استفسار عن هذا الفيتامين

[انور العنزي]

السلام عليكم ورحمة الله
هذا الفيتامين اول مره ابي اجربه وقبل مااعرف عنه شي الا انه من الميتشفى من الرياض الي عنده خلفيه عنه لايبخل علينا. كيفيت استخدامه وفوائده واذا له سلبيت يذكرها واكون شاكر
http://www.mekshat.com/pix/upload05/images246/mk206243_img_2012042739876.jpg

http://www.mekshat.com/pix/upload05/images246/mk206243_img_2012042749491.jpg

[عدد وحدد]

for لأجل
animal الحيوانات
treatmantعلاج
only فقط
هذ العنوان( لاجل علاج الحيونات فقط )
soluvet اعتقد اسم الشركه لان مالها ترجمه
باقي الكلام اخوي غير واضح

[ابوماجد6641]

هذا ألفتمين متعدد وفيه كذا ماده فيه حديد ومعادن وفتمين بي ولا يضر الطير ويكفيه مراه أو مرتين في إلا سبوع طرف رأس السكين مع العلف ’ موجود خلف ألعلبه جميع أنواع ألفتمينات ونسبتها’ وعسى الموضوع هذا ما ينحذف بعد

[انور العنزي]

الله يعطيكم العافيه على الردود الطيبه. انا الي جابه لي يقول حلو لقرنسة الطير وهو ماجربه انا ودي اعرف هالشي من احد استخدمه وهل له اضرار ياليت تفيدوني. وهل يعطى مع العلف والا بالماء

[ابوظافر90]

هذا الفيتامين يمكنك ان تعطيه مع العلف يعني يمكنك ان ترش ربع ملعقه صغيرة على العلف لكن من تجربه وجدت ان الطير بعد كم يوم من استخدامه يعاف العلف يمكن من رائحته او من الطعم
هذه تجربتي الشخصيه

[انور العنزي]

ابو ظافر مشكور على هالمعلومه وكيف النتائج انا شفت ناس يعطونه طيورهم وقت المقناص مدري وحتى مدحوه للملوع

[عابر الموج]

بعض الفيتامينات تضر الطير وقت القرنسة واعرفلك واحد عطى طيره العام فيتامين لكن لاعرف اسمة على كلامة اخذه من مستشفى الطيور ويقول قرنس الطير ووقت الهدد تكسر الريش اي صارت ريشة الطير اي شي يكسرها لكن عليك بالحلبة العادية مع العلف مسكت الاصبعين تكون مطحونة وان شاءالله تشوف الفرق تقبل تحياتي

[ســـبــار ربــعـــه]

هذا مكمل غذائي وتقدر تحطه مع الماء قلييل جدا وفي الشهر مرتين وترا طعمه اقشر وبعض الطيور تعافه.
وخطير جدا على مدهنة الطير وكثرته تسد المدهنه.

ويعطى للطير الي فيه نقص فيتامينات قليل جدا.

وبعض الطيور يرد علفته بسبب الفيتامين هذا.
تحياتي.