رد ومجاراه لـ خذ بدلتي

[برق الوسم11]

هذه القصيده رد ومجاراه على شاعر
الشاعر اللي يقول
خذ بدلتي وبريهتي للمناعير = سلم عليهم قلهم يفصلوني



جب بدلتك وبريهتك للمناعير
000000000ومع السلامه ماتشوف الحزوني
اباالبس البدله بدالك على خير
0000000واحمي الوطن واسهر لعينه عيوني
والصبح بالميدان قدوة طوابير
0000000000 واطبق التدريب باروع افنوني
واصبر على التدريب مثل المغاوير
0000000000واحفظ دروس مدربن مايهوني
والبس اشعار المملكه لانها غير
0000000000 اشرف شعار تفتخربه امتوتي
اشعار عز فيه حشمه وتقدير
000000000 وهيبه لها تركد جميع الجنوني
وان صاح صياح الخطر والمحاذير
000000000اقدم على الموت الحمر مانخوني
تفخربي البدله وتفخر بي امطير
0000000000وان مت بشعار الوطن كفنوني
وخلك على عمياك وتلاعب الطير
0000000000وعقب القنص تقول لي سلفوني
سلم على القايد وكل المشاهير
00000000000برق الوسم لرضاه جر الحوني

بقلمي برق الوسم

[منظر]

برق الوسم 11
تحيه طيبه
الرجال يبفصل علشان المقناص ؟؟؟؟
يعطيك العافيه
وصح لسانك

[برق الوسم11]

ربي يعافيك
ادري انه بيفصل على شان المقناص
لاهنت اخوووي بس موب معقوله يفصل
ويضيع نفسه ووظيفته على شان المقناص
تحيتي

[عابر سبيل 1]

حياك الله أخوي برق الوسم ...
صح لسانك وطاب فالك ...
أشكرك أخي الحبيب على غيرتك على الرجال ، لانك لاتريد له أن يفقد مصدر رزقه ...
دمت برعاية الله ...

[برق الوسم11]

حياك ياعابر سبيل 1
تشرفت بتواجدك لاهنت اخوي
ووودي برق الوسم

[الـسـاطـع]

تسلم أخوي برق الوسم على الرد والمجاره الطيبه والجزله
وجزاك الله الف خير على النصيحه والتوعيه الهادفه وهذا يدل على حبك للخير وللغير
تحياتي لك

[برق الوسم11]

الساطع يعطيك العافيه اخوي لاهنت على المرور
والعسكريه شرف ومصدر رزق وتكوين اسره ياغالي
وغناء عن منة الرجال من يسلفك 100 ريال يكسب فيك معروف
والقنص له طرقه وامكانياته وادابه واخلاقه شاكر لك طيب كلماتك
وووودي برق الوسم

[صقرالوافي]

قدم اجازه وحدر الدلو بالبير=
واسرح مع طيورك وجر اللحوني=
وقت الرخا شب الغضى للمباهير=
وصب الدلال وكل صعب(ن) يهوني=
والفصل لاتطريه مالك معاذير=
الصيد له وقته وربك يعوني=
وان عودت دون الوطن يالمناعير=
الشعب كله عسكري يلبسوني=]

[صقرالوافي]

اخوي برق الوسم حبيت اشارك معك بهذه الابيات البسيطه واتمنى ان تحوز على اعجابك واعجاب الاخوان
دمتم بصحة وعافية.....

[برق الوسم11]

صقر الوافي
وانت فعلا وافي وصح لسانك وفيت وكفيت وهذا هو الكلام
اللي عليه العلم 0 اما الفصل لاوالف لا خخخ
متابع بااعجاب لاهنت اخوي الف شكر ووودي برق الوسم

[الغدق]

وخلك على عمياك وتلاعب الطير
0000000000وعقب القنص تقول لي سلفوني

ههههههه
اضحك الله سنك
يجي مطفررر
صح لسانك وفالك البدلة

[نديم المجره]

صح لسانك
قصيده رائعه والاروع فكرت الرد على القصيده
دامت لك المسرات
تحياتي

[ضب الرياض]

صح لسانك
وكلنا جنود للوطن

[برق الوسم11]

وخلك على عمياك وتلاعب الطير
0000000000وعقب القنص تقول لي سلفوني

ههههههه
اضحك الله سنك
يجي مطفررر

صح لسانك وفالك البدلة



ربي يسعدك هههههههههههههه
المشكله عقب القنص واللبيب بالاشارة يفهم

[ابوسامي 2011]

اخوي برق الوسم وزملائي الاعضاء اسمحولي اخالفكم الراي واضم صوتي الى صوت الشاعر الاول والذي لم اطلع على قصيده ولكن رد شاعرنا قد اوضح معناها ويتضح بانه يتمنى المقناص وان العمل كان عائق دون تحقيق ذلك ويذكرني بشطر من قصيدتي قبل كم عقد في هذا المجال وقد قلت
لو ماعطاني ريسي خمسة ايام ... كان الله العالم لاخل الوظيفه
وشهوله اصبر واتجرى من العام ... واتلا التليا يعتبرها كليفه

[.أبوعبدالله.]

ههههه أضحك الله سنك

مجاراة طيبه .. وصح لسانك ويسلم بنانك ،،،

[سبع الخلا 911]

صح لسانك يالغالي

بس ابي افهم كيف جت على بالك ترد علية..

[برق الوسم11]

هلابك ابو سامي نعم نحترم رايك ووجهة نظرك
ولكن الوظيفه امان بعد الله من العوز والحاجه
طيب تركت الوظيفه وقنصت بااخر راتب واخذت راحتك
مثلا شهر خلص اخر الراتب ورجعت من القنص يعني ماذا تفعل
اولا تبيع البندق وبعدها الطير وبعدها السياره وبعدها الله اعلم
الحياه محتاجه مصاريف والفلوس عصب الحياه وعلى قولة اخواننا
المصريين معك ارش تساوي ارش مامعكوش ماتساويهوش <<ماعرف هرجهم ههههههه
احترم رايك وراي كل انسان ويعطيك العافيه 00

[برق الوسم11]

ههههه أضحك الله سنك

مجاراة طيبه .. وصح لسانك ويسلم بنانك ،،،


دوم الضحكه ياابو عبدالله
وصح بدنك ياغالي

[برق الوسم11]

صح لسانك يالغالي





بس ابي افهم كيف جت على بالك ترد علية..



ابشر والله من يعلمك
تعرف اخوك عزابي (متى المعرفه)وشيباني بالقصيم الله يحفظهم
اطلع من العمل واجلس بهالشقه ادربي راسي بهالمواقع
لقيت القصيده بصوت المنشد فهد مطر بصوت رائع
ولقيت هالبشر بين المؤيد والناقد بقوه حصلت رد واحد معارض ومؤثر
وانتقد حتى المنشد 00 اثر فيني كلامه ورده عقلاني وواقعي طقت براسي وسويتها
ورحت ادور موقع المنشد وسجلت معهم وقلت وينه خلوه ينشدها والا جاكم علم شكلهم ماعطوني وجه قلت ياولد نزلها عند اخوياك بمكشات يمكن يردون عليك ويرفعون من معنوياتك ونزلتها عندكم وسلامتك جبت لك القصه من اولها لااخرها ااااااااااا
وودي برق الوسم

[برق الوسم11]

شداد الرحال
وانت يوفقك

[غريب الشمال1]

كفو وصح لسانك مدد بليا عدد

جازت لي بالحيل

[برق الوسم11]

غريب الشمال
تسلم وماعليك زود ياغالي
منور حضورك البرستيج
ووودي برق الوسم

[ديوان العرب]

والنعم ولله وصح لسانك يابرق الوسم تفخربك البدله وتفخربك مطير هاذ ا مرد جزل من شاعر متمكن كلنا صقاير ولا نساوم الطير بالخدمه العسكريه او مصدر رزقك مهما كان

[0534677570]

صح لسانك ووالله انك صادق

[برق الوسم11]

ديوان العرب
تسلم ياغالي منور بحضورك الجميل
الف شكر ووودي برق الوسم

[بدر العتيبي2]

صح لسانك يالمطيري

والمقناص حبه يجري بالوريد صعب علينا نتركه بسهوله

[نجم000الشمال]

صح لسانك اخوي برق الوسم
مجاراة طيبة وللوطن رجال تحميه
دمت بخير.

[برق الوسم11]

كفو وصح لسانك مدد بليا عدد

جازت لي بالحيل

صح بدنك منور يالغالي
ووودي برق الوسم

[برق الوسم11]

بدر العتيبي صح بدنك
وادري انك تحب المقناص وتموت فيه
بس لاتخلي مصدر رزقك وفق بين الاثنين
والوظيفه اهم ووودي برق الوسم

[برق الوسم11]

نجم الشمال
منور ياغالي لاهنت
الف شكر وودي برق الوسم

[خالد العطااوي]

بررق الوسسسسسم ابيات جميييييييييله من شاعر اجمممممممل
وصح لسااانك والله يكثر من امثااالك

وصح لسانك ياصقر الوافي

تحياتي

[ابو زايد1]

صح السانك والله يعطيك العافيه

[منصور العاطفي]

هذه القصيده رد ومجاراه على شاعر
الشاعر اللي يقول




جب بدلتك وبريهتك للمناعير
000000000ومع السلامه ماتشوف الحزوني
اباالبس البدله بدالك على خير
0000000واحمي الوطن واسهر لعينه عيوني
والصبح بالميدان قدوة طوابير
0000000000 واطبق التدريب باروع افنوني
واصبر على التدريب مثل المغاوير
0000000000واحفظ دروس مدربن مايهوني
والبس اشعار المملكه لانها غير
0000000000 اشرف شعار تفتخربه امتوتي
اشعار عز فيه حشمه وتقدير
000000000 وهيبه لها تركد جميع الجنوني
وان صاح صياح الخطر والمحاذير
000000000اقدم على الموت الحمر مانخوني
تفخربي البدله وتفخر بي امطير
0000000000وان مت بشعار الوطن كفنوني
وخلك على عمياك وتلاعب الطير
0000000000وعقب القنص تقول لي سلفوني
سلم على القايد وكل المشاهير
00000000000برق الوسم لرضاه جر الحوني



بقلمي برق الوسم






قدم اجازه وحدر الدلو بالبير=



واسرح مع طيورك وجر اللحوني=
وقت الرخا شب الغضى للمباهير=
وصب الدلال وكل صعب(ن) يهوني=
والفصل لاتطريه مالك معاذير=
الصيد له وقته وربك يعوني=
وان عودت دون الوطن يالمناعير=

الشعب كله عسكري يلبسوني=
]





تحية منـــــي على راس تقدير ** لهل القصيد الزين وأهل الفنوني
ويازين طرق القاف في كلمة الخير ** وأخص نصح الناس وأهل المجنوني
وحب الوطن في دم حتى الصقاقير ** ولابه تعارض بين قنص وشجوني

[برق الوسم11]

ابو زايد صح بدنك

[حميد الهذلي]

بيض الله وجهك يا برق الوسم
فكرة ذكية ومجاراة جزلة وقوية
أسجل إعجابي الشديد بالقصيدة
دمت بخير

[برق الوسم11]

حميد الهذلي
يسلم راسك وصح بدنك
لاهنت ووودي برق الوسم

[مكرم الضيف]

صح لسانك وتقبل تحيتي

[برق الوسم11]

منصور العاطفي
كفو فيك وصح لسانك
وفيت وكفيت ياغالي لاهنت
تقديري لشخصك الكريم ووودي
برق الوسم

[برق الوسم11]

مكرم الضيف
مرورك وسام شرف
حياك اخوووي ووودي برق الوسم