وش الحل ياصقاقير ؟؟؟؟؟؟

[عاشق الارسي]

ا

لسلام عليكم ورحمته الله

يااخوان شريت فرخ قبل شهرين طوله بعرض 16 شمالي خضر

الطير راعيه الاول هابله بالحمام والطرد ...... جيت اعلمه علي الخيبر والدجاج الطير مايبي الا الحمام

الطاير عينه مغير بالسما مايشوف القاع !! يهد ع الخيبر ونص الدرب يخليها ويروج يبي الحمام والملوح

بس !! وش الحل معه الموسم الجاي لاصار بكر ؟؟ ان شاء الله ؟؟

وجزا من يفيدني الجنه

[الحمش1]

الله يعين على هالطير اللي هذا طبعه
اذا كان يهده من السيارة على الحمام الله يعينك .
اتوقع تكرهه الحمام
لاتهده على الحمام واجد
واذا صاد حط بلحمة الحمامه شي مثل المره او الموميان خله يكره الحمام وطعمه ولا يصير يرغبه واجد

ونزل صنعته ووره الخيبر اذا ماجاها لاتعلفه وره من بكرى وغصب عنه بيجيها..

بس اخوي الطير عندك الحين .؟
الحين وقت ربطه

[أبوفرحان]

ماقصر اخوي الحمش

والله يعينك

[صقارعزاااام]

الامر سهل جدا
ولاتحمل هم الطير يبى تعليم والفرخ يتعلم ولايهمك هالكلام كله الطريقه كتالى لاتهد الطير على الحمام ابد هذا واحد خذلك حبشيه بعد الجرد على الملواح خله يعلف على ضهرها ولاتبين لطير اللحمه الا شى بسيط طالع من ريش الحبشيه ولاتخليه يذبحها الا بعد اربع ايام وهو يكل على ضهرها حتى اذا شافها بيدك بعد كذا يتكسر عليها يعنى تعلم الطيربعد ذالك درجها بروض بذن الله الا يقشها قش وعلمه على الديك والبط الى يشبه الحبارى وبطريقه الى قلتلك عليها يصير شجاع وهداد ملاحظه الحبشيه او الديك او البط لازم تهتم بها خلال هالاربع ايام من اكل وماء حتى لاتكسب ذنب فيها

[بدر العتيبي2]

افادوك الاخوان

[(هزاع)]

من اصبح افلح
لاطلعت الطيور ابتدي التعلوم من جديد
من الالف الى الياء من جديد
الجوع زويان يعلم اللي مايتعلم

[قلب ذيب]

اربط الطير حاليا , وقت نقلةالطير لاترويه الحمامه ابدا , وابدأ بتعليمه على الطرائد الاخرى طيار مثل البط والكراوين وغيرها , الطير تعود علىالحمام ومن الصعب تغيير علومته ويمكن الطريده اللي بالارض مايجيها
وتلك مشكله اخرى ........................ .

[اقدم صقار]

الامر سهل جدا
ولاتحمل هم الطير يبى تعليم والفرخ يتعلم ولايهمك هالكلام كله الطريقه كتالى لاتهد الطير على الحمام ابد هذا واحد خذلك حبشيه بعد الجرد على الملواح خله يعلف على ضهرها ولاتبين لطير اللحمه الا شى بسيط طالع من ريش الحبشيه ولاتخليه يذبحها الا بعد اربع ايام وهو يكل على ضهرها حتى اذا شافها بيدك بعد كذا يتكسر عليها يعنى تعلم الطيربعد ذالك درجها بروض بذن الله الا يقشها قش وعلمه على الديك والبط الى يشبه الحبارى وبطريقه الى قلتلك عليها يصير شجاع وهداد ملاحظه الحبشيه او الديك او البط لازم تهتم بها خلال هالاربع ايام من اكل وماء حتى لاتكسب ذنب فيها



:good2::good2::good2::good2::good2::good2::good2:: good2:

[ســـبــار ربــعـــه]

ماقصروا الأخوان افادوك.

[قرناس شمالي 1]

أخوي
جوعه يومين ثم علمه رح يجيك ماسحن طبلونه وأن ماجاك طمره ثالثه

[عاشق الارسي]

جزاكم الله الف خير

[راكان745]

سلام عليكم

يالغالي خذ الكلام اللي بينفعك

لاتجوع ولا تنسرله اي شي ...

الطير بيعه ولا تشاور احد هذا طير حمامه والله للتتعب وتشبع من المغثه وعمس الخواطر وانت تعلم فيه ماينفع العلم يارجال انتها امره

هذا اكبر غلط في اغلب الصقاقير هدد الطير على الحمام بكثره انا اعتبره جهل وليس صقاره

[BO-SALEM]

والله انا ياخوي حالتي مثل حالتك عندي طير شريته بشهر 11 انجليزي
وعلى كلام راعيه صايد الكروان والبط الخضاري اللي يطير عن اهله الاولين
واخذت الطير وهو فيه اقلاع
جردت الطير ورفعت وزنه لين ردت صحته وعقب نزلت صنعته
والطير عليه جناح طيب يلحق الزواجل منتوف منه الموس من كل جناح ويرتفع معه
يعني ريشه بريشه
ويوم جا وقت الكروان قلت بعلمه عليه بتأكد منه ماني بقانص بطير مادري عنه
ويوم علمته عليه وشفته شووفت عدوك واحد
يشوف الكروان ولا يجيه عقبها قصرت العلف عليه يومين ومع اليوم اللي وريته الكروان صارو ثلاث ايام
ونسرته عليه عطيت اللحم على ظهر الكروان صار يعلف منه ويوم صاح الكروان وهو يكفخ يبي النحشه
طلع الطير على قولتهم بايج وعرضت الطير للبيع ولحدن بغاه
قلت مافي الا حل واحد هو اني اربطه وعقب الربط اجرده واشنذره واخليه مايشووف الحمام ابد
ولذلك الوقت ان شاءالله يبين طيبه من رداه

ونصيحه لا تاخذ الطير الا انت شايفه وتعرفه او تاخذه من رجال ثقات