تكفون يالربع الفزززززززززززززززززززعه

[stewrd]

قدر الله وشريت لي جيب ربع 97 فل كامل وواجهتني بعض المشاكل اتمنى اللي عنده خبره في هذه المواتر ان يسعفنا فيها
المشكله الاولى
وهي ان الحراره اذا اسرعت توصل فوق الربع قرابة الثلث ويمكن ازود بالمكيف وبالذات اذا اسرعت اتمنى اللي عنده حل انه يفيدنا
المشكله الثانيه
الموتر به دف لوك ولكن ما ني عارف انكان انه شغال والا لا لانه لمى احرك المفتاح ما يولع لمبه في الطبلون اتمنى من عنده العلم ان يفيدنا كيفية اصلاحه انكان خربان وكيفية تجربته انكان ما به شي
ولكم جزيل الشكر

[stewrd]

علما ان الهواء من المروحه ممتاز يعني ما اعتقد انه من كلتش المروحه

[دائرة 11]

غير بلف اصلي وركب مراوح سبارو ..بالنسبه للحراره

اما الدفلك مافيدك فيه

[تمنيتك لي]

وركب مراوح سوبآروآ

[التمسساح]

والله انا بس قريب الفززززززززززززززززززززززززززززززززعه جيت بسرعه قلت لا سمح الله الرجال عنده مصيبه او لا قدر الله السياره طايحه فوقه والله لو تغير العنوان اصرف لك

[المنيعي1]

سيخ الرديتر
وأذا فيه بلف فكه
-------------
الدف لك ليس لدي معلومة عنه

[الا سير]

شيك على الرديتر
او ركب رديتر اردني

[سفاري فتك]

مايبي له شئ فقط سو تسسيخ للاديتر
وانشاءالله يضبط

[تميم2222]

روعتنا الله يهديك؟؟.. طيب وش نوع موترك ؟؟

[stewrd]

الاخوان الله يجزاكم خير كل من حاول يساعدني بالنسبه للاخ التمسساح كان باستطاعتك تتجاهل طلبي وتخليه للشباب الله يعطيهم العافيه واذا مرورك على موضوعي سبب لك قلق انا اسف
بالنسبه للموتر موديل 97 نيسان فل كامل السياره شغلتها اليوم تقريبا ساعه كامله الحراره ما تجاوزت الربع مع المكيف ولمى حركت الموتر مسافه 10 كيلو تقريبا بدون مكيف تقريبا تتجاوز الربع بشئ لا يذكر اما بالنسبه للدفلك مافيه لمبه في الطبلون تولع مع لمبة الدبل تكفون اللي عنده علم يفيدنا

[دل البحار]

يفيدوك الاخوان

[الوافي512]

اولا ياخوي ود الموتر لراعي اديترات وخله يشيك اديترك والبلف

ثانياً الدفلك لايهمك لان مشاكلة كثيرة ولايفيدك بشي لان الموتر ربع خفيف وصعب يتعلق

واكثر الناس يفصلونه لانه يعلق احيانا وانا واحد منهم فاصله

ولاتولع لمبته

ارجو اني افدتك

[ابوسند9]

الشباب افادوك
لكن الحراره انا اشوفه طبيعيه
والحراره تبغى تفحص اشياء واجد منها
الاديتر ممكن يبغى تسييخ
البلف ممكن يبغى تغيير ويتاخر ما يفتح
وممكن من الطرمبه
وممكن وجه الاديتر من برا متسكر من الاوساخ والحشرات
وممكن من تماتيك المروحه
وممكن يكون من الديلكو يبغى وزن
وممكن من البلوف قافله شوي
لكن انا زي ماقلت اشوفها طبيعيه فوق الربع بشوي
لكن انت شيك على الاديتر لايكون يبغى تسييخ وغير البلف ببلف اصلي
اما الدفلك انت جرب شغله ولف الدركسون يمين او يسار مره واذا شفت ان لفته صعبه وكبيره فهو شغال لكن اللمبه عندك بالطبلون محترقه
اما بالنسبه لخونا العضو الوافي
انا بالعكس انا اشوف انه مهم والمسئله مو مسئلة ان يتعلق احينا برمل وليس عقم وتحصل كفر يدور وكفر لا وهنا ياتي دور الدفوك
واذا علق معك الدفوك افصل لي الهواء من عند الدفرس ورجعه ويرجع طبيعي بس جرب انه مره شغال ومره السياره طافيه

[هواوي الشمال]

الحراره اذا تزيد مع السرعه وتنزل اذا هديت من الاديتر سو له تسييخ زي ماقالوا الشبيبه

[1 أبو يزن 1]

إذا مشيت ترتفع الحرارة معناه إن الماء ما يدور بالشكل المطلوب عند الضغط إعمل صيانة لثلاثة أشياء
1 / تسيخ الرديتر
2 / ممكن البلف فاتح أو قافل شوي و مايؤدي المطلوب و سعره بالوكالة 60 ريـال
3 / خراطيش الماء ممكن مع الضغط تنصفط ركب خرطوش جديد أو اللي يجي فيه أسيام في الداخل


بالنسبة للدفلك ما يشتغل إلا مع الدبل الثقيل

[stewrd]

اسعد الله الجميع بكل خير
اشكر كل من ساعدني في موضوعي
اخواني غيرت الاتي
1- غيرت عطاء رديتر اللي عليه علامه صفراء من الوكيل يقول انه الاصلي 2 - كلتش مروحه اخذته من الوكيل وقالي اصلي لكن لمى غيرت القديم طلع القديم اكبر بشئ بسيط من الجديد ولكن المشكله ما انحلت
3 غيرت رديتر اردني الومونيوم وهناء صار اللي جنني
(((((( الحراره اذا مشيت تنزل اللى قرب الخط الاول واذا وقفت ترتفع اللى فوق الربع )))))) يعني عكس اللي كتبته في اول الموضوع والله يالربع انه مكلفني 40000 الف ريال بما فيها قيمة مشتراه تكفون اللي عنده حل لمشكلتي هذي والله اني افكر في بيعه من الطفش

[ابوسند9]

شف يا الحبيب المشكله منك انت واللى ليه تغير الاديتتر؟ قلنا لك سيخ!
تماتيك المروحه مادام انه واقف ولا ترتفع الحراره فمعناه التماتيك سليم
بالنسبه للغطى اوكيه مافيه مشكله نقول من الاشياء الرخيصه
لو انت مبدل بلف الحراره ب 60 ريال ومسيخ الاديتر ب 100 ريال ومبدل الطرمبه كان افضل بدل تسرعك وخساير على غير فايده
اخوي خذها قاعده في حياتك دائما ابد بالاسهل والارخص
انت الحين رجع التماتيك الاول وجرب
وعلى العموم الحراره اشوفه طبيعيه جدا على كلامك

[1 أبو يزن 1]

الحرارة بالشكل هذا طبيعية
بس غير البلف بـ 60 ريال
و انتبه لا يروح رديترك الأول احتفظ فيه

[أبوعجه]

اسمع وانا اخووك
انا نفسك بالضبط وجربت اشياء كثيره وخساير ولا فاد
الحراره تقريبا طبيعيه ولا تأثر على المكينه
بالنسبه للدفلوك افادوك الشباب
اشبكه ولف كل الطاره وشوف اذا لفته صعبه فهو شغال
اما اذا كانت لفته عاديه وسهله فهو فيه بلا
وبالتوفيق

[YUKON_GMC]

والله انا قريت الفزعه قلت الرجال مغرز بالربع الخالي .. طلعت الدعوى سهلات مجرد اعطال بسيطه بالسياره وغيره مؤثره ..

ماقريت كل الرود يمكن وجدت الحل ولكن ابعطيك اللي اعرفه من واقع تجربه ,,

الدفلوك مهمتة شبك الكفرات الاربع جميع يعني تدور في وقت واحد وبسرعه وحده وتقدر تشيك عليه من خلال تعليق الموتر في مكان غراز بحيث ترقي احدى الكفرات الاماميه على مرتفع او جرف واذا قام يحرف خلف خلاف واحده ورى وحده قدام شغل الدفلوك وتشوف الموتر يطمر وتدور الكفرات الاربع

وله لمبه خضراء بالطبلون تولع بس ماتولع اما لما تشغله والموتر يمشيء وليس واقف

واما الحراره بالتايوتا من النصف وتحت طبيعيه ولكن للاحتياط شيك على نظافة الاديتر وقوة تماتيك المروحه وتأكد ان البلوف مزوزنه صح وماهي مقفله واذا فيه بلف حراره شيله بالمره واذا جاء الشتاء رجعه

[stewrd]

بيض الله وجيهكم جميع والله ما معي الا اللي حصل جزاكم الله خير

[frnas2010]

شيك على راس المكينه

[تميم2222]

الاخوان الله يجزاكم خير كل من حاول يساعدني بالنسبه للاخ التمسساح كان باستطاعتك تتجاهل طلبي وتخليه للشباب الله يعطيهم العافيه واذا مرورك على موضوعي سبب لك قلق انا اسف
بالنسبه للموتر موديل 97 نيسان فل كامل السياره شغلتها اليوم تقريبا ساعه كامله الحراره ما تجاوزت الربع مع المكيف ولمى حركت الموتر مسافه 10 كيلو تقريبا بدون مكيف تقريبا تتجاوز الربع بشئ لا يذكر اما بالنسبه للدفلك مافيه لمبه في الطبلون تولع مع لمبة الدبل تكفون اللي عنده علم يفيدنا

هذا بلف الحراره عطلان ياخوي ..تقبل مروري