كفرات هانكوك +صوت غريب؟؟

[mooma]

السلام عليكم ورحمة الله وبركاته
-
-
-
- أخواني الله يسلمكم امس العصرية رحت لم وكالة هانكوك بشارع الضباب (بن شيهون) واخذت منهم طقم كفرات مقاسها 15 75 215 للهايلكس المهم الكفرات ممتازه بشكل عام

بس فيها شي غرييب ؟؟؟ صوت يطلع بالكفرات على جميع السرعات (من 20 الى 120كلم ((ماقدرت اسرع اكثر من 120 لأني في الرياض:mad:)
الكفرات تاريخها بأول سنة 2011 (الاسبوع 3 ) بس على كلامه انها في المستودع وان المستودع مضلل وفيه تكييف فما تتأثر سنة الصنع مادامت لم تتجاوز من سنه ونصف ؟؟؟
طبعا الكفرات ماشاءالله بقراطيسها ومختومه بس انها مخزنه بس؟
المهم الصووت امم كيف اقولكم كأنه صوت طياره لا لا والله ما أدري كيف أوصفه لكم لكنه زي كذا ( هههوووووووووهوهوو)بس مهو مزعج لكنه ملاحظ بشكل واضح
رجعت للمحل وهنا الكلام

قالي هذا طبيعي الكفر توه جديد وفيه مادة زي طبقة على الكفر وقال خلال اسبوع او اقل بيروح الصوت

فقلت أستشيركم؟ هل كلامه صحيح ان فيه مادة ؟واني أصبر على الكفر ويزين ؟

وهذي صوره للكفر
http://imm.io/n9yg


صوره اقرب

http://img43.imageshack.us/img43/2849/img3179b.jpg
اجمالا الكفرات حلوه ومريحه لكن ذا الصوت ضايقني

وشكرا لكم على المساعده..

[m3ax]

كلامه خطا اخوي ..

أنا عندي كفرات هانكوك لها تقريباً سنه ونص على موتري الخاص وعلى موتر الدوام لها تقريباً سنتين

كفرات هانكوك ممتازه من ناحية الجودة بالنسبة لقيمتها لكن يعيبها الصوت اللي انت تتكلم عنه

من أول يوم اخذتها فيه إلى اليوم والصوت موجود لدرجة اني خفت انه يكون عندي مشكلة في البيرنقات لكن المشكلة زي ما قلت لك موجوده حتى في سيارة العمل اللي معي يعني مشكلة من التاير نفسه

المشكلة ممكن تخف معك شي بسيط إذا رفعت هوى التواير 40 لكن ما راح تختفي المشكلة أبد وممكن يزيد الصوت مع الوقت ومع الحرارة

[abohmad]

الحمد لله انى ما ركبت هانكوك الناس تمدح واهى مهى عارفة شى

[مسير عليهم]

هانكوك اشتهرت مع جنوط المرسيدس على الهايلكسات

يعني دعاية لا اكثر ولا اقل والشعب مدرعم الله يستر عليه

[mooma]

مشكورين على مروركم الكريم
ياوالله البلشة يعني ذا الصوت ناشبلي!!!

أخوي عساك سالم بس!؟؟؟حنا مادمرنا الا درعمة ذا الدلوخ ؟؟ وانا ما انحديت على الهانكوك الا لسعره ؟؟37 ريال
أجل اليوكوهاما مسعهره العام ب380 ىيال نفس المقاس ،تدري بكم الحين ؟؟؟؟ب 490 لا بعضهم ب 500 ريال !!!!!والسبب السفهاء هاللي هبو في الهايلكس (يطق موتر بحدود 100الف واخرتها يوقفه على الرصيف وهاتك تلحيس في الكفرات (تلميع) !!!!
اعذروني بس والله شي في الخاطر

[abueyad286]

أخي أعتقدوالله العالم إن الصوت سبه نقشةالكفرفقدحصل معي من زمان كان معي كرسيداعندمااشتريتهاجديدةكان هناك صوت ولاأعرف ماهووكل ماغيرت الكفرات أغيرنفس النوع والصوت مازال موجودوفي المرةالثالثةغيرت كفرات من نوع ثاني تختلف النقشةوفعلا ذهب الصوت فاكتشفت العلةوهي النقشة هذامااحببت التنبيه عليه وشكراللجميع

[كاشت وحداني]

فيه نقشه من نقشات هانكوك تطلع صوت على اماكن معينه من الاسفلت
اذكر ركبتها على كامري وكنت احيان احس اني في طائره وقت الهبوط لين تعودت عالصوت


Sent from my iPhone using Tapatalk

[mooma]

مشكورين على مروركم الكريم نورتو الموضوع

بخصوص النقشة ولله اني مدري هل نقشه الي عندي هي تسبب الصوت(أخوي كاشت وحداني الصوت مثل ماتفضلت هبوط طياره) هبل بي ياجماعه

طيب شوركم ارجع للوكيل الي شريتها منه (بن شيهون) ولا وش السوات؟؟؟

[أطلال نجد]

تجربتي مع الهانكوك كانت ناجحه بعد الميشلان والبرجستون وكوبر ..ألخ
إطارات ناعمه ومطبها خفيف وجودة عالية والناس ما تمدح إلا من تجربة

أخوي الصوت عندك من سببين لا ثالث لهما

1 - نقشه الكفر لا تناسب سيارتك.
2- الكفر تاريخه قديم وناشف وصاحب المحل للأسف يبي يتخلص منه

موفق للخير

[الساهر2003]

هلا بالجميع
للفائدة
الهانكوك ممتاز لكن المستخدم يجب عليه ان يعرف مميزات كل كفر وسلبياته من نايحة النظر له يعرف كل شي من علامات ونقشة ورموز
مو مدرعم يقول للعامل ركب كفرات للموتر وهو جالس في الغمارة لا يدري عن تاريخ ولا عن نقشة ولا عن ارقام ورموز
الهانكوك ممتاز ويتميز بمواصفات عالية جدا من ناحية تحمل حرارة لانه سلك نايلون مو اسيام مثل البرجستون والدنلوب
مشكلتك النقشة نقشة الهانكوك ناعمة من الداخل على الدعسة لكن لو تناظر صح بتشوف النقشة الجانبية خشنة وهذي هي مصدر الصوت
والكلام ينطبق على جميع لكفرات اي كفر تشوفه مثل نقشة الهانكوك او اوسع فتحات جانبية اكيد الصوت عالي
للجميع اطيب تحية

[mooma]

أطلا نجد أخوي وش تنصحني اسوي ؟ وبالنسبة للكفر ومعاينتي له وجدت انه ليين ولا فيه يبوسه بس ما أدري يعني أنا كأني اخطيت يوم ركبته لأن تاريخه بأول 2011 بس الي بالمحل قالي انه مخزن بالمستودع ومقل ما انت شتيف المستودع مكيف ولاوصله شمس
الساهر 2003 أخوي أخوي انا ماقعدت بالغ ماره وقلت ركب وبس!!!!! لا يا أخوي بس ممكن تطلعني على اسرار نقشة الكفرات وبخصوص كفراتي صورتها فوق وأظن صورة النقشة واضحة فياليت تفيدنا فيها

مشكورين على الافاده

[الساهر2003]

هلا اخوي
كلامي السابق للجميع
تاريخ كفراتك ممتاز بحسب افادتك لنا والكفر ليين والهانكوك لين مو مثل اليوكوهاما او البرجستون قاسي او الدنلوب
لكن النقشة واضحة في الصورة واقصد النقشة الجانبية وفتحات النقشة الجانبية عريضة وهي مسببه لصوت ويزيد اذا نقص الهواء ويخف اذا زاد الهواء ولكن الحل في رئيي
الاستمرار عليها والله يطعمك من خيرها ويكفيك الله شرها
تمشيك 70 الف كيلو تقريباً
البائع لا يقبل استردادها بعد الاستخدام
ممكن تعرضها في النت وممكن تجيب لك سعر مناسب جداً
لكن هذه اغلب نقشات الهانكوك مثل هذي اللي عندك
وهي ممتازة لكن في البر لا تتحمل الاماكن الوعرة

[volcano]

سيارتي 2011 وكالة وعليها كفر هانكوك جنط 16 تشبه توايرك والصوت واضح ومزعج كانه صوت بيرنغ وماشية 30 الف بس بديت اتعود عليها (العيب والله اعلم بالكفر نفسه ما يعزل صوت الطريق)

اذا كان تبغى كفر هادي جدا عليك ببريجستون جي ار 80 او اخوه 90

http://im25.gulfup.com/2012-04-26/1335393348931.bmp (http://www.gulfup.com/show/Xr0w0wa0p06s8c)

[قناص 28 عفيف]

كفراتك قديمه لها سنه كامله والضمان سنه على صناعه الاطار
لا تاخذ الاطارات الا من شهرين ولا اربع شهور على صناعتها

انا ماركب الا هانكوك بعد ماجربت المشلان والبرجستون واليوكوهاما
افضل الهانكوك ثم اليوكوهاما للنعومتها وليونتها
وبالنسبه للصوت مايطلع عندي الصوت الا في بعض الاماكن يطلع صوت تششششششششششش واحيان مثل الصوت الي عندك بس بعض الاماكن مو على طول

[كم كيلو باقي]

على سياارتي من حول السنة .. مافيه صوت الحمدلله

[عبدالعزيز بن احمد]

هذا الله يعافيك يطلع من نقشة الكفر

[ابونبيل]

هانكوك اشتهرت مع جنوط المرسيدس على الهايلكسات

يعني دعاية لا اكثر ولا اقل والشعب مدرعم الله يستر عليه

:D غلطان وانا اخوك
الهايلكسات يركبون يوكوهاما مايدانون الهنكوك لانه يصوفر الخط

بس انا مركب هنكوك عشانه ارخص وبالبر حلو :good2:
وبالنسبه للصوت مايطلع عندي

بعدين اذا انت ماتحب الهنكوك غير يحبها ليش تقول الشعب مدرعم يعني محد فاهم الا انت.!!
لولا اختلاف الاذواق لبارت السلع :)

[دفاش]

الهانكوك ممتاز جداً

لكن الصوت من النقشة

جربته على فتك وباثفندر وفورد و جيب شاص

مافيه صوت نهائي ..

كفر ممتاز الصوت من النقشة ..

حتى اليوكوهاما فيه صوت لا تخاف وانا اخوك

[mooma]

أولا مشكووررين جميعا على الافاده والله يجزاكم خير ويعافيكم

وطمنتوني الله يطمنكم بالعافية

يالله نتعود عليه ان شاءالله ههههه

والسموحة على التأخير (كنت في الديره ) مهنا نت حولي (المزرعه)

[مسير عليهم]

:D غلطان وانا اخوك
الهايلكسات يركبون يوكوهاما مايدانون الهنكوك لانه يصوفر الخط

بس انا مركب هنكوك عشانه ارخص وبالبر حلو :good2:
وبالنسبه للصوت مايطلع عندي

بعدين اذا انت ماتحب الهنكوك غير يحبها ليش تقول الشعب مدرعم يعني محد فاهم الا انت.!!
لولا اختلاف الاذواق لبارت السلع :)

تعالي شفهم عندنا في الرياض مدرعمين على الهانكوك والغرابي يثبت كلامي

كلنا فاهمين لكن هنا الاغلبيه اعمارهم دون 30 وحقين الهوايلكس يعلمونك عن الهانكوك

مهوب مسأله اني احبها او لا لكن فيه البديل وارخص

[mooma]

تعالي شفهم عندنا في الرياض مدرعمين على الهانكوك والغرابي يثبت كلامي

كلنا فاهمين لكن هنا الاغلبيه اعمارهم دون 30 وحقين الهوايلكس يعلمونك عن الهانكوك

مهوب مسأله اني احبها او لا لكن فيه البديل وارخص

مرحبا أخوي مسير عليهم

أشكرك على تفاعلك مع الموضوع وبخصوص درعمة الشباب انا عمري تحت 30 لكن الحمدلله ليس مدح في نفسي

لكني لست مثل المدرعمين والامعات :mad:

خذ سجل عندك (طبعا كل الكفرات الي بذكرها مقاسها >15 75 215

1- يوكوهاما بـ 500 ريال وعند الوكيل بـ 490 ضمان سنه والكمية محدوده 1!!!!( وهل تعلم اني حصلت محل يبيع مقاس 205 بـ520 ريال !!!!!!السبب درعمة اصحاب النصب عليها :D )

2- برجيستون بـ 420 ريال ضمان سنه

3- دونلوب بـ 470 ريال !!!! ضمان سنه

وأخيرا هانكوك بـ 350 ريال !:) ضمان سنه

فممكن تقولي البديل الاخص !! اذا الصيني runaway بـ 270 ريال !!!!!!وضمان سنه ونص