فكسار والعزم ميت .. ارجو المساهمه بالنصيحه والمشوره

[w9l]

السلام عليكم ورحمة الله وبركاته ....

عندي مشكله مع فكسار 98 عزززززمه مهب اللي بالخاطر ياخي احس ان الموتر احد ماسكه .... المعروف عن الفكسار نفسه خفيفه خص لاجا قير عادي بعد ياااااسلاااااام

بس ذا جنني وديته فحص كمبيوتر قال تصفيه وصفيته ( فلتر بنزين + فلتر هوا + بلاكات) وحطيت علب تنظيف البخاخات بفتحة البنزين كل تانكي حطيت فيه علبه ... وحسيت بفرق بسيييييييييييييط لايذكر .... طبعا انا شيكت على الكويلات حقت البلاكات قالي الكهربائي جيده مايحتاج تبدلهم .... رحت الميكانيكي قلت البخاخات افكها ولا مايحتاج العلب تكفي ؟؟؟؟؟ قال لا العلب احسن بدال الفك والزحمه وهي تنظف البخاخات

في احد الاخوان نصحني بشغله اول مره اسمعها وهو يقولي عن تجربه ... قالي غير(( سنسر المكينه او سناسر المكينه )) يقول هي اللي ماتخلي الموتر يفتح تكتم عزمه وانه غير السناسر هذي على موتره جكسار 6 سلندر وتغير معه بشكل كبير

اللي مر بالشي هذا يفيدني الله يجزاه خير جنني الموتر والله ... ولا ادري وش هالسنسر هذا اللي اعرفه ان السنسر هو المستشعر اللي يحطونه على الدعاميات

معلووووووووومه الموتر يشرب البنزيييييييييييين شرب الموت يعني التانكيين الاساسي والضافي كلهم على بعضهم يمشيني 300 كيلو هل هذا طبيعي ؟؟؟؟

[اورنس الشمري]

طيب فحصت الصحن والدسك .

لأنه أنا سابقاً معي سفاري ميت عزمه والسبب الصحن والديسك .

[ramy asiry]

شيك على البواجي ممكن تكون عمرها منتهي أو عليها زيت
نظف الثروتل بدي
السنسر هل المقصود الحساس؟؟؟

[ramy asiry]

طيب فحصت الصحن والدسك .

لأنه أنا سابقاً معي سفاري ميت عزمه والسبب الصحن والديسك .
خصوصا اذا كان صوت المكينة مرتفع ولا يوجد عزم

[w9l]

خصوصا اذا كان صوت المكينة مرتفع ولا يوجد عزم

اي باللللللللللله الله يذكرك بالشهاده انا ماطرى على بالي هالشي قلت يمكن انه طبيعي

الموتر صوت مكينته عالي يعني صوته اكبر من عزمه ... وبعدين كلتشه احس فيه بلا مدري هو فيه شي ولا انا موسوس .... الموتر تقومه باثنين تقوووول كنك مقومه بثالث لاااازم اخطط بانزين ... يعني لو ارفع رجلي بدون بنزين بيطفي... حتى بالواحد بعد بس بنسبه اقل طبعا ..... اللي يخبرله مكانيكي فنان بالكويت يدلني خبررررررره باللاند

وماقصرتو عموم من دخل وشارك او حتى اكتفى بالقراءه

[فتى الوادي]

إذا فيه صوت مرتفع للمكينة والعزم ما هو على قد اصت أكيد من الكلتش والدسك ولوازمها ...

[سحاب1]

ان شاء الله افادوك الاخوان
بالتوفيق

[ابوحميد122]

عندك اكثر من شغلة
١// البواجي
٢// تنظيف التروثل
٣// تغيير الصحنة والدسك والفحمات
٤// تفلله بنزيل احمر وتمسك عليه خط وتكون السرعة ١٢٠ لين يفضى التنك
٥// اذا كان توماتيك يلزم تغيير فلتر القير مع تغيير الزيت

امل أني افدتك
دعوااااتك

[ملك الفكتوريا]

يمكن مكربن بس ويبي خط ويضبط


وتنظيف الثروتل ومنظم الهواء مهم جدا



ولا تنسى فلتر الهواء

[w9l]

الله يجزاكم خير بس الثروتل هذا ماعرفته ووين مكانه في الفكسار ؟؟؟

ومحد من الجماعه اللي ردو جاب طاري ( سنسر المكينه او سناسر المكينه ) اللي ذكرت باول الموضوع احد يعرف عنه شي ؟؟؟؟ ووين مكانه بالمكينه بالظبط ؟؟؟

الله لا يحرمنا وياكم من الاجر والخير

[ramy asiry]

الله يجزاكم خير بس الثروتل هذا ماعرفته ووين مكانه في الفكسار ؟؟؟

ومحد من الجماعه اللي ردو جاب طاري ( سنسر المكينه او سناسر المكينه ) اللي ذكرت باول الموضوع احد يعرف عنه شي ؟؟؟؟ ووين مكانه بالمكينه بالظبط ؟؟؟

الله لا يحرمنا وياكم من الاجر والخير
sensor كلمة انجليزية وهناك العديد من الحساسات في السيارة منها حساس الهواء والدعسة وغيرها
الثروتل بدي اللي راكب فيه اللي حق التبخير (((لي الهواء اللي من فلتر الهواء للمكينة))
وخليه ينظفة والسيارة طافية ولا يخش المنظف جوه أبدا عشان جلد البلوف يعني ينظفة من الخارج فقط

[fa2006sa]

السلام عليكم ورحمة الله وبركاتة

نصيحة بسيطة
اشر منضف بخاخ تلقاه في محاط البنزين ومسك خط وجرب
عن تجربة لكن اخذ الاصلي
اذا استبعدنا الدسك والبواجي

[عـاشق الشيهانه]

وعليكم السلام ورحمة الله وبركاته
شف وانا اخوك انا معي هايلكس وجنني كاتم والدعسة كلها يالله تمشي 80 او 90 بس
ماخليت محل مارحت له ولا فحص كمبيوتر ورحت له الفحص يقولون لي ان المكينه سليمة
ولا فيها شي ونسبتها في الجهاز 80% وكهربها مظبوط وكل شيء في المكينه سليم
وفي الأخير لقيت الشكمان متسكر من البيئية وقصيت الشكمان والحمد لله ضبط الموتر معي
بس في الأخير طلع فيه صوت طقطقه في المكينه وصارت البساتم مع الضغط توسعت الأسطوانات
بس انا موتري ماخذ له اكثر من شهرين وانا العن خيره وهو كاتم ادعس المكينة خطر ماتنفجر والموتر مايمشي
فنصيحتي لك اخي الكريم فك الشكمان من عند القزوز وجرب الموتر
لعل وعسى اني افتدك بما عندي من معلومة

[w9l]

الله يجزاكم خير جميع من رد او حتى اكتفى بالقراءه والإطلاع .. طيب يا اخوان مو حرام ياخذون مني 100 دينار فحص كمبيوتر ميكانيك وكهربا ولا يقولون لي العله ؟؟؟

والله يا ان استشارة الربع اللي مثلكم وشرواكم انها ابرك بمليون مره .. واسأل مجرب ولا تسأل طبيب


مجرد اقتراح بسيط للاداره الموقره وللصالح العام وتوفير الجهد

اتمنى تحطون قسم لمشاكل الياباني والامريكي والخ الخ ... وتحت مثلا الياباني تفاصيل اكبر مثل تيوتا نيسان متسوبيشي ( اتكلم كمشاكل واعطال وليس رابطات ملاك ) وهذي تصب في مصلحه الجميع دون استثناء والكل يستفيد من تجارب اخوانه اللي عندهم نفس الموتر ونفس الموديل ... يعني تخيلو بالنسبه لموتري بالله كم واحد بحصل عنده فكسار 98 كثييييييييير لو كل واحد قال عن مشكله حصلتله يشيخ يمدينا نصنع سياااااره تقليد للفكسار :D ههههههههه زودناها حبتين لا والله القصد تعرف كل صغيره وكبيره بالموتر اللي تحتك

هذا اقتراحي ودمتم بود

[abohmad]

السلام عليكم اخى العزيز التيوتا موتر ثقيل فى الاساس ومعروف فى هذه الميزة يعنى ماجبت شى جديدالثقل فية فية

[(((.ابوتميم .))))]

فلتر البنزين
ان لقحت والا ماضرها الفحل غيره ان نفع والا ماضر

[lo8oo8ol]

الاخ w91
وش صار معك على موضوع ثقل الموتر،،،
اذا ممكن تشرح لنا لقيت حل والا بعد ...

بنتظارك ،،،

[تميم2222]

هذي نفس مشكله واحد من الربع :( ومالقا لها حل ؟؟ ما خلا ورشه مارح لها حتى بالماريه ثقيل بالطعوس الموتر .. وباعه بتسلب سرق اهله ... اذا لقيت حل افدنا عشان نفيد الناس اللي عندهم نفس المشكله ولك التحيه ^^

[طيرشلوى 2]

اخوي شيك على الدبه يمكنها منسده وعلى دبه البيئه واذا ما نفع اكيد عندك بعض البلوف قافله

[عمر الشريف]

وعليكم السلام ورحمة الله وبركاته
شف وانا اخوك انا معي هايلكس وجنني كاتم والدعسة كلها يالله تمشي 80 او 90 بس
ماخليت محل مارحت له ولا فحص كمبيوتر ورحت له الفحص يقولون لي ان المكينه سليمة
ولا فيها شي ونسبتها في الجهاز 80% وكهربها مظبوط وكل شيء في المكينه سليم
وفي الأخير لقيت الشكمان متسكر من البيئية وقصيت الشكمان والحمد لله ضبط الموتر معي
بس في الأخير طلع فيه صوت طقطقه في المكينه وصارت البساتم مع الضغط توسعت الأسطوانات
بس انا موتري ماخذ له اكثر من شهرين وانا العن خيره وهو كاتم ادعس المكينة خطر ماتنفجر والموتر مايمشي
فنصيحتي لك اخي الكريم فك الشكمان من عند القزوز وجرب الموتر
لعل وعسى اني افتدك بما عندي من معلومة

أنت صصآدق يآعآشق كانت عند >خآلي< لاند 94 مشكله مشآبهه كآن الموتر سلمكم الله بالعآفيه يمشي المهم الله يحفظه كآن فآهم بالميكآنيكآ فكآن يقول هذي القربه الأمآميه للكندآسه سآئلته كيف عرفت ؟؟ جآب البسآط وإنسدحة عند القربه الأمآميه حركتهآ بيدي ولا فعلاً أسمع صوت غيرها ولله الحمد الموتر 100% أتمنى أن تكون مشكتك بسيطه إن شأء الله

[zulfi]

الكويلاااااااااااااااات إفحصهن أكيد متشرمات ..

[وجعين]

اختبر السياره قبل تغيرله دزق وكلتش وهي انك تقوم الموتر برقم3 بعد ما يمشي الموتر شوي تدوس لاخر شي كنه فوت الكلتش خلاص غيره او انك تعطيه نمره الثالث قبل يطلبه وتدوس لاخر شي يبين عندك هل الكلتش سليم اولا

[ابو كلام]

اهلا وسهلا بالحبيب ابشر بسعدك وامور موترك بتنحل بأذن الله بس ابي منك الدعاء وتفيدنا اذا انحلت مشكلتك اوكيه
اول شي تروح لشخص متخصص في جيوب فكسار 8 سلندر وتقول له اووزن ليه سير التيمن لا تناقشه في شي ابدا ولا يتفلسف عليك مااااشي اذا ضبط الموتر اهلا وسهلا وانا متوقع بيضبط بنسبه 90 في الميه الورش كلها ماتعرف هذا الشي واذا ماضبط شيك على الدبات حقت الشكمان يمقن انها متسدده تفك وتتنظف من الكربون وانا اتوقع الحل الاول وبالتوفيق..........

[sgl2002]

موترك صرفيته غير طبيعية ابدا

المفروض يمشيك 600 كيلو

على العموم وشلون سير التيمن اللي يتغير كل 150 الف

وبعدين هل الموتر يدخن اسود


الكلتش اذا كان خربان تشوف الموتر وانت تمشي تقول رجلك على الكلتش

[BoOnD]

بشر يا راعي الموتر وش صار ع الجيب

للرررررررررررفع

[ساري بريدة]

هذي القربه الأمآميه للكندآسه سآئلته كيف عرفت ؟؟ جآب البسآط وإنسدحة عند القربه الأمآميه حركتهآ بيدي ولا فعلاً أسمع صوت غيرها ولله الحمد الموتر 100% أتمنى أن تكون مشكتك بسيطه إن شأء الله .

كلامك مظبوط هذي حاصله لاواحد من الربع حصل النداسه الكبيره


مليانه مثل التراب يقول وبعدالتنظيف زادة السرعه وكذالك اانخفاظ الحراره

[ابو كلام]

السلام عليكم ورحمه الله وبركاته
ياراعي الموضوع آمل افادتنا عن مشكلتك انحلت ولا ما انحلت؟؟؟؟؟
بالتوفيق،،،،،

[ابوراكان تبوك]

حياك الله اخوي




الحساس اللي بالصورة هذا حساس السنسر حساس الشفط وظيفته هي تحديد درجة شفط الهواء الداخل لراس المحرك
http://up13.up-images.com/up/viewimages/2ffac4db44.jpg


اذا خرب يخلي العزم صفررررررررر وتولع لمبة المكينة فكه ونظفه بخاخ اسي ديلكو






على هذا الرابط هنـــــــــا (http://www.thecartech.com/ArticlesAndParticipation/Participation/ECU.pdf)شرح كامل لجميع الحساسات باللغة العربية ووظيفتها ومواقعها في السيارة


وفيه بدبة التلوث لسان يفتح مع تشغيل السيارة ويغلق اذا طفت السيارة احيانا يجيم ويفتح نص فتحه ويكتم السيارة فكه عند حقين الشكمانات وتأكد منه

[w9l]

السلام عليكم ورحمة الله وبركاته ... حيالله النشامى اعتذر عن الغيااااب الخارج عن الاراده

والله يسعدكم عزالله كلكم ماقصرتو بكلامكم الطيب وحب المساعده والفزززززعه ولاهي غريبه عليكم بعلمكم وش صار معي

اول شي رحت لميكانيكي وانا محتار بين امرين ( سنسر المكينه اللي ماعرفت قصته :D او اني بغير دسك وصينيه وفحمه ) قام جرب الموتر الميكانيكي وقااااال موترك مافيه الا العافيه ... قلت طيب السنسر ذا وش قصته ؟؟؟ يمكن فيه بلا خرباااان شي ... قال اذا خربان تطلع لمبه المكينه فالطبلون .. باختصار موووترك مافيه شي .... طلعت منه وانا للحين ماطاب خاطري ... رحت لمحل ثاني وقلت على طول بدل الدسك والصينيه والفحمه ... وبالمره كان عندي تهريب بشبنة القير الاماميه قلت ظبطه وشيك على زيت القير وكان ناقص وزااااده وبعد زيت الباككس ناقص وزاده ... وهنا بالصدفه ياجماعه انحلت معي مشكله وش هالمشكله ؟؟؟؟؟؟ قلت لكم الموتر صوته مو طبيعي .. من جهة دبة القزوز كان في قااازقيت مدري قالي خربان مدري شفيه وقاااااام وبدله شغله تاااافهه يعني بنظري .... متى لاحظت ان المشكله انحلت ؟؟؟؟؟؟ يوم قالي خلاص توكل على الله ..... جيت الموتر ابي اشغله احسبه طافي ماله صوت هههههههه يعني راح الصوت ولله الحمد من هالقازقيت مدري عاد اللي عنده خبره بالشي ذا يفيدنا ويفيد الاخوان

نجي للمشكله الاساسيه للموضوع وهي العزم للأسف مانحلت :( الحين انا شاك بسير التيمن الاكيييييييييييد انه طاف 200 الف ماتبدل وهل هو له علاقه بالعزم ؟؟؟؟؟
جنني هالعزم هذا ماااااااعرفت له سكه

واشكر جميع الاخوان واعتذر مره اخرى عن الانقطاع والله يبيض وجيهكم جميعا

وكل عام وانتو بخير وتقبل الله منا ومنكم صالح الاعمال

[س س س 5]

جابك الله

انا موتري نفس موترك بس ٩٩


لكن عندي مشكله فيه كتمه. تجيب المر


امس اجرب مع أكسنت ٢٠٠٦ ماسك معي الى ١٤٠ وهو ماسك جمبي


اما الاكسنت لو اتسابق معه على رجليني سبقته من دجا عزمها


ويوم فحصها طلع لي حساس الدق>>اول مره اسمع به


لكن باغيره بس مدري متى ويشوف تغير ولا لا

[w9l]

جابك الله

انا موتري نفس موترك بس 99


لكن عندي مشكله فيه كتمه. تجيب المر


امس اجرب مع أكسنت 2006 ماسك معي الى 140 وهو ماسك جمبي


اما الاكسنت لو اتسابق معه على رجليني سبقته من دجا عزمها


ويوم فحصها طلع لي حساس الدق>>اول مره اسمع به


لكن باغيره بس مدري متى ويشوف تغير ولا لا
هلابك ويامرحبا. والله ياخوك انت احسن مني يوم فحصت طلعت العله. انا فحصت ويقولون مافيه شي الموتر. معااااااد باقيلي إلا أغير جنزير الصدر ونشوف والله كريم

[w9l]

ابشركم ابشركم ابشركم انحلت المشكله ولله الحمد والمنه ولاقصر كل من شارك وتابع ورد

اليوم رحت ابي ابدل جنزير الصدر وبدلته ولله الحمد ... بس طبعا جنزير الصدر ماكان له دخل بالموضوع اساسا ولكن بدلته احتياطا ..... تخيلو العله طلعت وين ؟؟؟؟؟؟؟؟؟؟؟؟

هذا سلمكم الله دعسة البنزين اللي داخل الكبوت ... مهب السليتر اللي عند الرجل

السليتر تدعسه كله برجلك واللي داخل الكبوت يعطي نص دعسه :D

عاد وزن الدعسه اللي بالكبوت اسمعه يقول 70 الوزنيه الطبيعيه .. شغلة عيار . والموتر الحين زي ماقال السوري ززززي الحمااااامه بخفته الحمدلله

وهذا كل الموضوع اللي اشغلني في نفسي واشغلتكم معي .. الله لا يشغلنا الا في طاعته

واشكر جميع اعضاء المنتدى وعلى كل من اجتهد بالنصيحه والله يجعله في موازين اعمالكم ... وقلت ابلغكم يوم انتهت المشكله وعشان يستفيدون الاخوان ودمتم بود

[sgl2002]

طيب ياخوي ماكان يبين معك وانت واقف

يعني وهو واقف ادعس له وشف هو يوصل للاخير؟!

[ماجد ابو فيصل]

اخوي ترا بواجي الفكسار تختلف عن بواجي الجي اكس ار واكثر الناس يركب للفكسار بواجي جكس ار يحرقها ما مشت 2000 كيلو تاكد ان بواجيك حقت فكس ار

[الربذي]

ابشركم ابشركم ابشركم انحلت المشكله ولله الحمد والمنه ولاقصر كل من شارك وتابع ورد

اليوم رحت ابي ابدل جنزير الصدر وبدلته ولله الحمد ... بس طبعا جنزير الصدر ماكان له دخل بالموضوع اساسا ولكن بدلته احتياطا ..... تخيلو العله طلعت وين ؟؟؟؟؟؟؟؟؟؟؟؟

هذا سلمكم الله دعسة البنزين اللي داخل الكبوت ... مهب السليتر اللي عند الرجل

السليتر تدعسه كله برجلك واللي داخل الكبوت يعطي نص دعسه :D

عاد وزن الدعسه اللي بالكبوت اسمعه يقول 70 الوزنيه الطبيعيه .. شغلة عيار . والموتر الحين زي ماقال السوري ززززي الحمااااامه بخفته الحمدلله

وهذا كل الموضوع اللي اشغلني في نفسي واشغلتكم معي .. الله لا يشغلنا الا في طاعته

واشكر جميع اعضاء المنتدى وعلى كل من اجتهد بالنصيحه والله يجعله في موازين اعمالكم ... وقلت ابلغكم يوم انتهت المشكله وعشان يستفيدون الاخوان ودمتم بود
بشرك الله بالخير انا قاعد اتابع قلت لايكون لقى الحل وطنشنا مثل الكثير من الاعضاء زين الحمامه تفتك من الغشمان والمرجج وساهر المتخبي
زين موفق

[س س س 5]

الحمد الله جت سليمه



طيب يالغالي كيف عرفتا توزنه يعني فيه جهاز يوزن ولا بالنظر توزنه?? ?

[ابوزياد وراما]

شيك على الاقزوز تري ياثر ع العزم بالله التوفيق

[w9l]

طيب ياخوي ماكان يبين معك وانت واقف

يعني وهو واقف ادعس له وشف هو يوصل للاخير؟!


اصلا ماكااااااانت بالبال السالفه هذي . وبعدين عشان اوصفلك اكثر الموتر يمشي معي ليييييييييين الفصله 190 او 185 عارف ؟؟؟؟ عادي يعني بس ايش الفرق ؟؟؟؟ انه الموتر تحسه ثقيييييييل .. ولما اجي اتجاوز وارجعه نمره ماااااايطربك احسه مادرى عن هوا داري ...... وللامانه الفرق بعداد الضغط وحركة العداد اختلفت وانا مالاحظت الا الحين
اول احس العداد خدراااااااااان الحين لا يطمرررر مطااامر مع الدعسه وهو واقف او اني ماسك كلتش .. طبعا اول كنت احسبها طبيعيه قلتلك لانها ماكانت متوقعه بالنسبه لي على الاقل ... والحمدلله ظبطت العمليه ويمكن تصير مع اكثر الناس انه يحوووس يحووووس على العله ويحتار واخرتها تطلع من شي بسيط جدا وماهو متوقع :D
اشكر تواصلك

[w9l]

اخوي ترا بواجي الفكسار تختلف عن بواجي الجي اكس ار واكثر الناس يركب للفكسار بواجي جكس ار يحرقها ما مشت 2000 كيلو تاكد ان بواجيك حقت فكس ار


الله يجزاك خير على التنبيه ولاتوصي حريص .. ماشتري اي قطعه الا من الوكاله ونوع السياره وحجم مكينتها وكل حاجه فالسلييييييييم :good2:

دمت بود وشااااكر تواصلك

[w9l]

بشرك الله بالخير انا قاعد اتابع قلت لايكون لقى الحل وطنشنا مثل الكثير من الاعضاء زين الحمامه تفتك من الغشمان والمرجج وساهر المتخبي
زين موفق

والله يخوك اننا مقصرين من ناحية المشاركات والتواصل مع الاخوان .. لكن نلتمس منكم العذر ان حصل قصور ..... والشباب ماقصرو كلن فزع بشووور وراااي ونصيحه والله يجعله في موازين اعمالهم .. وحلو تبادل الخبرات والنصايح وهذي ماهي غريبه على الناس اللي فيها خير ..... ويوم عاد كلن فزع وشااااارك قلت لازم نبلغهم ونعطيهم علومنا من الالف اليييييييين الياااء ويمكن احد يمر بنفس المشكله اقلها يستفيد من تجارب اخوانه

وبالنسبه للحمامه على قولة السوري معنه فحل مهب حمااااامه .. انا مسميه (الهرش):D خويي فالليالي المعاسير حطه على يمناك . والله يستر عليه من الصواديف ومن ساهر واخوانه ههههههه والله يبارك لنا ولكم بالحلال والمال والصحه

اشكر متابعتك وتواصلك وحرصك على عموم الفايده بين اخوانك الاعضاء

تقبل مني الود والاحترام

[w9l]

الحمد الله جت سليمه



طيب يالغالي كيف عرفتا توزنه يعني فيه جهاز يوزن ولا بالنظر توزنه?? ?

والله يخوك انا ماشفته يوم يوزن رحت اصلي ورجعت المحل ... بس كأنها بسيطه ماتحتاج شي مجرد مفك بس سمعته يقول اوزنه على 70 مدري عاد هو رقم موجود داخل عند الدعسه حقت الكبوت او شي متعارف عليه عند العمال عند شد البراغي او ارخائها .... لاني كنت واقف على روسهم يوم يبدلون جنزير الصدر من 10 الين صلاة الظهر

[w9l]

شيك على الاقزوز تري ياثر ع العزم بالله التوفيق

اقولك الموتر صاااااااار حماااامه حماااااامه :D وعزمه :good2: يمكن لو اشيك على الاقزوز يطير خله ماسك ارضه هههههههه

شاكر مرورك وتواصلك اخي الكريم