اشتراك سيارة امريكي

[الرحال2222]

السلام عليكم
من فترة وانا ابحث عن اشتراك للسيارة من الاصلي القديمة لاكن للاسف السوق كلة هندي وصيني
واكرة ما عندي يوم تظيع المسكات البلاستيك اللي على اليدين وتظيع بالبر وبعضها تلقى جودتة مو قد كذا لاكن مافي السوق الا النوع الردي كالعادة حتى الامريكي اللي موجود تكون
قوتة Gauge 8 ويبيعونة على انة 500 امبير وهو مابين 200 الى 250 اصلا واظح بالسلك صغير وكنت افكر اشتري مسكات واسوي واحد لاكن نفس المشكلة المسكات البلاستيك ومتاكد ان البلاستيكة بتطس من اول استخدام
واليوم داخل محل عدد كهربائية وبالصدفة تلمح عيني على ذا الكرتون الجالس لحالة بالرف كانة ينتظرني
http://www.mekshat.com/pix/upload05/images244/mk70070_3243244.jpg


مواصفاتة Gauge 4
بطول 4.80 متر يعني خمسة الا شوي طويل
بيكفي حاجتي وزيادة
سلكة مختلف عن المعروف لونة اسود وابيض
مسكاتة مو كلها نحاس مثل الرخيص بل يجي النحاس من الداخل والمسكة عازلة ومطلية
http://www.mekshat.com/pix/upload05/images244/mk70070_08574.jpg

ناتي للسعر اخذتة 140 ريال بعد المكاسرة سعرة غويلي شوي بس من باب تجربة صرت اذا لقيت شي اصلي من الصناعات القديمة اللي افتقدناها اخذة بدون تردد لاني ماراح اجدة بالمستقبل

للمعلومية يجي انواع مقاربة لة بالكرتون ويقلك العامل امريكي وبعد التدقيق تجد مكتوب عليها العبارة المشهورة << ميد ان شاينا >>>الله يخسيهم هم وصناعتهم وبعضهم حتى يشيل كتابة الصناعة حسبي الله على من غش المسلمين

[أبو نور]

عسى الله يبارك للك في ماشريت وأنا أفضل أذا تبي جوده وشي تثق فيه أنك تشتري كيبل أيطالي 500 أمبير نفس حق مكاين الحيم والحدادين وتاخذ القياس ألي تحتاجه تشتري مسكات أيطاليه وتكبسها أفضل بس مكلفه شوي بس تاخذ جوده وقوه لايعلا عليها أفضل من ألي بسوق وأسمحلي على المدخله ومبروك ثاني مره

[ذيب الزور]

هلاابك اخوي الرحال

وين المحل اللي لقيته فيه اخوي والسلك كم ملي ؟؟

[kaaaatm]

الوالد الله يحفظه ما يعترف في هالأمور

يفصل سلك الاشتراك بنفسه

عن طريق السلاك اللحام القوية اللي تتحمل الكهرباء وتنقله بسرعه عجيبه

ويكلف تقريبا من 100-150 ريال

ويولفه من شارع الريل

وصدقني لو يعطي تريله اشتراك كان تتشغل على طول


وهذا مؤيدا لكلام أبو نورة

[الخولاني]

يا زين الأصلي وبس

[escape_man]

http://www.mekshat.com/pix/upload05/images244/mk70070_3243244.jpg



http://www.mekshat.com/pix/upload05/images244/mk70070_08574.jpg



ياسلام عليك

انا مثلك لقيته بمحل بالكويت وخذيته بـ 10 دنانير

هذا نفسه الي يستخدم بدوريات بعض الولايات الامريكية فما ينتفوت بهالقيمة

عسى الله يستر عليه لا يضيع مثل الي قبله :)

[ابو زياد 90]

والله شي رائع والاصلي سعرة فية

بس يالغالي كم امبير قوتة ؟؟؟

ومن وين شريتة يالغالي

ومافي اعلى منه من ناحية القوة او الامبير ؟؟

ويعطيك الف عافية عل هذا الطرح الرائع الي يخدم اخوانك

تحياتي لك ,,,

[الرحال2222]

شباب ما اختلف معكم كنت افكر بالترهيم لاكن مشكلة المسكات مافية الا اللي عليها بلاستيك مالقيت نوع زي هذا
مواصفاتة مكتوبة Gauge 4 اللي قريتة بالنت انها تعطيك الى 500 امبير وكافية لمكينة سعتها 5 لتر
يعني ما احتاج اخذ سلك ثخين مرة يغثني في الشيل والتخزين
كل اللي احتاجة في هذا ينفع لسيارة كبيرة وصغيرة اما اللي يبي اشتراك لشيول والا دينة فالترهيم اكيد افضل
هذا يكفيني مو كل يوم بسوي اشتراك لدركتل والا شيول :D:D:D:D:D:D
اللي يسئل عن مكانة اخذتة من اخر شارع الزينة للسيارات بالطائف قبل الاشارة بس هذي كانت اخر حبة
اللي يبي يشوف تفاصيلة اكثر من هنا بموقع سوق كوم
http://saudi.souq.com/%D8%A7%D8%B4%D8%AA%D8%B1%D8%A7%D9%83-%D8%B3%D9%8A%D8%A7%D8%B1%D8%A9-500-%D8%A7%D9%85%D8%A8%D9%8A%D8%B1-%D8%A7%D8%B5%D9%84%D9%8A-7010028041/11251816-AR/?item_list=SOuq_adsearch&offset=4&total_hits=26&s_preserve_sort=1&q=id%3D%26s_keyword%3D%25C7%25D4%25CA%25D1%25C7%25 DF%2B%25D3%25ED%25C7%25D1%25C9%26go%3D%25C5%25C8%2 5CD%25CB%26go%3D1

لاكن السعر دبل الله يكفينا شر الجشع

[Hagaanaf]

الله يبارك لك ماشريت
وهو متوفر عند الجمعان بصناعية النسيم ولاكن لايحضرني سعره
الحقيقه انك وضعت ايدك على الجرح ، فمثل هذا الإشتراك لك وللزمن ، والغريب هو مخصص للبطاريات الأمريكيه التي لا تعبا ، وأيضاً يركب على اي بطاريه ، بما فيها بطاريات المعدات الثقيله
به قوة تحمل فضيعه ولاتوصف
الزين يالحبيب يمدح روحه ما يحتاج احد يمدحه
من نضرك له اتحرن رجليك
نصيحه إذا طلبه ابوك عاريه قله اسمحلي

[sameer_1798]

بارك الله فيك والله يعطيك خيره ويكفيك شره ماشاء الله المقاس مناسب وانا تعبت ومالقيته
هذا الاقتباس قد يستفيد منه من لايعرف هذه المقاسات للاشتراكات الامريكيه


وهنا سرد لرقم الـ Gauge مع كمية الكهرباء المتدفقه (امبير) مع نوع المركبه التي يناسبها

Gauge او معيار 1 يمكن ان يوصل 700- 800 امبير ويستخدم لسيارات سعة الماكينه 7 لتر
Gauge او معيار 2 يمكن ان يوصل 500 - 600 امبير ويستخدم لسيارات سعة الماكينه 5.5 لتر
Gauge او معيار 4 يمكن ان يوصل 400 - 450 امبير ويستخدم لسيارات سعة الماكينه 4.5لتر
Gauge او معيار 6 يمكن ان يوصل 300 - 350 امبير ويستخدم لسيارات سعة الماكينه 3.5 لتر
Gauge او معيار 8 يمكن ان يوصل 200 - 250 امبير ويستخدم لسيارات سعة الماكينه 2 لتر
Gauge او معيار 10 يمكن ان يوصل 100 - 150 امبير ويستخدم لسيارات سعة الماكينه 1.6 لتر


وهنا سرد مبسط للنسبه المئوية بقوة التشغيل بعد توصيل الاشتراك مقارنة بقوة ال Gauge المعيار:

في حال الاشتراك بكيبل من معيارالـ Gauge 1 تكون نسبة التشغيل 99%
في حال الاشتراك بكيبل من معيارالـ Gauge 2 تكون نسبة التشغيل 95%
في حال الاشتراك بكيبل من معيارالـ Gauge 4 تكون نسبة التشغيل 80%
في حال الاشتراك بكيبل من معيارالـ Gauge 6 تكون نسبة التشغيل 60%
في حال الاشتراك بكيبل من معيارالـ Gauge 8 تكون نسبة التشغيل 40%
في حال الاشتراك بكيبل من معيارالـ Gauge 10 تكون نسبة التشغيل 20%

وباختصار شديد لآهل الجيوب وسيارات البر ينصح بأستخدام Gauge - معيار 2 او 4 بقوة 400 – 600 امبير لاغير




والان وما هو اهم وهو الطريقة الصحيحه لتوصيل كيبل الاشتراك من بطاريه حيه الى بطارية ميته (عطلانه)


وهنا الطريقة الصحيحه لتوصيل كيبل الاشتراك من بطاريه حيه الى بطارية ميتهلانه تحدث بعض الانفجارات من بعض البطاريات في حال توصيل كيبل الاشتراك لها

اولآ وصل الموجب في البطاريه العطلانه (الميته)
ثانيآ وصل الموحب في البطاريه الحيه
ثالثأ وصل السالب في البطاريه الحيــــــه
رابعآ وصل السالب في اي جزة من جسم السياره العطلانه
وخامسآ توكل على الله وقم بالتشغيل

[ويكو]

الله يباركلك فيه مومشكلة سعرة اهم شي يفي بحاجتك اخوي الرحال

[ابو زياد 90]

بارك الله فيك والله يعطيك خيره ويكفيك شره ماشاء الله المقاس مناسب وانا تعبت ومالقيته
هذا الاقتباس قد يستفيد منه من لايعرف هذه المقاسات للاشتراكات الامريكيه


يعطيك الف عافية اخوي سمير عل هذا التوضيح

بس ياترى بنحصله بالرياض ؟؟؟

وكم بيكون سعره ؟؟


تحياتي لكم ,,,

[Cyber]

هذا الكيبل شريته من الانترنت وبصراحه ممتاز جدا جدا وانصحكم فيه

http://g-ecx.images-amazon.com/images/G/01/th/content_26/Q3_2010/c26-B000022440-1-l.jpg


صناعته امريكي أصلي

للتفاصيل والشراء من هنا (http://www.amazon.com/gp/product/B00002243Y/ref=as_li_ss_tl?ie=UTF8&tag=mn0ce-20&linkCode=as2&camp=1789&creative=390957&creativeASIN=B00002243Y)

[حب لاينتهي]

بارك الله بكم

جميل جدا

[عاشق ام حبه]

اناء رحت لمحل ادوات الكهرب شريت سلكين كهرب 10 ملي طول اربعه متر لونه ابيض وشريت مسكات اصابع البطاريه من محلات راعين المكشات والبر قويه ومتينه مو زي اللي بالسوق الحبه بخمسه وعشرين ريال وشطرطون ابيض بريال + مشرط قوي
وسويته بالبيت طلع عندي اقوى اشتراك يوصل كهرب بسرعه خياليه اول دقه تشتغل السياره اللي عطلانه بطاريتها جربته على عدة سيارات مشاء الله :good2: لك وللزمن

يشغل حتى بطارية الطياره :D

احسن من اي اشتراك بالسوق


تحياتي للجميع

[الرحال2222]

الشكر لكل من شارك براية او برد زاد الفائدة للموضوع

[الرحال2222]

هذا الكيبل شريته من الانترنت وبصراحه ممتاز جدا جدا وانصحكم فيه

http://g-ecx.images-amazon.com/images/G/01/th/content_26/Q3_2010/c26-B000022440-1-l.jpg


صناعته امريكي أصلي

للتفاصيل والشراء من هنا (http://www.amazon.com/gp/product/B00002243Y/ref=as_li_ss_tl?ie=UTF8&tag=mn0ce-20&linkCode=as2&camp=1789&creative=390957&creativeASIN=B00002243Y)

يعطيك العافية اخوي
هذا قوتة نفس اللي اخذتة Gauge 4
الفرق هذا سلكة اقصر شوي ليتها تتوفر عندنا بالسوق بكل المقاسات ويريحون الواحد من الشحن وغيرة