برق شرق

11/06/2011, 10:07 PM

يا شباااااااب !!

هدوو اللعب شوي .. الموضوع من سنة 2006 !!

يعني المفروض مجرد ذكر اسماء المحلات الموجودة في الاحساء و طرح الآراء ليستفيد منها الاعضاء الحاليين "مو اللي من خمس سنوات رادين على الموضوع " .. :D

عندك في الاحساء سبعة محلات :

1- محل الدوسري في المطيرفي على الشارع العاام .

2- محل غازي او نايف في المطيرفي على الشارع العام جنب محل الدوسري ( في عمارة وحدة )

3- محل مرسى الخليج في المبرز في ( الراشدية ).

4- عندك محل صياااد الخليج في المبرز قريب من سوق الاربعاء .

5- عندك محل على طريق قطر عند الدوائر ,,

6- محل في مجمع العفالق رقم 1 ( عند النفق ).

7- وعندك محل مقابل المجمع نفسه عند النفق على الشارع الثاني ( يبيع مصري ).

شوف اللي يعجبك ..

هذا زبدة الكلام .. ما قصرت يا " زاحف بحر " بدون نقص في بقية الاعضاء اللي ردوا .. ;)

عن نفسي جربت محلين من اللي ذكرهم "زاحف بحر " ..

( صياد الخليج ) اللي في المبرز و ( الصياد ) اللي على طريق قطر ..

الصراحة المحلين فيهم اشياء حلوة و ( الصياد ) عنده عدة بر و بحر اطلب تجد ما شاء الله عليه ..

" بعيداً عن التعصب " انا افضل ( صياد الخليج ) رغم انه ابعد من المحل الثاني لسببين :

1- (صياد الخليج ) العدة اللي عنده جديدة او على اقل تقدير احدث من اللي عند ( الصياد ) ..

اذكر ان مرة اشتريت من عند ( الصياد ) كم حاجة بعد ما وصلت البيت اشتغلت عليها تنظيف
و بعض الاشياء اللي اشتريتها كان في الكيس الخارجي تبعها قطع من البلاستيك كانت تتكسر بمجرد انك تمسكها !!

يعني معمرة بعض الشئ >> اشتغلت الفصحى .. هههههههههههههههه

يعني فيه اشياء انتبه لها قبل ما تطلع من المحل خصوصا لما تكون بلاستيكية .. :(

2- (صياد الخليج ) الشخص اللي يبيع فيه هو صاحب المحل نفسه .. يعني تقدر تناقشه و تكاسره .. :D

آسف على الإطالة ..

.. دمتم في أمان الله ..

حداق الأسياف

11/06/2011, 11:35 PM

أوصيك يالحبيب بالسناره فيبر ستيل والله يوفقك وأنشاء الله صيد وفير

BO HAMAD

12/06/2011, 03:40 AM

كبير يا زاحف بحر على راسي والله ولا هانو باقي الأخوووان

الله يحفظكم وجزاكم الله خير والله يوفقنا ويوفقكم

كوتشي

12/06/2011, 04:20 AM

اذا بتسمع نصيحتي يالغالي لا تشتري من اي محلات في الاحساء
ولاكن اذا بقيت تشتري اي عدة من الصيد وبتشتريها من الاحساء
انتظر يوم الجمعة يا طويل العمر وروح الحراج في ناس طيبة من القطيف يبيعون عدة صيد وانشاء الله كل شي بتلقاه عندهم

بن عويض

12/06/2011, 04:33 AM

تبي محل في الاحساء عندك البحار وعدله واحد ثاني
والمكان على طريق الدمام وتبي محلات في الخبر عندك عرفه البحار

nasser a

12/06/2011, 05:28 AM

عزيزي ابو حمد محلكم جدا غالي وهو اخر اهتماماتي اروح الدمام اصرف لي منة
ليش كل هالطمع ياخوي هذا انتو يالحساوية طمع في طمع وماترضون بالربح القليل

ليه ونا خوك الغلط لاتعم ونا اخوك اهل الحسا اهل كرم والنعم فيهم واذا على المحلات شوف شي طبيعي ان اسعار اغراض الصيد غاليه لانه مو منطقه ساحليه ولا في احد ينافسه في الاسعار
الملا انا اروحه كذا مره وخسران و راعيه هاوي بحر ومسلم المحل للهندي ولايدري عنه المحلات الثانيه اغلبها محلات رياضه ورحلات ويبيعون اغراض الصيد وبتحصلها اكيد غاليه

صاحب الموضوع لك مني حبة راس لاني طلعت برى موضوعك بس افضل مكان انا رحته الصراحه وحسيت انه عنده تنوع حلوو هو محل ذكروه الاخوان في خط قطر بعد الدوار

انا في الجبيل وتقريبا كل اسبوع او اسبوعين انزل الحسا اذا ناقصك شي اقدر اجيبه لك من الجبيل انت تامر

SNIPER07

12/06/2011, 08:34 AM

الله يوفق الجميع

و اذا تبي اي محل في الخبر،الدمام،سيهات،القطيف،صفوى و الجبيل

حاضرييييين نخدم الطيبييين تحياتي

الشقردي(العيون)

12/06/2011, 12:44 PM

والله الرجال سأأأأأأأأأل عن محلات الصيد ما سأأأأل عن الاسعار ,, ولا انتم

غللطانين تفكرون الرجااال قالكم دفعوا عني ,, ما احب الهتافات اللي ما لها داعي

وكل واحد يطلع لنا بطلعة هذا اسعارة كذا وهذا اسعاره كذاا ,,

عندك في الاحساء سبعة محلات :

1- محل الدوسري في المطيرفي على الشارع العاام .

2- محل غازي او نايف في المطيرفي على الشارع العام جنب محل الدوسري ( في عمارة وحدة )

3- محل مرسى الخليج في المبرز في ( الراشدية ).

4- عندك محل صياااد الخليج في المبرز قريب من سوق الاربعاء .

5- عندك محل على طريق قطر عند الدوائر ,,

6- محل في مجمع العفالق رقم 1 ( عند النفق ).

7- وعندك محل مقابل المجمع نفسه عند النفق على الشارع الثاني ( يبيع مصري ).

شوف اللي يعجبك ..

بالتوفيق للجميع ,,

ايوة اخوي زاحف البحر وهذا الكلام الي يحبة قلبك والي يريد يشتري حاجة مافية احد يطقة على يدة ويقول لة اشتر من محل فلان وفلان والمحلات كثيرة وانا جيت مرة محل البحار وماعندة الي احتاجة وقال لي روح محل صياد الخليج الي في المبرز وانا اشوف فية تعاون بين المحلات والله يرزقكم ان شاء الله يا اصحاب المحلات البحرية وين من زمان مافية محل الي اثنين في المجمع العفالق والملا والحين كثرو والله يوفقكم

بالنسبة لتعديل اسم
2- محل غازي او نايف في المطيرفي على الشارع العام جنب محل الدوسري ( في عمارة وحدة )

وهو اسم المحل ( البحار ) طريق الظهران بجنب محل 24 للقهوة

وعن اذن الادارة جوال صاحب المحل 0565654717

ABO ZAIN 29

12/06/2011, 01:13 PM

المشكله انه اكسنت كول مو يمك ولا كان فادك بس ان شا الله الشباب ما يقصرو