قصيدة رثاء في الشيخ محمد عبدالله الشريده

[صيت النشاما]

مرثيه في الشيخ محمدالعبدالله الشريده الخزرجي القحطاني"
والذي توفي عصريوم الجمعه تاريخ 1433/1/21*

الله يايومن غدابي كابه اسودت الدنيا وضاق الفضاءبي "


يومن غزانا ماحسبنا احسابه حل القضاء واختارخيرة احبابي"
ابوفهداللي شبيه السحابه "اللي وفى بالطيب وبالدين رابي"
شيخ على وجهه عزيزجنابه"رجل يحب الطيب وبالطيب طابي"
من بذرته ماصك لناس بابه" مدلوق بابه للفقر مايهابي"
شهادة اللي من ربوعه حكابه" تحكيبه العربان ماهو سرابي"
الله يجيرك ياحفيدالصحابه" حيثك من الخزرج وجدك صحابي"
يامشاركن بالزاد حتى شرابه "مايستريح الا بنشرالزهابي
ادعيك يالمولى عليك الاجابه تقبل جنابه ياعزيز الجنابي
اليوم ياكبره وماكبرمصابه مصيبتن الله يهون مصابي"
"ابكيك وكل حيا يعرفك بكابه وادمع من العينين دمع حدابي"
غيابك اللي مايعوض غيابه بسمتك ضاعت وبدابي عذابي"
يابوي بعدك الفرح واسفابه "صرنا مع الاحزان عقبك اقرابي*
"اقنب كما قنبة شديد الذيابه "اللي قنب بالجأل من حرمابي"
يالله يالمعبودعجل ثوابه وعندالسوال يفوزوقت الجوابي"
الله لايخيب رجاء من رجابه" ياغافرالزلات وقت الحسابي"
تغفرلمنهو جاك باردى ثيابه" وحيد في قبره وتحت الترابي"
واختامها صلو عددماوطابه وعداد ماتقراحروف الكتابي*
على النبي الهاشمي والصحابه اعدادماينقط حقوق السحابي










التوقيع
ابي صديقن يفتل الراي ينصفك ,,,,,,,وصدره وسيع يوم ضاقت ابلادي ماهومن اللي لاخذ العلم ينسفك,,,,,,,يقرى خبرك وليا تورطت عادي