سؤال ياأصحاب الخبره بارك الله فيكم

[قناص بني عبس]

السلام عليكم ورحمه الله وبركاته


كيف حالكم عساكم بخير


انا قررت اشتري كاميرا

ومحتار وش اشتري بس ابي اقولكم طلباتي بالكاميرا

اول شي واهم شي يكون سعرهـآ لا يزيد عن 2000 ريال

وثاني شي ابيلي كاميرا الدقــه عاليه جدا

يعني لما اصور الصوره تكون واضحــه بالحيل ومن قوة دقتها حتى الاشياء الصغيره فيها تكون واضحه

وثالث شي الزوم يكون عالي جدا وتصوير الفيديو يكون واضح ولا فيها وشوشه هذي طلباتي وابي نصيحتكم بارك الله فيكم واشكر كل من رد علي واسال الله التوفيق لي ولكم

[diver-1]

السلام عليكم
كيف حالك ؟
اخوي اذا تبي نفس المواصفات اللي قلتها مالك غير الاحترافيه واذا تبي

ارخص شي وحلوه للمبتدا
d1100 canon سعرها 2100
واذا تبي وحده سعرها حلو ومرره جميله وانا احبها طبعا كلها يجي معها عدسات مجانا

تحتاج لواحد متوسط بالخبره
d550 canon سعرها 2700
وفيه اعلى منها اللي هي اخر وحده من الكام الاحترافيه الرخيصه

للمتقدميين
d600 افضل كام عرفتها سعرها ٣٤٠٠ ريال طبعا
واللي بعدها ٧٠٠٠ الاف
واكثر وحده تستخدم والافضل بينهم اللي هي d600
واذا تبي تفاصيل اكثر (اقتبس المشاركه حقتي
وشكرا

للمعلومه الكاميرات بتدريج من الشين الى الزين

[mr.sam]

بور شوت كانون sx30رائعه وسعرها 1700ريال في كام فور سل
استخدمتها 6اشهر ونتائجهااا رااائعة جداااا
وفيها كثير من طلباتك
مع العلم انها كام شبة احترافية ولكن زومها لا يضاهيه زوووم
اتمنى اكون افتدك بالي عندي
واسأل الله لي ولك وللجميع التوفيق

[HAS5SAN]

انصحك بالسوني A55
ابحث عنها في القوقل وشوف مواصفاتها
وايضاً في اليوتيوب وسعرها مناسب جداً
النيكون والكونيكا صارت مثل السيارت قيمتها على سمعتها السابقة

[أبوجواهر]

انصحك ب SX40
سعرها عن الحارثى 1900 ريال
وفيه زوم غير طبيعى وابحث عنها فى النت

[كومبو]

السلام عليكم ورحمه الله وبركاته
وعليكم السلام ورحمة الله وبركاته

كيف حالكم عساكم بخير


انا قررت اشتري كاميرا

ومحتار وش اشتري بس ابي اقولكم طلباتي بالكاميرا

اول شي واهم شي يكون سعرهـآ لا يزيد عن 2000 ريال

وثاني شي ابيلي كاميرا الدقــه عاليه جدا


يعني لما اصور الصوره تكون واضحــه بالحيل
جودة الصورة تعتمد على العدسة المستخدمة + حجم السينسور وأحجام السينسور قريبة من بعض في جميع كاميرات الكروب فريم
ومن قوة دقتها حتى الاشياء الصغيره فيها تكون واضحه
الأشياء الصغيرة تحتاج لها عدسة ماكرر
وأرخص عدسة ماكرو بـ 1350 ريال من تامرون
وأغلاها بـ 3500 ريال من كانون الفئة الفاخرة
وثالث شي الزوم يكون عالي جدا
الزووم في الكاميرات الشبه إحترافية (مدمجة العدسة)
28mm-840mm في العدسة المدمجة
بينما الكاميرات الإحترافية لا تصل إلى هذه الأرقام في عدسة واحدة بل يجب اقتناء أكثر من عدسة
مثلًا
تآخذ عدسة 18-55 اللي تجي مع الكام
وتآخذ معها عدسة زووم والخيارات كثيرة
من 600 ريال
إلى أكثر من 9000 ريال
وتصوير الفيديو يكون واضح ولا فيها وشوشه
الوشوشة تقدر تضبطها من خلال اعدادات الكاميرا بإنك ما تزيد الأيزو عن 1600
وتآخذ عدسة ذات فتحة كبيرة مثل f/2.8 فأكبر
هذي طلباتي وابي نصيحتكم بارك الله فيكم واشكر كل من رد علي واسال الله التوفيق لي ولكم


أنصحك بكام 1100D مع عدسات حلوة حسب احتياجاتك
أو تآخذ لك كام شبه احترافية