صيانة اللاندكروزر الكاملة

[أبو مسعود]

السلام عليكم يا شباب مكشات

أنا لدي لاندكروزر جي اكس ار موديل 2003 ودي أسوي له صيانة شاملة خصوصا الأذرعة و المقصات و الجلد و ما شابهها
السيارة لها معي أربع سنوات و محتاجه صيانة كنت ناوي ابيعها بالسيارات غالية فقررت صيانتها و اسنخدامها
فضلا لا أمرا أرجو أن
تدلوني على أفضل ورشة
وش مفروض أغير
لا أحد يقول العضيب لاني جيته و قال السوري شغل يدنا بس 8000 من غير قطع الغيار
شكرا لكم

[ابوسند9]

حسبي الله عليهم 8000 الف شكله توظيب !!!
شوف انا بقولك
اذا العكوس سليمه لا تغيرها يعني اي شي سليم لا تغيره
انت شيك على التالي
المساعدات
كراسي البدي وعددها 10 كراسي وسعرها 1500 ريال وتركبها ب 300 ريال لاكن انت شيك عليها اذا شفت ان فيه فضاوه بين الشاصي والبدي في اي كرسي غيرها ولو تحصل واحد منفرم او فيه فضاوه لازم تغييرها كامله العشره لان لو غيرت واحد راح تضر الكراسي الباقيه وانتبه من مسئله تدبيل او تركب ربل او سير على لانها تسبب شعر بالبدي ويقسى المطب
كرسي القير
كراسي المكينه
ربلات عمود التوزن خلفي وامامي والشيالات الخلفيه وربلات الكنداسه
وكذالك سيور المكينه
وغير ماء المكينه وهذا الشي مهم جدا
يعني الاشياء المهمه وزي ما قلت لك لاتغير اللى اللي تشوفه انه يحتاج تغيير
اما بخصوص الورش ان شاء الله الشباب يفيدوك
او نك تشوف لك ورشة ميزان وتخليه يشوف السياره من اسفل وتسجل معاه بورقه ايش القطع اللي تحتاج وبعدين تمر على كذا ميزان وتقول ابغى اغير ها اللي بالورقه وبعدين تشوف الانسب
لان المشكله ممكن تحصل واحد يقولك شغل اليد زي العضيب ب 8000 الاف وواحد يقولك ب 400 ريال وكل ها العماله عندنا سرق في سرق
والاهم انك تجلس عندهم وهم يشتغلون

[أبو مسعود]

ما أقوا الا الله يرحم والديك و يبارك لك في مالك و عيالك
الحقيقة كلام مفيد جدا

[مخرز]

السلام عليكم ابو سعود
بخصوص صيانة الموتر انا مريت بالتجربه وصيانتها
روح للضحيان في صناعية النسيم انا مريت العضيب وطلبت تشييك عااام وقالوا لي تكلفك 6500
واحس تشييكهم اي كلام .واخذت التقرير معي. ورحت لضحيان وقلت ابي تشييك والله حسيت انهم صادقيين وينصحون وشفت شغلات مايحتاج للتغير من تشييك العضيب .
عموما رح للضحيان وارخص بعد ويعطونك ضمان لمدة شهر صيانة موتري كانت قبل شهر.
غيرت زيت وفلتر القير. وسيور وبواجي وجلب توازن وتفرنسات واصلاح دوده وفلاتر الى اخر
كلفني 4150شامل القطع والشغل.
وتقبل تحياتي

[أبو مسعود]

الله يجزاكم ألف خير لازلت أطمع في المزيد من المعلومات