كيف أعرف خراب فحمة الكلتش من أي خراب ثاني بالقير ( باترول )

[sgl2002]

السلام عليكم يا أخواني ءالأعزاء

أنا عندي باترول 2009 ربع قير عايدي ماشي 70 ألف

المهم أسمع صوت ونين خفيف بمقدمة القير من جهة المكينة

واذا دعست كلتش يروح الصوت يعني كأن فيه حاجة كانت تدور ووقفت عن الدوران

فما أدري هل هي فحمة كلتش والا به علوم ثانية الله يستر منها

وللمعلومية كان معي أخو موتري ماشي 120 ألف وفيه نفس الصوت

وجزاكم الله ألف خير

[مهند 2009]

هلا أخوي أنا معي نفس موترك و نفس الموديل و أتوقع أنة بلد كذا لأنة مافية أي ملاحظات أخرى على الكلتش أو السيارة وشكرا

[مهند 2009]

ومعليش أخوي أبسألك هل أحد مواترك فية قرة بالرابع ؟ ( اذا شديت بالثالث ثم عشقت ) لأن موتري كذا

[Abu Msh3aL]

وعليكم السلام ورحمة الله وبركاته

بخصوص الصوت الونه واذا ضغطت كلتش راح .. صحيح هذا صوت فحمة الكلتش انا معي صالون فتك وفيه نفس الصوت هذا وديته لمهندس قال هذا صوت فحمة الكلتش وما منها ضرر واذا بغيت تغير دزق وكلتش غيرها لان فكتها وشغل اليد لحالها مكلفه .. مع ان سعرها رخيص اذا ما خانتني الذاكرة بـ 50 ريال اصلي

ولو تمـر لك ورشة تتأكد افضل :good2:

مــوفق

[Abu Msh3aL]

ومعليش أخوي أبسألك هل أحد مواترك فية قرة بالرابع ؟ ( اذا شديت بالثالث ثم عشقت ) لأن موتري كذا


انا مـوتري فيه هالقره اذا شديت ثالث وعشقت رابع بسرعه يقر القير .. بس اذا خذت ثواني قبل التعشيق للرابع خليت الضغط ينزل شوي عقب النقله من الثالث للرابع يلقم عادي ..

سئلت كم واحد من الشباب قالوا طـبيعي في الباترول ... ولو فيه احد عندهـ معلومات نجهلها يا ليت يفيدنا

[ابو شريفة]

السلام عليكم ورحمة الله وبركآته

الصوت هذا طال عمرك طبيعي جداً بكل السيارات وبالذات الجديد منها وانا استخدمت اكثر من سياره
نفس الصوت وعآدي جداً ولا يضيق صدرك ومعي نفس موترك ونفس المديل ويطلع هالصوت حنة وا حيان اذا كان الموتر منصل على وجهه بنزلة قوية يطلع معه صوت طقطقة خفيفه طبيعية بعدين انت راكب باترول ستاندر ( سلقة ) تبيه يصير مثل الكـزس460 بالهدوء والرآحة والعوازل.؟ :D
بالنسبة من الثالث إلى الرابع نفس الحكأية انا معي تصير صارت مع كذا شخص عادي معروف الباترول صعب تلقيهم بالذات اذا كنت شاد لان الاغلبيه فيها اذا جاء يعشق ينهض رجله من الكلتش بسرعه ولا يحاول يدبل بنزين عشان يوزن سرعه القير مع سرعه المكينة فاتصير هالقرة ولاتضيق صدوركم طبيعيه :D
فيه معلومات بالباترول الربع كثير منا يجهله لكن بحاول اعرضها عليكم فيما بعد :D:good2:

[فلر]

السلام عليكم يا أخواني ءالأعزاء



أنا عندي باترول 2009 ربع قير عايدي ماشي 70 ألف


المهم أسمع صوت ونين خفيف بمقدمة القير من جهة المكينة


واذا دعست كلتش يروح الصوت يعني كأن فيه حاجة كانت تدور ووقفت عن الدوران


فما أدري هل هي فحمة كلتش والا به علوم ثانية الله يستر منها


وللمعلومية كان معي أخو موتري ماشي 120 ألف وفيه نفس الصوت



وجزاكم الله ألف خير


صوت فحمه الكلتش ما يبين الا اذا دعست على الكلتش وظهر صوت
لان الرمان الي في الفحمه هو سبب الصوت ان كان فيه خلوص او خروج الشحم منه

اما المشكله الي تتكلم عنها ما لها علاقه بفحمه الكلتش هذا الصوت من القير نفسه اذا كان الصوت خفيف لاباس عليك طبيعي يخرج ها الصوت وهو بسبب دوران الرمان والتروس داخل القير اما اذا كان قوي فهو بدايه مشكله فبي القير لا قدر الله

[sgl2002]

الله يجزاكم خير طمنتوني

وبالنسبة للقررة تراها تجي بالرابع وبالريوس وهذا ماهي مشكلة سيارة
هذي مشكلتنا حنا

انا من يوم اخذت الموتر ولاعمره قررر مع اني اشد عليه بالنفود شد الويل لكن خلاص صرت اعرف وزنيته

والقرره هذي اتذكر اول ما استخدمت الباترول جات معي الين ماعرفت وزنيته صح وخلاص بعدها ماعاد جاء للقرره طاري

انت لاتسحب عصا القير بسرعه قبل لاتكتمل دعسة الكلتش

ادعس ثم عشق وماتسمع القررره