سالفة العامل والضب .. النبهاني ..

[النبهاني]

بسم الله الرحمن الرحيم


اخواني وأخواتي المكشاتيه


السلام عليكم ورحمة الله وبركاته


سويليفه قبل كم وكم سنه يعني مبطي كنا انا وواحد الله يذكره بالخير ومن يقرا عزوبيه آخذين بويت غرفتين وحويش ومنافعهن وتونا متوظفين


ويننا عند ارواحنا طايحين بالجخ جايبن عامل


وهالعامل يجي الضحى ويسبع المواعين وينظف البيت والا قضا من شغله يروح وبعض المرات نصادفه الا جينا من الدوام كان انه ما انتهى من شغله


بيوم من الايام مثل هالوقت طالعين للبروصايدين ضبان شي تغريق وشي طرد ومسك يعني ما فيه رمي من كثرهن هكا لوقت ماهوب الحين تدوره بكشاف


وحنا راجعين للبيت وبالطريق تفلتن بوسط السياره ويالله مسكناهن وجمعناهن من تحت المراتب


واخذنا لنا أربعة أيام وحنا نذبح منهن وناكل


وعقب اثنى عشر يوم او ثلاث طعش جيت من الدوام ودخلت البيت والا بوجهي العامل طايرتن بوهته ومناخره متفتحه ويرتعد ويقول دب دب


انا جا على بالي انه بالعن له شي وغاص ويبنن ادبه مع ظهره


واقوم واجمع اصابعي ( جمْع ) وانا ادبجه مع ظهره يوم تمدد بالارض طبعا دفاشه ما بعده دفاشه لأني خايف عليه ودي مايموت واثري بغيت اذبحه


انا انهبلت احسب ان قلبه يطلع يوم اخذت شوي وهو يقوم الحمد لله


ويردد دب دب ويومي بيده يمين ويسار


عقب فهمت انه شايفن ضب منطلق من اللي جبنا لاننا فاقدين واحد


قلت له وينه دلن عليه ولقيت الضب منّلفز وانا امسكه واربطه


العامل من هكاليوم الى اليوم ما شفناه ( سليمان ابو الريش خرج ولم يعد )


انتهت السويليفه ولكم مني أزكى تحيه


محبكم


النبهاني

[قوافي ( أم نهار )]

حياك ربي اخوي النبهاني
ذكرك الله بالخير وكل مسلم
قالك دب ودبيت الرجال مشاء الله لا قوة إلا بالله
عقب هالدبه بيتعلم عربي مضبوط.. على العموم يستاهل هذا جزا الفتان فتن على الضب وهو متغبي ..
اسعدك الله بالدارين على السالفه الجميله
تحياتي وتقديري واحترامي لشخصك الكريم
اختك
..قوافي..

[ذيب الفقارة]

طيب أخوي ما سألت عنه ... من يدري ؟؟؟

ههههههههههههههههههههههه

مشكور أخي

تحياتي وتقدير

[خوي مخباته]

هههههههههههههههههه ........... ههههههههههههههههههههه.........هههههههههههههههههههه هههه
الله يجازي شيطانك ياحبى ييبى والله اني غفلت من الضحك { اجل عتنته مع العترااا بالجمع } والله انك وليده
وتبي الحقيقه مزدي وهو؟ الحل القريب والدعوا مهيب سهله به حياة او موت .... لا .. ويقول دب دب ,,,
جعلوه عما الدبب : مشكوووووووووووووووورر اخوي الغالى" النبهاني " سالفه طيبه اضحكتنا الله يضحك
سنك وبيض الله وجهك وعوايدك السوالف الزينه ,,,,,,,,,,,,,,

[النبهاني]

حياك ربي اخوي النبهاني

ذكرك الله بالخير وكل مسلم
قالك دب ودبيت الرجال مشاء الله لا قوة إلا بالله
عقب هالدبه بيتعلم عربي مضبوط.. على العموم يستاهل هذا جزا الفتان فتن على الضب وهو متغبي ..
اسعدك الله بالدارين على السالفه الجميله
تحياتي وتقديري واحترامي لشخصك الكريم
اختك
..قوافي..






هلا وغلا بخيتي قوافي
الله يجزاك الف خير
أي والله دبيته دبة قشرا هكالحين مااكذب خبر
لاصار فتان اجل مثل ما قلتي يستاهل وقلعته وش قاله الضب الضعيف
الا كان الضب مطيرن عيونه عليه
فعلا سعدت بتشريفك يارائده الكلمه والله يجعل ايامك كله سعاده
الف شكر لك أخيه ودمت بحفظ الباري

[النبهاني]

طيب أخوي ما سألت عنه ... من يدري ؟؟؟



ههههههههههههههههههههههه


مشكور أخي



تحياتي وتقدير




هلا وغلا بذيبان
خله يولي هف مهف مقيط
لاتخاف عليه وظنه من الخوف خلا السعوديه كله
انا اللي اشكرك اخوي على حضورك الكريم
دمت بحفظ المولى

[اورنس الشمري]

يالربع لا تلومونه ترا الضب شكله اقشر

سالفة واحد من العيال ما يداني الضب , بس ياكله عادي

يقول حلو طعمه , بس لا تذكرت شكله اوجعن بطني :)

مشكور النبهاني على السالفة الحلوة

[النبهاني]

هههههههههههههههههه ........... ههههههههههههههههههههه.........هههههههههههههههههههه هههه

الله يجازي شيطانك ياحبى ييبى والله اني غفلت من الضحك { اجل عتنته مع العترااا بالجمع } والله انك وليده
وتبي الحقيقه مزدي وهو؟ الحل القريب والدعوا مهيب سهله به حياة او موت .... لا .. ويقول دب دب ,,,
جعلوه عما الدبب : مشكوووووووووووووووورر اخوي الغالى" النبهاني " سالفه طيبه اضحكتنا الله يضحك

سنك وبيض الله وجهك وعوايدك السوالف الزينه ,,,,,,,,,,,,,,




اهلين وسهلين بالغالي " خوي مخباته "
الله يجعل ايامك كله هنا وسعاده
تقوله صادق والله ياهي عتنه احسب ان قلبه ينقطع بس ربك ستر
تخبر منول بعض الناس يجيك غشيم ومتعافي
الله يطيب فالك ياخوي والله اتمنى ان احظى لو ببعض الاستحسان منكم
بالعكس انا اللي شاكر ومقدر حضورك الرائع
حفظك الله اخي

[النبهاني]

يالربع لا تلومونه ترا الضب شكله اقشر

سالفة واحد من العيال ما يداني الضب , بس ياكله عادي

يقول حلو طعمه , بس لا تذكرت شكله اوجعن بطني :)

مشكور النبهاني على السالفة الحلوة



حياك الله اخوي اورنس الشمري والله يحلي ايامك
والله ياخي معك حق الا برقت خاصة ايديه لكن حنا تعودنا وتاقلمنا ومن يوم فتحت عيوننا
وحنا نشوف الضب حتى لو يتشابط الواحد هو الضب عادي
والدعوى اظنه على قبول النفس
انا اللي شاكر لحضورك الرائع
دمت بحفظ الرحمن

[احمدالدمام]

اسلوبك ووصفك للقصه
تدل ان روحك فكاهيه
وسعت صدري الله يوسع صدرك

[راعي العجراء]

هلابك يايو سالم
والله يمسيك ويصبحك بالخير
اجل دبيت الرجال لما طلع ضبان من حلقه وهو ما أكل ولا ضب
بس من قوة الضربه جاب غاديات امس
سالفه جميله واسلوب اجمل
ولاتقاطعنا نبي من هالسويلفات اللي توسع الصدر
دمت بخير يابو سالم

[عابر سبيل 1]

حياك الله أخوي ابو سالم ...
أسعدتنا بالسالفه الزينه الله يسعدك في الدنيا والآخره ...
معذور هالمسكين الأوله تقطع قلبه من الخوف من الضب يوم شافه بالبيت،والثانيه جيت وكملت عليه بعتنه على الظهر ...
وشلون تبي تشوفه ...
تحياتي ...

[بنت الأحساء]

السلام عليكم
سالفه رائعه ههههه اول ماقريت رد العامل دب دب مافهمتها الا بعدين انه يقصد ضب هههه
يعطيك العافيه

[عاشق الوعل 1]

الله يسعدك يالنبهاني مثل ماسعدتنا بهالسلفه , و يحمد الله عاملك هذا
اللي ماطاح له بواحد مثل راعي العجراء وعجراه صار كان من
صيد امس على ميقولون .

[النبهاني]

اسلوبك ووصفك للقصه
تدل ان روحك فكاهيه
وسعت صدري الله يوسع صدرك



هلا بك اخوي احمد وحياك الله
اتمنى ان اكون عند حسن ظنك وارجو ان اكون كذلك
الله يوسع صدرك دوم بالعفو والعافيه وبقوة الايمان
اشكرك جزيل الشكر على حضورك الكريم

[النبهاني]

http://www.shmmr.net/vb/image.php?u=26218&dateline=1240168193

هلا وغلا بصديق أنا
حياك الله يابو جلنبو
الله يسعد مساك وصباحك بالخيرات
انا اشهد اني دبيته بس ما انا مثلك متسلح بعجراء
انا يوم ادبجه يقاللي اني ابي انقذه احسب انه آكل ضب ني وغاص فيه
الحمد لله ان السوليفه اعجبتك وترانا نمشي على اثرك لكن ما ناصل مواصيلك
الله يوسع صدرك بالايمان ويحفظك الرحمن

[النبهاني]

حياك الله أخوي ابو سالم ...

أسعدتنا بالسالفه الزينه الله يسعدك في الدنيا والآخره ...
معذور هالمسكين الأوله تقطع قلبه من الخوف من الضب يوم شافه بالبيت،والثانيه جيت وكملت عليه بعتنه على الظهر ...
وشلون تبي تشوفه ...

تحياتي ...




الله يحييك ويسلمك اخوي عابر سبيل
الله يسعدك بالدارين ويزيّن معانيك
والله انك صادق عز الله اني ما شفته عقب اللي جاه
واللي خايف منه يصير لعقله شي الله يستر
اشكر ك اخوي على حضورك الرائع والله يحفظك

[النبهاني]

السلام عليكم
سالفه رائعه ههههه اول ماقريت رد العامل دب دب مافهمتها الا بعدين انه يقصد ضب هههه
يعطيك العافيه



عليكم السلام
وحياك الله يا أخيه
الروعه بحضوركم الجميل واللي أشكركم عليه
قولة دب دب هي اللي ضيعتن وضيعته وبغت تصير مصيبه
بس الحمد لله جت سلامات بعد ما ستر الله
سلمتي اختي ودمتي برعاية المولى

[النبهاني]

الله يسعدك يالنبهاني مثل ماسعدتنا بهالسلفه , و يحمد الله عاملك هذا

اللي ماطاح له بواحد مثل راعي العجراء وعجراه صار كان من
صيد امس على ميقولون .




هلا وغلا ياعاشق الوعل
الله يسعدك اخوي بالدارين
لو هالضعيف طايح بيد راعي العجراء كان مع جد ابوي
لكن عندي احساس ان راعي العجراء حنين رغم العجراء والجلنبو
وانا مدري هذا احساس
اشكرك اخوي والله يحفظك

[عاصفة عروى]

مرحبا مليون بأخي النبهاني
قصة طريفه ههههههههههههههه
يعطيك 1000 عافية

[تلميذ]

تسلم لطرحك مثل هذه السواليف اللطيفه
خليت الهندي محتاس بينك وبين الدب دب
زين ما جاته جلطه اتوماتيك عاليه السرعه
مشاركه خجله امام ما تملكون من جمال الحرف والاسلوب في السرد
دمتم في خير وعز

[محمد الظاهري]

Navy"]
ياهلا والفين هلا
حياك الله ياغالي
ماشالله عليك وياهزي على الهندي المسيكين
طرح في قمة الجمال
مثل ماقال راعي العجراء نبي منك شيً واجد من القصص الي تفتح النفس
اشكرك يامبدع
تحياتي لك
اخوك[
RIGHT][/RIGHT]

[Al3rands]

الظاهر انك مصدقت خبر وجت بظهر الظعيف

[النبهاني]

مرحبا مليون بأخي النبهاني
قصة طريفه ههههههههههههههه
يعطيك 1000 عافية



ياهلا وغلا بخوي عاصفة عروى
سلمت ولا هنت اخوي والله يسعد ايامك
اشكر لك هذا المرور العطر

[النبهاني]

تسلم لطرحك مثل هذه السواليف اللطيفه
خليت الهندي محتاس بينك وبين الدب دب
زين ما جاته جلطه اتوماتيك عاليه السرعه
مشاركه خجله امام ما تملكون من جمال الحرف والاسلوب في السرد
دمتم في خير وعز




مرحبا الف استاذي تلميذ
سلمت ولا هنت اخوي
مثل ما تفضلت هالهندي ما سلم من هالدب ولا من دب النبهاني
لكن ربك ستر وسلم الحمد لله
حضورك استاذي وماتخطه من كلمات نبراس فقد حظيت وسعدت بهذا الشرف
لك مني اجمل تحيه وازكى ود

[النبهاني]

Navy"]
ياهلا والفين هلا

حياك الله ياغالي
ماشالله عليك وياهزي على الهندي المسيكين
طرح في قمة الجمال
مثل ماقال راعي العجراء نبي منك شيً واجد من القصص الي تفتح النفس
اشكرك يامبدع
تحياتي لك

اخوك[[
CENTER][/CENTER]RIGHT][/RIGHT]



هلا وغلا بمشرفنا الغالي الظاهري
الله مير يحييك ويسلمك
الجمال اجده بحضورك مشرفنا وتشجيعك
فلك مني جزيل الشكر والعرفان دمت لنا مشجعاً
وفقك الله وحفظك وغمرك برضاه

[النبهاني]

الظاهر انك مصدقت خبر وجت بظهر الظعيف



هلا بخوي الثرندز
بين وبينك الشغله جازت لي
بس الحمد لله جت سلامات
مشكور اخوي على حضورك