سر يانديبي وارتحل فوق نيسـان/للأخ راع العجراء

[ال-رايق]

السلام عليكم ورحمة الله وبركاته
اخواني القصيده موجهها لأخونا العود/راع العجراء قلتها من الاعماق وانا رجل لا احب المجامله واقسم بالله ما كتبت في حياتي قصيدة مقابل شيء..مع العلم أنني قلت الشعر من صغري وبشهادة من يعرفني
والمناسبة اعتذار للبس صار زعل بيينا وانا بحضوركم اعتبركم وجيه صلح وخير لنا جميعا
وليعذرني ابو شنب فقد قلتها منذ ساعه في حال صار تقصير:


سر يانديبي فوق ارمادا نيســان*فل اوبشن 2010 موديلــــــــــــــه
من صنعة اليابان لا قيـــــل يابـان*ماهو هرابيد الحديد الثقيلــــــــــــــــه
اليا نهض عمره عطا مثل شيهــان*فرخ على اثر الصيد يطرب عميله
وانا اذكر الله لاستوى الخط ثم زان*تطري عليك ايام حلوه جميلـــــــــه
مع خط صلبوخ وتبّات بنبــــــــان*ولوحة دعاية( تيم )جنب المسيلــــه
منصاك رجل لاتتقى الردي بــــان*يفرح بضيف تالي الليل يجي لـــــه
وابشر بسودالحيل من مجلبة ضان*وابشر بغالي البن وطفاح هيلــــــــه
ابو شنب ون قلت اسمّيه كحيـلان*فالطيب مذكور بعهده وجيلــــــــــــه
شيبان لاهانوا على الراس شيبــان*والنار وش هي دون قدح الفتيلــــــه
ثم بلّغه مع حبة الخشـــــــم والآن*سلام الطف من حراير خميلــــــــــه
عد النجوم اعداد الاشيا والالـــوان*اعداد مادار الظلال المقيلـــــــــــــــه
سلام ازكى من شانيل برفــــــــان*واحلى من المخضوض بارد صميله
ثم بلغه انّا على الدرب اخــــــوان*عزاز النفوس ولا نحب الفشيلـــــــه
وحنّا ترانا من رجال لها شـــــــان*في الدين والدنيا وسلم القبيلـــــــــــه
والله مارضى يقال ابومهنّد غلطان*وش لون والزعلان حسبة خليلــــــه
صافي عسل ياقشطة صنع حلوان*وابشر بعذر وحق صوبك اشيلــــــه
وصلاة ربي عد مارفـــــــع الاذان*على محمد بعد كل اتهليلــــــــــــه
أخوكم/بمنتدى مكشات
الرايق/أبو مهنّـــــــــــد

[يوسف الخليفة1]

وعليكم السلام ورحمة الله وبركاته

حياك الله أخي العزيز الرايق

http://www.mekshat.com/vb/showthread.php?t=130222 (http://www.mekshat.com/vb/showthread.php?t=130222)

[ال-رايق]

وعليكم السلام ورحمة الله وبركاته

حياك الله أخي العزيز الرايق

http://www.mekshat.com/vb/showthread.php?t=130222 (http://www.mekshat.com/vb/showthread.php?t=130222)


وعليكم السلام ورحمة الله وبركاته
----
لقد تم تعديل المطلع فهل هذا قصدك يابوعبدالله؟؟
شاكرا ملاحظتك وانما الاعمال بالنيات

[النبهاني]

وعليكم السلام ورحمة الله وبركاته
صح لسانك يابو مهند ترليون ولا يسدون
وابشر بسود الحيل من مجلبة ضان = وابشر بغالي البن وطفاح هيله
عند لحيتك والله 00 وكفو ياطير شلوى
يشهد الله اني تو ما ارتحت لأنكم كلكم عندي عزيزين
والحمد لله ان الموضوع لبس
وظني بك ما يخيب ياسامي الاخلاق ولا يهون راعي العجراء
أدام الله علينا نعمة الأخوّه الإيمانيه والاسلاميه

[ال-رايق]

وعليكم السلام ورحمة الله وبركاته
صح لسانك يابو مهند ترليون ولا يسدون
وابشر بسود الحيل من مجلبة ضان = وابشر بغالي البن وطفاح هيله
عند لحيتك والله 00 وكفو ياطير شلوى
يشهد الله اني تو ما ارتحت لأنكم كلكم عندي عزيزين
والحمد لله ان الموضوع لبس
وظني بك ما يخيب ياسامي الاخلاق ولا يهون راعي العجراء
أدام الله علينا نعمة الأخوّه الإيمانيه والاسلاميه


صح بدنك ..يابو سالم ..ولا عليك زود في كل الامور الطيبه
========
وهذا اللي يزود غلاك بأنك ماترضى على ربعك ..ماهم البعيدين اللي ان شاء الله ماهم بيننا يعقدون العكاريش مدري الشوش:D بين الناس..وانا وراع العجراءومثلنا ناس واجدفينا اللي يشوف خبة50 وخبة 60 --ولك علينا بالفهم الخاطيء وزود الحساسية وكثر المشاريه
تحياتي وشكرا لمرورك العطر لاعدمناك.

[يوسف الخليفة1]

وعليكم السلام ورحمة الله وبركاته

----
لقد تم تعديل المطلع فهل هذا قصدك يابوعبدالله؟؟

شاكرا ملاحظتك وانما الاعمال بالنيات


هداك الله أخي الفاضل لم أقصد هذا

فلعلك ترجع المطلع السابق وهذه توارد أفكار

تقديري واحترامي

[هيل]

السلام عليكم ورحمة الله وبركاته
ألأختلاف وارد في كل مجال وكل مكان
بين الدول بين جميع شرائح المجتمع
ولاكن العقل والحكمه هنا أحتواءألأختلاف
والحكمه ليس بتضخيم االموقف بل بتصغير
فكلكم رجال وحكماء وتبحثون لما يحببنا ببعض
وليس العكس ادام الله الموده والمحبه بيننا
وألأختلاف صار بين عقلاء ماأسرع ماتلاشاء
تحياتي

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وإعتلا شانك
أبيات ومقدمة تنم عن طيب معدنك ياأبومهند
ووالله لاتعلم مقدار سعادي عندما قريتها
الله لايخلينا منكم جميع
ويديم المحبة
ويجمعنا وإياكم بجنات النعيم
ووالدينا والمسلمين
أجمعين

[ال-رايق]

هداك الله أخي الفاضل لم أقصد هذا

فلعلك ترجع المطلع السابق وهذه توارد أفكار

تقديري واحترامي


علم,,,,,,,,,,,,,,,,,,,,,,,,,,,,مشرفنا الغالي:
ويشرفني اقرأ لك ..وخير الهدي كتاب الله سبحانه وتعالى ,وسنة رسوله صلى الله عليه وسلم.
لكن جت في وقتها وخيرة لأن(سر يانديبي)تطابق اكثر لتواجد المرسول او المندوب اما الراكب مثل قصيدتك فهي الشخص نفسه ذاهب ولم يندب احد..شورك وهداية الله.
تقديري لشخصك الكريم.

[ال-رايق]

السلام عليكم ورحمة الله وبركاته
ألأختلاف وارد في كل مجال وكل مكان
بين الدول بين جميع شرائح المجتمع
ولاكن العقل والحكمه هنا أحتواءألأختلاف
والحكمه ليس بتضخيم االموقف بل بتصغير
فكلكم رجال وحكماء وتبحثون لما يحببنا ببعض
وليس العكس ادام الله الموده والمحبه بيننا
وألأختلاف صار بين عقلاء ماأسرع ماتلاشاء
تحياتي



هلا وغلا بالهيل والله لايقطعنا منك وشرواك اللي رايهم وشورهم تاج راس ويبين معدنهم ويلمع ذهبهم في وقته.
لاعدمتك يابو عبدالله.

[ال-رايق]

وعليكم السلام ورحمة الله وبركاته
سلمت يالغالي
وصح لسانك
وإعتلا شانك
أبيات ومقدمة تنم عن طيب معدنك ياأبومهند
ووالله لاتعلم مقدار سعادي عندما قريتها
الله لايخلينا منكم جميع
ويديم المحبة
ويجمعنا وإياكم بجنات النعيم
ووالدينا والمسلمين
أجمعين


ربّي يديم نعمة الاسلام اللي من خيراتها حب الأخ لأخيه مثل ماتفضل به شخصك الكريم يابو على من قول وفعل وعز الله ان الله سبحانه وتعالى اذا دلّني على علم غانم مثل ماقلت فهو الدلالة على الدرب المعرّف لمثلك وشرواك ..يفرح بوئام وألفة ربعه.
لاهنت ومشكور اسعدك الله .دوما.

[راعي العجراء]

صح السانك يابو مهند ودائم سباق بالطيب
قصيد جزله من جزل
والله لايجيب الزعل كل مافي الامر اسهل من ذلك والزعل ان شاءالله ماناصلل مواصيله
واليك هذا الرد بابيات المتواضعه
والمعذره على القصور
مع اجمل تحيات اخيك راعي العجراء

ياراكب اللي فزته فز شيهان = لاتل سبقه فوق كف تشيله
ليا انتهض ماقيل للطلع خسران= طلعه وكاد والحباري مقيله
حدر عليهن في حراوي مسيان = تزاحمن ما يندرى من يجيله
وسلط على خرب ٍ تزاها بالالوان = الموت شافه عقب ذل وفشيله
من وارد اليابان ختم وبرهان =جيب جديد مع ضمان لوكيله
في اكس ار كايلينه اميزان= يسوى الذهب في وزنة اللي يكيله
واللي يسوقه للمطاريش فهمان =ماهو من اللي مدور ٍ للمقيله
عينه جزيه كنها عين سرحان = مانام ليله ماجمع له حصيله
خذ الجواب وصله يابليهان =وارفق سلامي لكل هاك القبيله
وخص بسلامي ياسلايل كحيلان=لبو مهند لا لفيت بنزيله
وقله هلابك عد ما زرع فدان =وعداد ماسالت حقوق المخيله
راعي الكرم والجود ذباح للضان=وهموم ربعه لاثقلت يرتكيله
شيخ ولد شيخ من نسل قحطان = وخاله وعمه من رجال القبيله
ماهو من اللي همهم لبس قيطان = وعند الشدايد هز كاره بشليله
اليا نخيته اغبر الوجه زعلان = قلبه فضيخ مثل ضب الثميله
وقله تراني يابن الاجواد غلطان = وقلبك كبير والحكم لك نحيله
مافات مات وانتهى كان ماكان = في صفحة النسيان نطوي شليله
وصلاة ربي عد برق وهتان = على نبي خصه الله بفضيله

[الخامسي1]

السلام عليكم ورحمة الله وبركاته
رائع يا ابومهند ومبدع دائماً

ولا اروع : هي مجارت ورد راعي العجراء

بيض الله وجيهكم وفيتو وكفيتو ومنكم نتعلم

الوفاء والصداقه والمعرفه دمتم بخير

[المزيدي4]

صح ألسنتكم
وبيض الله وجيهكم
وفخر لي أن أكتب هذه البويتات المتواضعة بهذه المناسبة السعيدة ..

الله يا محلا العتب بين الاخوان
زميل لا يمكن يزعّل زميله
وليا حصل سو التفاهم على شان
أمرٍ بسيطٍ .. حِلّ بأبسط وسيلة
مضرب مثل في التصافي والاحسان
قدوة لمن دوّر علوم الجزيلة
ما يحملون أغلال وأحقاد وأضغان
ولا هم من أهل الدنفسة والرذيلة
يمشون في نهج النبي نسل عدنان
دعا لكسب الطيّبة والفضيلة
فيالله يا رحمن يا عالي الشان
أدم علينا سترك ولا تزيله
واجعل محبتنا على مر الأزمان
في طاعتك هي ربحنا والحصيلة
هذا الذي حبيت أقولة للاخوان
من هاجسٍ ما هوب يرضى الهزيلة
وصلوا على محمد عدد وبل الامزان
لا لاح براقه ولاسال سيله

[ابو اسامه 2]

ما شاء الله تبارك الله

صحت السنتكم جميعا ً

ما شاء الله عليكم

وبيض الله وجيهكم



تحياتي وتقديري لكما

[ال-رايق]

صح السانك يابو مهند ودائم سباق بالطيب
قصيد جزله من جزل
والله لايجيب الزعل كل مافي الامر اسهل من ذلك والزعل ان شاءالله ماناصلل مواصيله
واليك هذا الرد بابيات المتواضعه
والمعذره على القصور
مع اجمل تحيات اخيك راعي العجراء

ياراكب اللي فزته فز شيهان = لاتل سبقه فوق كف تشيله
ليا انتهض ماقيل للطلع خسران= طلعه وكاد والحباري مقيله
حدر عليهن في حراوي مسيان = تزاحمن ما يندرى من يجيله
وسلط على خرب ٍ تزاها بالالوان = الموت شافه عقب ذل وفشيله
من وارد اليابان ختم وبرهان =جيب جديد مع ضمان لوكيله
في اكس ار كايلينه اميزان= يسوى الذهب في وزنة اللي يكيله
واللي يسوقه للمطاريش فهمان =ماهو من اللي مدور ٍ للمقيله
عينه جزيه كنها عين سرحان = مانام ليله ماجمع له حصيله
خذ الجواب وصله يابليهان =وارفق سلامي لكل هاك القبيله
وخص بسلامي ياسلايل كحيلان=لبو مهند لا لفيت بنزيله
وقله هلابك عد ما زرع فدان =وعداد ماسالت حقوق المخيله
راعي الكرم والجود ذباح للضان=وهموم ربعه لاثقلت يرتكيله
شيخ ولد شيخ من نسل قحطان = وخاله وعمه من رجال القبيله
ماهو من اللي همهم لبس قيطان = وعند الشدايد هز كاره بشليله
اليا نخيته اغبر الوجه زعلان = قلبه فضيخ مثل ضب الثميله
وقله تراني يابن الاجواد غلطان = وقلبك كبير والحكم لك نحيله
مافات مات وانتهى كان ماكان = في صفحة النسيان نطوي شليله
وصلاة ربي عد برق وهتان = على نبي خصه الله بفضيله


تعظيم سلام..........فيه التحية والاحترام
والله لوك حولي لأمطخ خشمك عساه مايعرّض على النار,,عطيتني فوق حقي الله يرفع مقدارك
ولاتهون ولا من يقرأأأأأأأأأأأأأأأأأأأأأأأأأأأأأأأأأأأأأأأأأأأأ
ياخوي راعي العجرأأأأأأأأأأأأأأأأأأأأأأأأأأأأأأأأأأأأأأأأأأأأ
ماقول الا بحر الله يسرك ولا يضرك..والحمدلله ربي جمع قلوب الأخوان وهي ماتفرقت لكن زود وكلّك بركة اجتمع شمل التايوتا مع :Dالنيسان والبركه في الاخوان.:r:r:r:r:r:r

[ال-رايق]

السلام عليكم ورحمة الله وبركاته
رائع يا ابومهند ومبدع دائماً

ولا اروع : هي مجارت ورد راعي العجراء

بيض الله وجيهكم وفيتو وكفيتو ومنكم نتعلم

الوفاء والصداقه والمعرفه دمتم بخير


وعليكم السلام ورحمة الله وبركاته
أخوي/ابو نايف
------------------
والف الف مليار تحية لشخصك الكريم بمرورك وتقديرك لنا ومشاركة اخوانك بكل شي سابقنا بالأمور هذي هنا وعلى أرض الواقع.................
لاهنت بيض الله وجهك.

[عزام الصوان]

صح لسااااانك

[ال-رايق]

صح ألسنتكم
وبيض الله وجيهكم
وفخر لي أن أكتب هذه البويتات المتواضعة بهذه المناسبة السعيدة ..

الله يا محلا العتب بين الاخوان
زميل لا يمكن يزعّل زميله
وليا حصل سو التفاهم على شان
أمرٍ بسيطٍ .. حِلّ بأبسط وسيلة
مضرب مثل في التصافي والاحسان
قدوة لمن دوّر علوم الجزيلة
ما يحملون أغلال وأحقاد وأضغان
ولا هم من أهل الدنفسة والرذيلة
يمشون في نهج النبي نسل عدنان
دعا لكسب الطيّبة والفضيلة
فيالله يا رحمن يا عالي الشان
أدم علينا سترك ولا تزيله
واجعل محبتنا على مر الأزمان
في طاعتك هي ربحنا والحصيلة
هذا الذي حبيت أقولة للاخوان
من هاجسٍ ما هوب يرضى الهزيلة
وصلوا على محمد عدد وبل الامزان
لا لاح براقه ولاسال سيله


الراس ياعزّ الخوي منك طربان*والجو عطّر والنـســـــــايم عليله
وعزالله اني من معرفتكم كسبان*لا يالجبال الوارفات الظليلــــــــه
لا ياذخر من حدّه الوقت بلشــان*ماباقي الاّ الموت عنده وسيلــــه
يوم التفت ثم جر بالونّة أحــزان*لاحيته بترحاب حامي الدبيلـــــه
البستنا تاج وعشرين نيشـــــان*واحلى اوسمه بالصدر ماهي قليله
وتسلم وعوايدك وان دل على شي دل على الخوة الطيبة اللي متأصلة فيك.
الله يوفقك يابوسعد

[عابر سبيل 1]

صحت إلسنكم وصحت أبدانكم وطاب فالكم جميع يأخواني ...
والحمد لله يوم أنه أزال الغمه ...
والله لايفرقكم عن بعض ويجمعكم على طاعته ...
تحياتي ومودتي للجميع ...

[ال-رايق]

صح لسااااانك


أخوي/عزام
اشكرك لمرورك الطيب يالطيب:
وصح كلّك يالغالي.
تحياتي وتقديري

[ال-رايق]

صحت إلسنكم وصحت أبدانكم وطاب فالكم جميع يأخواني ...
والحمد لله يوم أنه أزال الغمه ...
والله لايفرقكم عن بعض ويجمعكم على طاعته ...
تحياتي ومودتي للجميع ...


أخوي/عابر سبيل
--
ما اقول الا الله يوفقك دنيا وآخره وينوّر سبيلك وكل درب تمشيه.
وصح كلّك ..وكل حرف كتبته اعتبره مثل رش المطر..وكلامك يدل على حبّك للعلم الطيب أحبّك الله ............
عشت وعاشوا أحبابك.
تحياتي وتقديري لشخصك الكريم.