راعي العجراء
29/04/2012, 10:45 AM
السلام عليكم ورحمة الله وبركاته
ادري انكم تبون السوالف القديمه فهي المحببه الى نفوسكم
واليوم عندي لكم سالفه عن الحواقيل (حاقول) صغار العصافير
اللي توه بادي يطلع له ريش والبعض منها توه مابعد طلع له لاشفته تقول اصباع ابهام
فيه نبخه ومدوحس جلده رقاق وشفاف تشوف البنكرياس والاثناء عشر من ورا الجلد
السالفه
سنه من السنين يوم حنا صغار لاجا وقت تفريخ العصافير نروح للمساجد الطين والمسقوف بجذوع اثل وسعف النخيل وننزل للخلوه (البدروم في وقتنا الحاضر يمكن بعض الشباب مايعرف الخلوه) حيث ان سقفها نازل ماهي مثل مصباح المسجد عالي سقفه
وننزل انا وخويي للخلوه وحط ضهري له سلم يرقى عليه ويطلع من المفارخ وينزل وعلى هالحال
ومن مفرخه لمفرخه مره نلقى ومره مانلقى
في وحدة من المفارخ يوم جينها وانا انزل ضهري له كالعاده وطلع خويي فوق ضهري يجب الحواقيل من المفارخ يوم نقط على رقبتي ماء واستغربت من هالماء وارفع ايدي المس مكان الماء الا وهو دم
قلت لخويي هه خشمك ارعف والا جرحك شي قال لا قلت منيين جاء هالدم قال مدري
قلت يمكن حاقول مجروح رحنا للمفرخه الثانيه وطلع خويي يوم نقط علي دم قلت ياولد
منين الدم قال مافيه شي لاتصير برقبتك جرح قلت يمكن بس منين الجرح
انتهينا على ذلك وانا استغرب من الدم
المهم طلعنا من خلوة المسجد ومعنا مجموعه حواقيل حاطينهن بالطاقيه ونعدهن ولاهن 16 حاقول ونقسمهن بيني وبينه
ولكن انا ضايق صدري من الدم قلت لاتصير عقوبه داعيات علينا امهات الحواقيل
قلت لرفيقي تعال شف رقبتي فيها دم قال لا مافيها شي وهو يضحك قال يابن الحلال لاتخاف
انا اذا دخلت ايدي للمفرخه القا ثلاثه حواقيل وحنا اثنين وخاف يصير زود ومانلقى شي
اقطع راسه بسنوني واكله وهو يرفس مابعد مات حتى حتى ماندخل في نقاش الزود لي والنقص لك وانا اطالع في خشته الا والدم رابص فوق براطمه
ول على هالكبد اللي تقبل كل شي ول على المعدة اللي تطحن ماجاه لو تعطيه شرخ ابو ديك
ومشبوب ماهمها تطفيه وتطلعه صاروخ سبع طلقات
قلت بالله عليك تاكلهن وهن حيات وبدون طبخ قال ايه وش يبي يصير ابا موت لا كلتهن قلت كل واحد اشوف
قال بس من حقاتك قلت مايخالف بس خلن اشوف بعيني علشان اصدق
قال كم واحد اكل اللي تبي وهو يمسك اثنين سوا ويدخلهن بفم مايطلع الا روسهن
وهو يقرض عليهن يوم طاحن روسهن بالارض وصلن الحواقيل المعده وروسهن يوغقن مابعد ماتن
وانا تقلب تسبدي وعطيه العصافير كلهن قلت ماعاد ابي هن خذهن لك قال يا حظي
ومن عقبه ماخذ حاقول الحين لاشفت الحاقول تذكر السالفه
انتهت السالفه وارجوا ان اكون ماستفزيت انفسكم وادري انكم لو تشوفون الحاقول تبون تتذكرون هالسالفه
وقبل الختام سبحانك اللهم وبحمدك لااله الا انت استغفرك اللهم واتوب اليك
دمتم بخير
ادري انكم تبون السوالف القديمه فهي المحببه الى نفوسكم
واليوم عندي لكم سالفه عن الحواقيل (حاقول) صغار العصافير
اللي توه بادي يطلع له ريش والبعض منها توه مابعد طلع له لاشفته تقول اصباع ابهام
فيه نبخه ومدوحس جلده رقاق وشفاف تشوف البنكرياس والاثناء عشر من ورا الجلد
السالفه
سنه من السنين يوم حنا صغار لاجا وقت تفريخ العصافير نروح للمساجد الطين والمسقوف بجذوع اثل وسعف النخيل وننزل للخلوه (البدروم في وقتنا الحاضر يمكن بعض الشباب مايعرف الخلوه) حيث ان سقفها نازل ماهي مثل مصباح المسجد عالي سقفه
وننزل انا وخويي للخلوه وحط ضهري له سلم يرقى عليه ويطلع من المفارخ وينزل وعلى هالحال
ومن مفرخه لمفرخه مره نلقى ومره مانلقى
في وحدة من المفارخ يوم جينها وانا انزل ضهري له كالعاده وطلع خويي فوق ضهري يجب الحواقيل من المفارخ يوم نقط على رقبتي ماء واستغربت من هالماء وارفع ايدي المس مكان الماء الا وهو دم
قلت لخويي هه خشمك ارعف والا جرحك شي قال لا قلت منيين جاء هالدم قال مدري
قلت يمكن حاقول مجروح رحنا للمفرخه الثانيه وطلع خويي يوم نقط علي دم قلت ياولد
منين الدم قال مافيه شي لاتصير برقبتك جرح قلت يمكن بس منين الجرح
انتهينا على ذلك وانا استغرب من الدم
المهم طلعنا من خلوة المسجد ومعنا مجموعه حواقيل حاطينهن بالطاقيه ونعدهن ولاهن 16 حاقول ونقسمهن بيني وبينه
ولكن انا ضايق صدري من الدم قلت لاتصير عقوبه داعيات علينا امهات الحواقيل
قلت لرفيقي تعال شف رقبتي فيها دم قال لا مافيها شي وهو يضحك قال يابن الحلال لاتخاف
انا اذا دخلت ايدي للمفرخه القا ثلاثه حواقيل وحنا اثنين وخاف يصير زود ومانلقى شي
اقطع راسه بسنوني واكله وهو يرفس مابعد مات حتى حتى ماندخل في نقاش الزود لي والنقص لك وانا اطالع في خشته الا والدم رابص فوق براطمه
ول على هالكبد اللي تقبل كل شي ول على المعدة اللي تطحن ماجاه لو تعطيه شرخ ابو ديك
ومشبوب ماهمها تطفيه وتطلعه صاروخ سبع طلقات
قلت بالله عليك تاكلهن وهن حيات وبدون طبخ قال ايه وش يبي يصير ابا موت لا كلتهن قلت كل واحد اشوف
قال بس من حقاتك قلت مايخالف بس خلن اشوف بعيني علشان اصدق
قال كم واحد اكل اللي تبي وهو يمسك اثنين سوا ويدخلهن بفم مايطلع الا روسهن
وهو يقرض عليهن يوم طاحن روسهن بالارض وصلن الحواقيل المعده وروسهن يوغقن مابعد ماتن
وانا تقلب تسبدي وعطيه العصافير كلهن قلت ماعاد ابي هن خذهن لك قال يا حظي
ومن عقبه ماخذ حاقول الحين لاشفت الحاقول تذكر السالفه
انتهت السالفه وارجوا ان اكون ماستفزيت انفسكم وادري انكم لو تشوفون الحاقول تبون تتذكرون هالسالفه
وقبل الختام سبحانك اللهم وبحمدك لااله الا انت استغفرك اللهم واتوب اليك
دمتم بخير